Jisōs Kraist ej kwaļo̧k gospel eo ilo laļ eo an jetōb.

Kraist ej Kwaļo̧k Naan ilo Laļ eo an Jetōb, jān Robert T. Barrett

Nobōm̧ba 20–26

1 im 2 Piter

“Lan̄lōn̄ ilo lan̄lōn̄ Eḷap Jān Maron̄ in Ba E Obrak kōn Aiboojoj”

Keememej bwe jibadbad eo am̧ ej n̄an katakin armej ro, ejjab baj leļo̧k wōt juon katak. Ilo am̧ riiti Leta ko an Piter, ļōmņak kōn ro kajjojo uwaan kūlaaj eo. Ta pedped in katak ko renaaj jipan̄ er kalōk tōmak eo aer?

pija ej bōk jikin kwaļo̧k

Kajjitōk bwe ren Kwaļo̧k

Je taitōļ ko 1 Piter im 2 Piter ioon boot eo. Leļo̧k n̄an ro uwaan kūlaaj eo iien n̄an etale letak kein, im kajjitōk ippāer n̄an je iumwin taitōļ kein naan ko ak eoon ko me rej lo eļap meļeļeier. Innām kōjerbale laajrak ko n̄an kajjitōk ippān armej ro n̄an kwaļo̧k kōļmenļo̧kjeņ ko aer.

pija eo ej bōk jikin katakin

Katakin Katak eo

1 Piter 1:3–9; 2:19–24; 3:14–17; 4:12–19

Imaron̄ lo lan̄lōn̄ ilo iien mālijjon̄ ko im en̄taan.

• Juon wāween n̄an etale kapilōk eo an Piter ilo 1 Piter 1:3–9; 2:19–24; 3:14–17; im 4:12–19 ej n̄an kajjitōk ippān ro uwaan kūlaaj eo n̄an ļōmņak kōn juon eo me rejeļā kajjien me ej ioon juon mālijjon̄. Leļo̧k n̄an er iien ilo kūlaaj eo n̄an je juon leta n̄an armej eo, kobaik m̧ool ko jān eoon kein me renaaj kōketak armej jab eo (lale barāinwōt Katak im Bujen Ko 121:1–8; 123:17). Innām ro uwaan kūlaaj eo remaron̄ kōnono kōn m̧ool ko raar kāālet.

1 Piter 1:13–20; 2:1–12

Kar kūr kōj n̄an erom “ri aelōn̄ an Anij.”

• Katak ko an Piter ilo 1 Piter 1:13–20 im 2:1–12 remaron̄ in juon kakeememej eim̧we kōn ekōjkan an Irooj kalimjōk kōj—armej ro An—im ta eo Ej kōtmene jān kōj. Bōlen kwomaron̄ kajjitōk ippān ro uwaan kūlaaj eo n̄an etale eoon kein kappukōt kōmeļeļe ko kōn ta meļeļe in n̄an erom “ri aelōn̄ an Anij” (1 Peter 2:10) innām ekōnono kōn ta eo rej loe. Kwomaron̄ kōmeļeļeik naan eo “āinjuon (peculiar)” ilo 1 Piter 2:9 ej meļeļe in “wia” ak “kōjparok” (lale footnote f). Ta eo men in ej katakin kōj kōn wāween an Anij en̄jake kōn kōj im ekōjkan An kōņaan bwe jen mour?

1 Piter 3:18–20; 4:6

Gospel eo kar kwaļo̧k n̄an ro remej bwe er ren maron̄ ekajet ilo jetjet.

• Leta eo Kein Kajuon an Piter epād ie juon iaan eoon in jipan̄ ko rejjab ellōn̄ ilo Baibōļ eo kōn loļo̧k eo an Jisōs Kraist n̄an laļ eo an jetōb ālkin mej eo An—juon iien me revelesōn in raan kein ko rej jipan̄ kōļapļo̧k ad meļeļe. N̄an jipan̄ ro uwaan kūlaaj eo kam̧wilaļļo̧k meļeļe eo aer kōn laļ eo an jetōb, kwomaron̄ kajjitōk ippāer n̄an riiti eoon in jeje kein rekwojarjar im je ta eo rej ekkatak ioon boot eo: Jon 5:25; 1 Piter 3:18–20; 4:6; Alma 40:7–14, 21; Katak im Bujen Ko 138:11–32 (lale barāinwōt “Kein Jipan̄ ko Jet.”) Etke ej aorōk n̄an jeļā kōn loļo̧k eo an Rilo̧mo̧o̧r eo n̄an laļ eo an jetōb? Ekōjkan an jeļā in jelet wāween ad en̄jake kōn Anij im karōk in lo̧mo̧o̧r eo An?

