batan-ong naglimpyo sa bongbong

Nobyembre 13–19

Santiago

“Ayaw Limbongi ang Inyong Kaugalingon pinaagi sa Pagpamati lamang sa Pulong sa Dios; hin[o]on, Tumana Kini.”

Sa dili pa magbasa niining latid, basaha ang Sulat ni Santiago ug hatagi og pagtagad ang mga pag-aghat nga imong madawat. Unsa nga mga baroganan ang imong makita nga makapanalangin ug makapalig-on sa imong mga sakop sa klase?

pagpaambit nga icon

Dapita ang Pagpaambit

Dapita ang mga sakop sa klase sa pagpaambit og mga bersikulo gikan ni Santiago nga nakapadasig kanila aron mahimong “[mo]tuman sa pulong” (Santiago 1:22). Kon dili kini personal ra kaayo, mahimo usab silang mopaambit sa unsay ilang gibati nga kinahanglan nilang buhaton, sa indibidwal nga paagi o isip mga pamilya.

icon sa pagtudlo

Itudlo ang Doktrina

Santiago 1:5–6

Kon kita mangayo pinaagi sa hugot nga pagtuo, ang Dios mohatag sa madagayaon gayod.

• Ang mga baroganan nga gitudlo diha sa Santiago 1:5–6 midala kang Joseph Smith ngadto sa usa ka makapausab sa kinabuhi nga espirituwal nga kasinatian, ug makapanalangin kini sa matag usa kanato sa pipila ka paagi. Tingali mahimo nimong isulat ang mga pangutana sama sa mosunod diha sa pisara ug hangyoa ang mga sakop sa klase nga hilom nga mamalandong niini: Unsa man ang impluwensiya sa Santiago 1:5–6 diha sa imong kinabuhi? Unsa may natudlo kaninyo sa kasinatian ni Joseph Smith kalab[o]t niining mga bersikulo mahitungod sa pagtinguha og kaalam mahitungod sa inyong kaugalingong mga pangutana? (tan-awa sa Joseph Smith—Kasaysayan 1:10–17). Unsa nga mga kasinatian ang nagtudlo kaninyo nga “ang pagpamatuod ni Santiago tinuod”? (Joseph Smith—Kasaysayan 1:26). Dapita ang mga sakop sa klase nga ipagkigbahin ang ilang mga hunahuna human mamalandong niining mga pangutana.

• Mahimo tingali nga mogamit ang mga sakop sa klase sa Santiago 1:5–6 ngadto sa ilang kaugalingong mga pulong. Sa unsang paagi nga makatabang kini kanila aron mas masabtan kining mga bersikulo? Mahimo kamong magdungan sa paghisgot kon unsa ang kahulogan sa pipila ka mga pulong gikan niining mga bersikulo.

Santiago 1:2–4; 5:7–11

Kon kita mapailubon nga molahutay, ang Ginoo mogiya kanato ngadto sa pagkahingpit.

• Aron sa pagsugod og usa ka panaghisgotan sa mga pagtulon-an ni Santiago mahitungod sa pagpailob diha niining mga bersikulo, mahimo nimong dapiton ang mga sakop sa klase nga mopaambit og mga kasinatian sa dihang kinahanglan nilang magmapailubon ug unsay ilang nakat-onan gikan niana nga kasinatian. Dayon mahimo silang mosiksik sa Santiago 1:2–4; 5:7–11 alang sa mga baroganan nga ilang magamit ngadto sa ilang mga kasinatian. Mahimo usab silang makakita og magamit nga mga baroganan diha sa video nga “Continue in Patience (ChurchofJesusChrist.org) o sa mensahe ni Presidente Dieter F. Uchtdorf nga “Ipadayon ang Pagpail[o]b” (Liahona, Mayo 2010, 56–59). Ang mga sakop sa klase mahimong makapaambit kon unsa ang ilang nakat-onan mahitungod sa pailob samtang sila makaila sa Langitnong Amahan ug sa Manluluwas. Unsa ang nakatabang kanato sa pagpalambo og pailob?

Santiago 1:3–8, 21–25; 2:14–26

“Ingon niini ang pagtuo: patay kini kon dili ubanan sa buhat.”

