Sovè resisite a te vizite Pòl nan prizon (gade Travay 23:11). Jezikri ka libere nou soti nan “joug esklavaj” (Galat 5:1).

25 Septanm–1 Oktòb.

Galat

“Mache selon Lespri a”

Lè w li ak medite sou Galatnan lapriyè, Senyè a ap anseye w sa w bezwen pataje avèk klas ou a. Lè w ekri enpresyon w yo sa montre gratitid anvè Bondye pou èd li.

Envite Pataj

Ekriti yo souvan mennen nan diskisyon siyifikan sou levanjil la avèk fanmi nou ak zanmi nou. Èske sa te rive manm klas ou yo semèn sa a? Envite yo pou yo pataje eksperyans yo.

Anseye Doktrin nan

Galat 1:6–7; 3:1–5; 4:8–21; 5:1, 13–14

Levanjil Jezikri a ofri nou libète.

• Etid nenpòt liv ekriti pi fasil lè nou konnen poukisa yo te ekri l. Pou rezon sa a, li ta bon pou w kòmanse diskisyon w lan sou Galat avèk yon kesyon konsa “Daprè noumenm, nan ki bi Pòl te ekri epit sa a?” oubyen “Ki pwoblèm Pòl t ap eseye rezoud?” Envite manm klas la pou yo chèche endis nan Galat 1:6–7; 3:1–5; 4:8–21. Kijan mesaj Pòl la aplike pou nou jodia?

• Gen kèk Sen nan Galat ki te panse yo te bezwen kontinye viv lwa Moyiz la. Pou Pòl, sete tankou viv nan yon “jouk esklavaj” konpare ak “libète” Jezikri ofri nou an (Galat 5:1) Pou ede manm klas ou a eksplore ansèyman Pòl sou libète ak esklavaj la, ou gen dwa mande yo pou yo site kèk atitid ak aksyon ki limite pwogresyon spirityèl (tankou tradisyon kiltirèl, move abitid, fo kwayans, oubyen konsantre sou aspè eksteryè a olye nou konsantre sou kovèsyon aletenryè a). Selon Galat 5:1, 13–14, kijan nou ka libere nou anba atitid ak aksyon sa yo? Kijan eksperyans libète nou jwenn gras a Jezikri a te ye? Kijan nou ta ka reponn yon moun ki santi ke viv levanjil la limite libète pèsonèl?

Galat 5:16–26

Si nou “mache selon Lespri a,” n ap resevwa “fwi Lespri yo.”

• Anpil moun gen pwoblèm pou yo rekonèt enfliyans Lespri a. Galat 5 ka ede. Petèt ou gen dwa mande manm klas la pou yo gade nan Galat 5:22–25 pou yo jwen ki mo Pòl te itilize pou l te dekri fwi Lespri yo. Poukisa fwi se yon bon metafò pou fason Lespri a enfliyanse nou? Petèt manm klas la ta ka di kijan fwi sa a te evidan nan lavi yo oubyen nan lavi moun yo konnen. Pami kèk lòt resous pou eksplore, nou gen Matye 7:16–18; Jan 14:26–27; Mowoni 7:13–17; Doktrin ak Alyans 11:12–13; ak temwayaj Prezidan GordonB. Hinckley a nan seksyon “Resous adisyonèl” la.

Nou ka resevwa “fwi Lespri yo” si nou chèche yo.

Galat 6:7–10

Lè nou seme “pou Lespri a,” nou rekòlte benediksyon lè moman an rive.

• Etidye Galat 6:7–10 ta ka ede manm klas yo reflechi pi plis sou konsekans chwa yo genyen alontèm. Pou ede yo, ou gen dwa pote plizyè varyete semans nan klas la, avèk plant, fwi, oubyen legim semans sa yo pwodui (oubyen ou ka pote foto sou bagay sa yo). Manm klas yo ta gen dwa travay ansanm pou yo fè chak semans matche avèk sa l pwodui a. Apresa, yo ka li vèsè 7–10 la epi di kisa sa vledi pou n semen “pou lachè” ak “pou Lespri a.” (Mesaj Èldè Ulisses Soares la nan “Resous adisyonèl” la ta ka ede.) Kisa nou rekòlte lè nou seme pou lachè? Kisa nou rekòlte lè nou seme pou Lespri? (see Galat 5:22–23).

• Kèk manm nan klas la ka santi yo “fatige fè byen” (Galat 6:9)—petèt paske yo pa si ke efò yo ap pote fwi. Yon diskisyon sou Galat 6:7–10 ka itil tou. Pou entwodui vèsè sa yo, ou gen dwa envite yon moun nan klas la pou l pale brèfman de yon okazyon kote l te bezwen pasyans pandan l t ap eseye fè yon bagay pouse. Kisa eksperyans moun sa a, ansanm ak Galat 6:7–10, ka anseye nou sou efò nou pou n “mache selon Lespri a”?Galat 5:25.

Resous adisyonèl

Fwi Lespri a

Prezidan Gordon B. Hinckley te anseye: “Ou rekonèt enspirasyon Lespri yo pa fwi Lespri yo—sa ki eklere, sa ki edifye, sa ki pozitif ak afimatif epi ki elve nou e fè nou gen pi bon panse ak pi bon pawòl ak pi bon aksyon yo soti nan Lespri Bondye a” (Ansèyman Prezidan Legliz yo: Gordon B. Hinckley [2016], 121).

Simen Lespri a.

Èldè Ulisse Soares te eksplike: “Simen nan Lespri a vledi ke tout panse nou, tout pawòl nou, ak aksyon nou dwe elve nou nan nivo divinite paran selès nou yo. Sepandan, ekriti yo fè referans ak lachè kòm nati fizik oswa chanèl lòm natirèl, ki pèmèt moun enfliyanse pa pasyon, dezi, apeti, ak motivasyon chanèl nou olye yo chèche enspirasyon Sentespri a” (“Demere nan Teritwa Senyè a!,” Liahona, Me 2012, 39).

Amelyore Ansèyman Nou

Ede manm klas yo pou youn sipòte lòt. “Chak moun nan klas ou a se yon sous temwayaj, ide, ak eksperyans abondan nan viv levanjil la. Envite yo pou youn pataje ak lòt epi pou youn elve lòt” (Anseye nan fason Sovè a, 5).