Nobōm̧ba 13–19

Jemes

“A Koṃwin Ri Kōṃanṃan Naan eo, im Jab Ri Ron̄jake Wōt”

M̧okta jān riiti unin tōl in, riiti Leta eo an Jemes im kanooj leļo̧k am̧ n̄an im̧we ko kwoj būki. Ta pedped in katak ko kwoj loi me renaaj jipan̄ im kaddōkļo̧k ro uwaan kūlaaj eo am̧?

Kajjitōk bwe ren Kwaļo̧k

Kajjitōk ippān ro uwaan kūlaaj eo n̄an kwaļo̧k eoon ko jān Jemes me rej im̧we er n̄an erom “ri kōm̧anm̧an naan eo” (Jemes 1:22). Eļan̄n̄e ejjab lukkuun an juon make, remaron̄ barāinwōt kwaļo̧k ta eo rej en̄jake rej aikuj n̄an kōm̧m̧ane, āinwōt kajjojo ak āinwōt baam̧le ko.

Katakin Katak eo

Jemes 1:5–6

N̄e jej kajjitōk ilo tōmak, Anij ej wūjlepļo̧k.

• Pedped in katak ko raar katakin ilo Jemes 1:5–6 rekar tōlļo̧k Josep Smith n̄an juon en̄jake ilo jetōb ekar ukōt mour eo an, im remaron̄ kōjeraam̧m̧an kajjojo iaad ilo jet wāween. Bōlen kwomaron̄ je kajjitōk ko āinwōt kein ioon boot eo im kajjitōk ippān ro uwaan kūlaaj eo n̄an kejekļo̧kjeņ kaki ilo ikōņ: Ta kareel eo Jemes 1:5–6 ewōr an ilo mour eo aō? Ta en̄jake eo an Josep Smith ewōr an ippān eoon kein ekar katakin eō kōn kappukōt māletlet kōn kajjitōk ko aō make? (lale Josep Smith—Bwebwenato 1:10–17). Ta en̄jake ko raar katakin kwe bwe “naan in kam̧ool eo an Jemes [ej] m̧ool”? (Josep Smith—Bwebwenato 1:26). Kajjitōk ippān ro uwaan kūlaaj eo n̄an kwaļo̧k ļōmņak ko ewōr ippāer ālkin kejekļo̧kjeņ kōn kajjtōk kein.

• Bōlen ro uwaan kūlaaj eo remaron̄ likūt Jemes 1:5–6 ilo naan ko aer make. Ekōjkan an menin jipan̄ er em̧m̧anļo̧k aer meļeļe eoon kein? Kwomaron̄ kōņaan ekōnono ippān doon kōn ta meļeļe in jet iaan naan ko jān eoon kein.

Jemes 1:2–4; 5:7–11

Eļan̄n̄e jej niknik ilo kijenmej, Irooj enaaj tōlļo̧k kōj n̄an weppān.

• N̄an jino juon iien ekōnono kōn katak ko an Jemes kōn kijenmej ilo eoon kein, kwomaron̄ kajjitōk ippān ro uwaan kūlaaj eo n̄an kwaļo̧k en̄jake ko ilo iien eo raar aikuj in kijenmej im ta eo raar ekkatak jān en̄jake jab eo. Innām remaron̄ etale Jemes 1:2–4; 5:7–11 kōn pedped in katak ko me reiookļo̧k en̄jake ko aer. Remaron̄ barāinwōt lo pedped in katak ko rejetjet ilo pija in alooj eo “Continue in Patience” (ChurchofJesusChrist.org) ak ennaan eo an Būreejtōn Dieter F. Uchtdorf “Continue in Patience” (Liahona, Māe 2010, 56–59). Ro uwaan kūljaaj eo remarōn kwaļo̧k ta eo raar ekkatak kōn kijenmej ilo aer itok n̄an jeļā kōn Jemedwōj Ilan̄ im Rilo̧mo̧o̧r eo. Ta eo ekar jipan̄ kōj kōļapļo̧k kijenmej?

Jemes 1:3–8, 21–25; 2:14–26

“Tōmak ejepel jān jerbal emej.”

• Juon wāween n̄an ekōnono kōn katak ko an Jemes kōn tōmak im jerbal emaron̄ kōn ajije kūlaaj eo am̧ n̄an ruo kumi ko—juon n̄an etale etke tōmak ej aikuj jerbal im eo juon n̄an etale etke jerbal ko ad rej aikuji tōmak. N̄an kōm̧m̧ane menin, remaron̄ riiti Matu 7:21–23; Jemes 1:6–8, 21–25; 2:14–26; im Josep Smith—Bwebwenato 1:19. Innām kajjojo kumi remaron̄ kwaļo̧k ta eo raar loe im ekōnono kake etke jim̧or tōmak im jerbal ko rej menin aikuj.