2 Piter 1:1–11

Jān kajoor eo an Jisōs Kraist, jemaron̄ ejake paotok kwojarjar ko ad.

• N̄an kōketak ro kwoj katakin er ilo kijejeto ko aer n̄an eromļo̧k āinwōt Jisōs Kraist, kwomarōn kajjitōk ippāer n̄an kwaļo̧k m̧wil ko āinwōt an Kraist kar kōmeļeļeik ilo 2 Piter 1:1–11. Ļōmņak in je m̧wil kein ioon boot eo im kajjitōk ippān ro uwaan kūlaaj eo n̄an kōmeļeļeik er. Innām ro uwaan kūlaaj eo remaron̄ ekōnono kōn ewi wāween ejake juon m̧wil eo ej tōlļo̧k n̄an ejake eo an m̧wil ko jet. Leļo̧k iien n̄an er n̄an kejekļo̧kjeņ kōn ewi wōt m̧wil eo rej kōņaan kōļapļo̧k aer ejake.

juon tapestry ekaipokpok kar āje

Kajjojoj m̧wil āinwōt an Kraist jej ejake ej jipan̄ kōj āje juon tapestry ilo jetōb an rikaļoor.

pija ej bōk jikin kein jipan̄ ko

Kein Jipan̄ ko Jet

Jerbal in pinmuur eo an ro remej ej kam̧ool kōn mijen eo an Kraist.

Elder D. Todd Christofferson ekar katakin:

“Ta mejān kajjik eo an būjin in bilien ko me raar mour im mej ilo aer jab jeļā kōn Jisōs? Kōn Jepļaaktok eo an gospel eo an Jisōs Kraist ekar itok meļeļe eo kōn ekōjkan an ro remej rekar jab peptaij lo̧mo̧o̧r im ekōjkan an Anij maron̄ in ‘wānōk, Anij in jim̧we, Anij in tūriam̧o kake barāinwōt’ [Alma 42:15].

“Ke ekar pād wōt ilo mour in, Jisōs ekar kanaan bwe E enaaj kar barāinwōt kwaļo̧k n̄an ro remej [lale Jon 5:25]. Piter ej jiron̄ kōj menin ekar kōm̧m̧an ilo kōtaan eo ikōtaan Debwāāl eo an Rilo̧mo̧o̧r im Jerkakpeje eo [lale 1 Piter 3:18–19]. Būreejtōn Joseph F. Smith ekar kam̧oole ilo visōn eo bwe Rilo̧mo̧o̧r eo ekar loļo̧k laļ eo an jetōb [lale Katak im Bujen Ko 138:30, 33]. …

“Inepata eo ad n̄an lo̧mo̧o̧ren ro remej, im iien eo im kein jipan̄ ko jej likūt itulik in kallim̧ur eo, rej, ilōn̄ in aolep, juon kakōļļe kōn kam̧ool eo ad ikkijien Jisōs Kraist. Ej letok juon ennaan ekajoor ilo ad maron̄ kōm̧m̧ane ikkijien piktok eo im mijen eo An ekwojarjar Ej kam̧ool, m̧oktata, kōn Jerkakpeje eo an Kraist; ruo, kōn an ilo̧k ilo ejjeļo̧k jem̧ļo̧kin Pinmuur eo An; jilu, bwe E ej unjen lo̧mo̧o̧r eo eļap tata; emen, bwe E ekar ejake jekjek ko n̄an lo̧mo̧o̧r eo; im ļalem, bwe E enaaj bar itok” (“The Redemption of the Dead and the Testimony of Jesus,” Ensign, Nov. 2000, 9–10).

Kōkōm̧anm̧anļo̧k Ad Katakin

Katakin “etke.” “Jet iien rūkatak ro—eļaptata jodikdik ro—rej ļōmņak ewi wāween an pedped in katak ko iookļo̧k er ak etke rej aikuj in pokake jet kien ko. Ijoke, eļan̄n̄e rej meļeļe karōk indeeo eo an Jemedwōj Ilan̄ n̄an m̧ōņōņō eo an ajri ro Nejin, un ko n̄an pedped in katak ko an gospel eo im kien ko remaron̄ alikkarļo̧k im ellowetak n̄an kōļapļo̧k pokake” (Teaching in the Savior’s Way, 20).