Si Melchizedek nga naghatag og panalangin ngadto kang Abram

Melchizedek Blesses Abram [Melchizedek Naghatag og Panalangin ngadto ni Abram], ni Walter Rane. Gasa sa artist

Nobyembre 6–12

Mga Hebreo 7–13

“Labawng Sacerdote sa mga Maayong Butang nga Nanagpangabot”

Samtang magbasa ka sa Mga Hebreo 7–13, pamalandongi kon unsay mensahe sa Ginoo alang sa Hebreo nga mga Santos. Pangitaa usab ang Iyang mga mensahe nganha kanimo ug sa mga tawo nga imong gitudloan.

pagpaambit nga icon

Dapita ang Pagpaambit

Sa dili pa magklase, dapita ang pipila ka sakop sa klase nga motungha nga andam nga ipaambit ang mga bersikulo gikan sa Mga Hebreo 7–13 nga nagtabang kanila nga “ma[duol sila] sa Dios uban sa maminatud-ong kasingkasing ug lig-ong pagtuo” (Mga Hebreo 10:22).

icon sa pagtudlo

Itudlo ang Doktrina

Mga Hebreo 7–10

Ang karaan ug moderno nga mga ordinansa nagtudlo ngadto kang Jesukristo.

• Ang latid karong semanaha diha sa Dali, Sunod Kanako—Alang sa mga Indibidwal ug mga Pamilya nagsugyot sa pagbasa sa Mga Hebreo 7 alang sa mga tudling nga nagtudlo mahitungod sa Melchizedek nga Pagkapari ug mopamatuod kabahin ni Jesukristo. Dapita ang mga sakop sa klase sa pagpaambit kon unsay ilang nakit-an. O makahatag ka kanila og panahon sa pagrebyo diha sa klase sa kapitulo 7 ug pangitaon ang mga bersikulo nga nagtudlo kabahin niining pagkapari ug sa pagpamatuod sa Manluluwas. Sa unsang paagi nga si Melchizedek sama ni Jesukristo? (tan-awa ang mga ulohan sa Melchizedek diha sa mga bersikulo 1–2). Sa unsang paagi ang mga ordinansa sa Melchizedek nga Pagkapari makatabang kanato sa pagduol ngadto kang Kristo?

• Bisan kon wala na kita maghalad og mga gisakripisyo nga hayop, miapil kita sa mga ordinansa karon nga, sa samang paagi, nagtudlo sa atong mga kalag ngadto kang Kristo ug naghatag sa “awtorisadong paagi diin ang mga panalangin ug gah[o]m sa langit modagayday sa tinagsa natong kinabuhi” (David A. Bednar, “Kanunay nga Magbaton og Kapasayloan sa Inyong mga Sala,” Liahona, Mayo 2016, 60). Tingali mahimo kamong magdungan sa pagsuhid kon sa unsang paagi ang mga karaang mga ordinansa nga gihulagway diha sa Mga Hebreo 8–10 nagsimbolo sa maulaon nga sakripisyo sa Manluluwas. Pananglitan, unsa may girepresentaran sa dugo sa mga torong baka ug mga kanding? (tan-awa sa Mga Hebreo 9:13–14). Unsa ang girepresentaran sa halangdon nga mga pari? (tan-awa sa Mga Hebreo 9:24–26). Sa unsang paagi nga ang moderno nga mga ordinansa nakapanalangin kanato ug nakatabang sa pagtudlo kanato ngadto kang Jesukristo? Unsay atong mabuhat aron sa paghimo niining mga ordinansa nga mas makahuloganon ug maka-focus sa Manluluwas?

Mga Hebreo 10:34–38; 11

Ang hugot nga pagtuo nagkinahanglan og pagsalig sa mga saad sa Dios.