  

  “Ebream ear tōmak Anij, im eṃōj watōk e n̄an e āinwōt wānōk” (Jemes 2:23). Ebream ilo Jikin ko Rettā (Plain) an Mamre, jān Grant Romney Clawson

• N̄an jipan̄ ro uwaan kūlaaj eo kam̧wilaļļo̧k aer kejekļo̧kjeņ kōn eoon in ekakeememej “Tōmak ejepel jān jerbal e mej” (Jemes 2:26), kwomaron̄ je jāntōj kein ioon boot eo: Tōmak ejjeļo̧k jerbal ej āinwōt ejjeļo̧k . Kajjitōk ippān ro uwaan kūlaaj eo n̄an ļōmņak kōn wāween ko rein juon jān doon n̄an kadedeļo̧k jāntōj in, im kōm̧m̧an bwe ren je ļōmņak ko aer ioon boot eo. Ta eo jemaron̄ kōm̧m̧ane n̄an wōnm̧aanļo̧k wōt in jerbale tōmak eo ad ilo Jisōs Kraist?

Jemes 2:1–9

Āinwōt rikaļoor ro an Jisōs Kraist, jej iakwe aolep armej, jekdo̧o̧n ta jekjek ko aer.

• N̄an jipan̄ im̧we ro uwaan kūlaaj eo n̄an kwaļo̧k iakwe eo āinwōt an Kraist n̄an aolep jekdo̧o̧n ta jekjek eo an ro jet ak jellin itulik eo, kwomaron̄ kajjitōk ippān ro uwaan kūlaaj eo n̄an bōk an doon iien riiti eoon ko jān Jemes 1:9–11; 2:1–9; 5:1–6. Ekōnono kōn kajjitōk ko āinwōt in: Ta meļeļe in n̄an “kalijekḷọk armej”? (Jemes 2:9). Etke jet iien eoktak ad kōm̧m̧an n̄an ro me ewōr aer jāān, rebun̄bun̄, ak kajoor jān ro me ejjeļo̧k aer? Ekōjkan ad maron̄ kabōjrak oktak in ad kōm̧m̧an ro jet pedped ioon ta jekjek ko aer? Ilo wāween ta rikaļoor ro retiljek an Rilo̧mo̧o̧r eo lukkuun rim̧weie tata ro iaan aolep? (lale Jemes 2:5)

Jemes 3

Naan ko jej kōjerbali ewōr aer kajoor n̄an kōmetak ak kōjeraam̧m̧an ro jet.

• Pija ko rekajoor Jemes ekar kōjerbali maron̄ kakeememej im kōllowetake kōj n̄an kōjerbal naan ko—jim̧or ekōnono im jeje—n̄an ļōn̄aj ro jet. Ļōmņak in kajjitōk ippān ro uwaan kūlaaj eo n̄an wate Jemes 3, pukōt keidi ko Jemes ekar kōjerbali n̄an kōmeļeļeik ekōjkan an naan ko maron̄ kōmetak ak kōjeraam̧m̧an ro jet; jet uwaan kūlaaj eo remaron̄ m̧ōņōņō ilo jin̄aik pija ko kōn ta eo rej loe. Ekōjkan an keidi kein kōmeļeļeik naan in kōmeļeļe ko an Jemes ilo jepta in? N̄an waanjon̄ak, ekōjkan an naan ko ad maron̄ āinwōt juon kijeek? Bōlen ro uwaan kūlaaj eo remaron̄ kwaļo̧k en̄jake ko me rej kwaļo̧k kajoor eo me kajin eo emaron̄ wōr an. Kwomaron̄ kajjitōk ippān ro uwaan kūlaaj eo n̄an kejekļo̧kjeņ kōn ekōjkan aer maron̄ kōjerbal kapilōk eo an Jemes.

Kōkm̧anm̧anļo̧k Ad Katakin

Kōketak n̄an ejake juon mejatoto in kautiej. “Jipan̄ ro uwaan kūlaaj eo am̧ meļeļe bwe kajjojo iaer rejelet jetōb eo an kūlaaj eo. Kōketak er n̄an jipan̄ eok ejake juon mejatoto ejjeļo̧k ņojak, iakwe, im kautiej bwe aolep ren en̄jake ineem̧m̧an in kwaļo̧k en̄jake ko aer, kajjitōk ko, im naan in kam̧ool ko” (Teaching in the Savior’s Way,, 15