Melkizedek ej leļo̧k juon kōjeraam̧m̧an n̄an Ebream

Melkizedek ej Kōjeraam̧m̧an Ebream,, jān Walter Rane Menin letok an ripija

Nobōm̧ba 6–12

Hibru 7–13

“Pris Eḷap N̄an Men ko Reṃṃan Renaaj Itok”

Ilo am̧ riiti Hibru 7–13, kejekļo̧kjeņ kōn ta ennaan eo an Irooj ekar n̄an Armej ro Rekwojarjar in Hebru. Barāinwōt pukōt ennaan ko An n̄an kwe im armej ro kwoj katakin er.

pija ej bōk jikin kwaļo̧k

Kajjitōk bwe ren Kwaļo̧k

M̧okta jān kūlaaj, kajjitōk ippān jejjo ro uwaan kūlaaj eo n̄an itok ilo aer pojak n̄an kwaļo̧k eoon ko jān Hibru 7–13 me ejipan̄ er “ruwaakļo̧k [n̄an Anij] en ṃool būruōd, im tōmak eo ad en pen wōt” (Hibru 10:22).

pija eo ej bōk jikin katakin

Katakin Katak eo

Hibru 7–10

Kain̄i ko etto im raan kein rej iookļo̧k Jisōs Kraist.

• Unin Tōl eo an wiik in ilo Itok, Ļoor Eō—N̄an Kajjojo Armej im Baam̧le ko ej elmakote etale Hibru 7 kōn eoon ko me rej katakin kōn Melkizedek Priesthood eo im kam̧ool kōn Jisōs Kraist. Kajjitōk ippān ro uwaan kūlaaj eo n̄an kwaļo̧k ta eo raar loe. Ak kwomaron̄ leļo̧k n̄an er iien ilo kūlaaj eo n̄an etale jepta 7 im pukōt eoon ko me rej katakin kōn priesthood in im kam̧ool kōn Rilo̧mo̧o̧r eo. Ekōjkan an Melkizedek kar āinwōt Jisōs Kraist? (lale taitōļ ko an Melkizedek ilo eook 1–2). Ekōjkan an kain̄i ko an Melkizedek Priesthood eo jipan̄ kōj itok n̄an Kraist? Bōlen ro uwaan kūlaaj eo remaron̄ pukōt bōlen uwaak ko ilo Gospel Topics, “Melchizedek Priesthood” (topics.ChurchofJesusChrist.org).

• Em̧ool jekdo̧o̧n n̄e jejjab kōm̧m̧an katok ko kōn mennin mour, jej bōk koņaad ilo kain̄i ko rainin me, ilo juon wāween ainļo̧k wōt, bōkļo̧k jetōb ko ad n̄an Kraist im letok “mālim kōn kōjeram̧m̧an ko im kajoor ko an lan̄ maron̄ itok n̄an mour ko ad kajjojo” (David A. Bednar, “Iien Otemjej Jeorļo̧k Jero̧wiwi ko Ami,” Kweilo̧k eo Eļap, Māe 2016, 60). Bōlen kwomaron̄ etale ippān doon ekōjkan an kain̄i ko etto kar kōmeļeļeik ilo Hibru 8–10 ekar kakōļļeik en̄taan in pinmuur eo an Rilo̧mo̧o̧r eo. N̄an waanjon̄ak, ta eo būtōktōk in bull ko im koot ko rej jutak kake? (lale Hibru 9:13–14). Wōn eo pris utiej eo ej bōk jikin? (lale Hibru 9:24–26) Pija in alooj eo “Sacrifice and Sacrament” (ChurchofJesusChrist.org) emaron̄ jipan̄. Ekōjkan an kain̄i ko raan kein ekar kōjeraam̧m̧an kōj im kar jipan̄ kōj jitōn̄ļo̧k kōj n̄an Jisōs Kraist. Ta eo jemaron̄ kōm̧m̧ane bwe kain̄i kein en ļapļo̧k meļeļe in im kar pedped wōt ioon Rilo̧mo̧o̧r eo?

Hibru 10:34–38; 11

Tōmak ej aikuj lōke eo ilo kallim̧ur ko an Anij.