• Aron matabangan ang mga sakop sa klase nga makasabot sa mga pagtulun-an ni Pablo mahitungod sa hugot nga pagtuo, mahimo nimong sugdan pinaagi sa paghangyo kanila nga maghunahuna kon unsaon nila sa paghulagway ang hugot nga pagtuo sa usa ka kapahayag [sentence]. Dayon, basaha ug hisgoti isip usa ka klase ang kahulogan nga gihatag ni Pablo diha sa Mga Hebreo 11:1. Mahimo na dayon nimong tahasan ang matag usa ka tawo sa pagpili og usa ka tawo nga nahisgotan diha sa Mga Hebreo 11 aron tun-an. Ang mga sakop sa klase mahimong mogamit sa mga footnote o sa Ang Giya ngadto sa mga Kasulatan (scriptures.ChurchofJesusChrist.org) sa pagrebyo sa mga kasinatian sa tawo diha sa Daang Tugon, ug dayon ang usa ka representante gikan sa matag grupo mahimong mopaambit ngadto sa klase kon unsay ilang nakit-an. Giunsa niining mga tawo sa pagpakita nga mibati sila og “kasiguroan sa mga butang nga gilaoman”? (Hubad ni Joseph Smith, Mga Hebreo 11:1 [sa Mga Hebreo 11:1, footnoteb]). Ang mga sakop sa klase mahimong makapaambit sa uban nga mga ehemplo sa matinud-anon nga mga tawo. Kanus-a man kita mipakita og hugot nga pagtuo diha sa mga saad nga wala pa matuman?

• Ang tambag ngadto sa Mga Hebreo nga mga Santos kinsa natintal nga “mosib[o]g” gikan sa ilang pagtuo mahimong bililhon ngadto sa mga sakop sa klase kinsa tingali nanglimbasog sa ilang mga pagpamatuod. Mahimong makatabang usab kini niadtong kinsa naningkamot sa pagtabang sa mga minahal diha sa usa ka krisis sa hugot nga pagtuo. Aron madiskobrehan kini nga tambag, ang mga sakop sa klase mahimong mobasa sa Mga Hebreo 10:34–38 ug sa pamahayag ni Elder Jeffrey R. Holland diha sa “Dugang nga mga Kapanguhaan.” Nganong nga kita usahay matintal sa pagsalikway sa atong pagsalig sa kaugalingon (tan-awa sa Mga Hebreo 10:35) diha sa Ginoo ug sa Iyang ebanghelyo? Unsa ang atong mahimo aron makaugmad ug makapatunhay og hugot nga pagtuo ug pagsalig nga “makadawat sa gisaad [sa Dios]”? (Mga Hebreo 10:36).

mga kapanguhaan nga icon

Dugang nga mga Kapanguhaan

“Busa ayaw wagtanga ang inyong pagsalig.”

Nagpasabot sa Mga Hebreo 10:32–39, si Elder Jeffrey R. Holland nagtudlo:

“Sigurado nga lis[o]d kini—sa wala pa kamo magpasakop sa Simbahan, samtang naninguha kamo sa pagpasakop, ug human kamo magpasakop. Ingon na gyod niana sukad pa kaniadto, nag-ingon si Pablo, apan ayaw pagsibog. Ayaw og kalisang ug hunong. Ayaw wad-a ang inyong pagsalig. Ayaw kalimti unsay inyong gibati kaniadto. Ayaw dudahi ang inyong kasinatian kaniadto. …

“Sa bisan unsang dagkong desisyon dunay mga pasidaan ug mga konsiderasyon nga himoon, apan sa higayon nga dunay kahayag, pagbantay sa tintasyon nga mosibog gikan sa usa ka maayo nga butang. Kon husto kini sa dihang kamo nag-ampo mahitungod niini ug misalig niini ug nagpuyo alang niini, sakto kini karon. Ayaw paghunong kon mograbe ang mga problema. … Atubanga ang inyong mga pagduha-duha. Kontrolaha ang inyong mga kahadlok. ‘Busa ayaw ninyo pagwad-a ang inyong pagsalig.’ Pagpadayon sa pag-uswag ug sud-onga ang katahom sa kinabuhi nga mobuklad para kanimo” (“Cast Not Away Therefore Your Confidence,” Ensign, Mar. 2000, 8–9).

Pagpalambo sa Atong Pagtudlo

Dangop una sa mga kasulatan. Ang mga kasulatan kinahanglan mao ang nag-unang tinubdan alang sa imong pagtuon ug pagpangandam. Ang mga pulong sa mga propeta sa bag-ong panahon makakomplemento sa sumbanan nga mga basahon (tan-awa sa Pagtudlo sumala sa Pamaagi sa Manluluwas, 17).