• Usa ka paagi sa paghisgot sa mga pagtulun-an ni Santiago mahitungod sa hugot nga pagtuo ug mga buhat mahimong mao ang pagbahin sa imong klase ngadto sa duha ka grupo—ang usa mosusi nganong ang hugot nga pagtuo nagkinahanglan og aksiyon ug ang lain nganong ang atong mga aksiyon nagkinahanglan og hugot nga pagtuo. Sa pagbuhat niini, mahimo nilang basahon ang Mateo 7:21–23; Santiago 1:6–8, 21–25; 2:14–26; ug Joseph Smith—Kasaysayan 1:19. Dayon ang matag grupo mahimong mopaambit sa unsay ilang nakit-an ug hisgotan nganong ang hugot nga pagtuo ug mga buhat gikinahanglan.

  Si Abraham nag-ampo sa gawas sa iyang tolda

  “Si Abraham mituo sa Dios, ug kadto giisip kaniya nga maoy pagkamatarong” (James 2:23). Abramam on the Plains of Mamre [Si Abraham didto sa Kapatagan sa Mamre], ni Grant Romney Clawson

• Aron matabangan ang mga sakop sa klase nga mas lawom nga makapamalandong sa halandomon og nga mga pulong nga “Patay ang pagtuo nga mahimulag sa binuhatan” (Santiago 2:26), mahimo nimong isulat ang mosunod nga kapahayag [sentence] diha sa pisara: Ang hugot nga pagtuo nga walay buhat sama sa nga walay . Dapita ang mga sakop sa klase sa paghunahuna og mamugnaong mga paagi sa pagkompleto sa kapayahag, ug ipasulat nila ang ilang mga ideya diha sa pisara. Unsay atong mahimo aron magpadayon nga molihok sa atong hugot nga pagtuo diha kang Jesukristo?

Santiago 2:1–9

Isip mga disipulo ni Jesukristo, kinahanglan natong higugmaon ang tanang tawo, nga dili igsapayan ang ilang mga kahimtang.

• Aron matabangan ang mga sakop sa klase nga madasig sa pagpakita og Kristohanong gugma ngadto sa tanan bisan unsa pa ang sitwasyon o makita sa gawas nga hitsura sa uban, mahimo nimong hangyoon ang mga sakop sa klase nga magpuli-puli sa pagbasa sa mga bersikulo gikan sa Santiago 1:9–11; 2:1–9; 5:1–6. Hisgoti ang mga pangutana sama sa mosunod: Unsa man ang buot ipasabot sa “magbaton og respeto sa mga tawo”? (Santiago 2:9). Nganong usahay nga lahi ang atong pagtratar niadtong adunay salapi, ilado, o gahom kay sa niadtong wala? Unsaon nato paglikay sa pagtratar sa uban nga lahi base sa unsay ilang mga kahimtang? Sa unsang mga paagi nga ang matinud-anong mga sumusunod sa Manluluwas mao gayod ang labing adunahan sa tanan? (tan-awa sa Santiago 2:5).

Santiago 3

Ang mga pulong nga atong gigamit adunay gahom sa pagpasakit o sa pagpanalangin sa uban.

• Ang gamhanang mga imahe nga gigamit ni Santiago makapahinumdom ug makapadasig kanato sa paggamit sa mga pulong—nga gipamulong ug gisulat—sa pagbayaw sa uban. Ikonsiderar ang pagdapit sa mga sakop sa klase sa pagbasa sa Santiago 3, nga mangita sa mga pagtandi nga gigamit ni Santiago sa paghulagway kon sa unsang paagi nga ang mga pulong mahimong makapasakit o makapanalangin sa uban; ang ubang mga sakop sa klase tingali malingaw nga magdrowing og mga hulagway sa unsay ilang makit-an. Sa unsang paagi nga kining pagkompara nagpakita sa panudlo ni Santiago niining kapitulo? Pananglitan, sa unsang paagi nga ang atong mga pulong mahisama sa usa ka kalayo? Tingali ang mga sakop sa klase mahimong mopaambit og mga kasinatian nga nagpakita sa gahom nga anaa sa pinulongan. Mahimo nimong dapiton ang mga sakop sa klase sa pagpamalandong kon unsaon nila paggamit ang tambag ni Santiago.

Pagpalambo sa Atong Pagtudlo

Awhaga ang pag-establisar og matinahurong palibot. “Tabangi ang imong mga sakop sa klase nga makasabot nga ang matag usa kanila makaapekto kon unsay bation sa klase. Awhaga sila nga motabang kanimo sa pag-establisar og usa ka bukas, mahigugmaon, ug matinahurong palibot aron ang tanan mobati nga luwas sa pagpaambit sa ilang mga kasinatian, mga pangutana, ug mga pagpamatuod” (Pagtudlo sumala sa Pamaagi sa Manluluwas, 15).