• N̄an jipan̄ ro uwaan kūlaaj eo meļeļe katak ko an Paul kōn tōmak, kwomaron̄ jino kōn kajjitōk ippāer n̄an ļōmņak kōn ekōjkan aer naaj kar kōmeļeļeik ilo juon jāntōj. Innām, riiti im ekōnono kake āinwōt juon kūlaaj meļeļe eo Paul ekar letok ilo Hibru 11:1. Innām kwomaron̄ kappeik kajjojo armej n̄an kāālet juon iaan armej ro kar kōnono kaki ilo Hibru 11 n̄an ekkatak. Ro uwaan kūlaaj eo remaron̄ kōjerbal footnote ko ak Unin Tōl eo n̄an Jeje Ko Rekwōjarjar (scriptures.ChurchofJesusChrist.org) n̄an etale en̄jake ko an armej eo ilo Kallim̧ur M̧okta innām kwaļo̧k ippān kūlaaj eo ta eo raar loe. Ekōjkan an armej rein kar kwaļo̧k bwe raar en̄jake “jeļā epen kōn men ko kōjatdikdik kaki”? (Josep Smith Ukok, Hibru 11:1 [ilo Hibru 11:1, footnote b]). Ro uwaan kūlaaj eo bōlen remaron̄ in kwaļo̧k waanjon̄ak ko jet an armej ro retiljek. N̄aat eo jaar kōjerbal tōmak ilo kallim̧ur ko me rejjan̄in de kūrm̧ool?

• Kapilōk eo n̄an Armej ro Rekwojarjar in Hibru me raar po n̄an “jenliklik” jān tōmak eo aer maron̄ in aorōk n̄an ro uwaan kūlaaj eo me remaron̄ in kakkōt kōn naan in kam̧ool ko aer. Emaron̄ barāinwōt jipan̄ ro me rej kajjieon̄ jipan̄ ro rejitinbōro ilo juon jorrāān in tōmak. N̄an lo kapilōk in, ro uwaan kūlaaj remaron̄ riiti Hibru 10:34–38 ennaan eo an Elder Jeffrey R. Holland ilo “Kein Jipan̄ ko Jet.” Etke jet iien jej po n̄an joļo̧k lōke eo ad (lale Hibru 10:35) ilo Irooj im gospel eo An? Ta eo jemaron̄ kōm̧m̧ane n̄an kalōk im dāpij wōt tōmak im lōke eo n̄an “bōk kallim̧ur eo an [Anij]”? (Hibru 10:36). Pija in alooj eo “Good Things to Come” im “An High Priest of Good Things to Come” (ChurchofJesusChrist.org) remaron̄ jipan̄ iien ekōnono in.

pija ej bōk jikin kein jipan̄ ko

Kein Jipan̄ ko jet

“Kom̧win jab joļo̧k ami peran.”

Kōnono kōn Hibru 10:32–39, Elder Jeffrey R. Holland ekar katakin:

“Em̧ool epen—m̧okta jān am̧ kar kobatok ilo Kabun̄ in, ilo am̧ kajjieon̄ in kobatok, im ālkin am̧ kar kobatok. En̄in ej wāween eo eļakkar baj wōt iien otemjej, Paul ej ba, bōtaab jab jenliklik. Jab wiwijet im jenliklik. Jab jerwane lōke eo am̧. Jab meļo̧kļo̧k ekōjkan am̧ kar en̄jake juon iien. Jab jelke en̄jake eo ewōr ippam̧. …

“Kōn jabdewōt kālet ko ijeņ ewōr kakkōļ ko im kōļmenļo̧kjeņ ko n̄an kōm̧m̧ani, bōtaab to̧o̧n wōt an naaj wōr, lale bwe kapo enaaj ko jān men eo em̧m̧an. Eļan̄n̄e eaar jim̧we am̧ jar kake im kar lōke im kar mour kake, ej tōre eo in kiiō. Jab ebbweer eļan̄n̄e ej eddo tok. … Jelm̧aik pere ko am̧. Kamineneik eok kōn ta ko rej kamijak eok. ‘Jab joḷọk ami peran.’ Pād wōt ilo iaļ in im lo aiboojoj eo an mour in waļo̧k n̄an eok” (“Cast Not Away Therefore Your Confidence,” Ensign,, Mar. 2000, 7, 9).

Kōkōm̧anm̧anļo̧k Ad Katakin

Etal n̄an jeje ko rekwojarjar m̧okta. Jeje ko rekwojarjar rej aikuj in jipan̄ eo eļaptata n̄an ekkatak im m̧aanjabpop eo am̧. Naan ko an rikanaan ro raan kein remaron̄ rie jeje ko rekwojarjar (lale Teaching in the Savior’s Way, 17).