Composite art pa Eric Johnson: Gran Konsèy la, pa Robert T. Barrett; Koutwazy Ajans Spasyal Ewopeyèn star cluster

11–17 Desanm.

Revelasyon 6-14

“Yo te genyen batay la… gremesi San ti Mouton an”

Joseph Smith te di ke liv Revelasyon an “se youn nan liv ki pi klè ke Bondye te janm fè ekri” (nan Journal, Desanm 1842–Jen 1844; Liv 2, 10 Mas 1843–14 Jiyè). 1843, 98, JosephSmithPapers.org). Kijan w kapab ede manm klas la jwen verite klè nan chapit sa yo?

Envite Pataj

Pou ede manm klas la revize kèk nan ide yo te genyen lè yo te etudye Revelasyon 6–14, ekri nimero 6 rive nan 14 sou tablo a. Manm klas la gen dwa ekri akote yon nimero nenpòt ide yo jwenn ki koresponn ak chapit sa a ki anrapò ak yon moun k ap viv nan dènye jou yo.

Anseye Doktrin nan

Revelasyon 6

Jezikri ouvri so liv la yo.

• Pou ede manm klas la imajine liv la avèk sèt so (gade Revelasyon 5:1), ou ka eksplike ke ansyen woulo yo te souvan sele ak yon ti ajil oswa sir. Yo t ap kole yon bag oswa yon tanpon nan ajil la oswa sir la anvan l vin di, sa demontre otorite moun ki te sele woulo a epi dekouraje moun ki pa gen otorizasyon pou yo ouvri l. Apresa manm klas la ka pataje nenpòt panse oswa opinyon yo te genyen lè yo t ap li konsènan liv sa a nan Revelasyon 6; Doktryn ak Alyans 77:6–7; and plan leson semèn sa a nan Vini, Suiv Mwen—Pou Moun yo ak Fanmi yo. Poukisa ou panse li enpòtan pou konnen siyifikasyon senbolik liv sa a? Poukisa w panse li enpòtan pou w konnen se Sovè a ki ouvri chak so liv la? (gade Revelasyon 5:1–9).

Revelasyon 7–11

“Wayòm mond sa yo tounen wayòm Seyè nou an.”

• Revelasyon 7–11 la kapab difisil pou konprann. Youn nan benediksyon yon klas Lekòldidimanch se ke manm klas yo youn ka ede lòt konprann ekriti yo. Ou ta ka fè yon lis kesyon manm klas yo genyen sou chapit sa yo epi envite yo pataje ide yo youn ak lòt. Ankouraje tout manm klas la—sa yo ki ka santi yo gen plis konesans yo ak sa ki ka santi yo pa konnen ase yo—pou yo pataje ide yo sou chapit sa yo.

• Ou gen dwa kòmanse yon diskisyon pa mande manm klas la ki tèm ki repete souvan yo te jwenn nan Revelasyon 7–11. Yo ta ka pataje vèsè kote yo jwenn tèm sa epi eksplike poukisa tèm yo enpòtan. Si yo bezwen èd, ou ta ka sijere pou yo li Revelasyon 11:15–17. Ki tèm yo jwenn nan vèsè sa yo, e kijan tèm sa a eksprime nan lòt vèsè nan Revelasyon 7–11? Menmsi chapit sa yo dekri lagè ak kalamite, kisa nou jwenn ki ba nou espwa ak konfyans nan Jezi Kris?

Revelasyon 12–14

Nou gen viktwa sou Satan “gremesi san ti mouton an, epi pa pawòl temwayaj [nou]“

• Aprann konsènan Lagè nan Syèl la ka ede nou pi byen konprann lavi sou tè a. Manm klas la ka li Tradiksyon Joseph Smith, Revelasyon 12:7–11 la (nan apendiks Bib la) epi idantifye kijan nou te venk Satan ak lame l yo. Ki lòt ide nou jwenn nan dokimantasyon sou Lagè nan Syèl la nan Diksyonè Bib la oswa Endèks pa sijè? (topics.ChurchofJesusChrist.org). Kisa nou aprann ki ka ede nou venk advèsè a?

• Lagè ant byen ak mal la dekri nan Revelasyon 13–14. Kisa chapit 13 anseye nou sou fason dragon an goumen lagè sa a? Dapre chapit 14, kijan ti Mouton an konbat li? Li ta ka enteresan pou fè yon lis sou fason chak opozan yo goumen lagè sa a dapre de chapit sa yo. Ki resanblans ak diferans ou jwenn?

• Kisa sa vledi Anyo a te “imole depi nan fondasyon mond lan”? (Revelasyon 13:8; gade Revelasyon 5:6tou). Panse pou w ede manm klas ou yo jwenn repons pou kesyon sa a nan li Mozya 3:13 ak Moyiz 7:47 antanke klas. Kisa sa vledi venk Satan “gras ak san Anyo a”? (Revelasyon 12:11).

Revelasyon 14:6-7

“Mwen wè yon lòt zanj … ki t’ap vole byen wo nan sièl la. Li te gen yon bon nouvèl pou l’ te bay tout moun ki rete sou latè, bon nouvèl ki la pou tout tan an.

• Plan leson semèn sa a nan Vini, swiv mwen—Pou moun yo ak fanmi yo sigjere pou nou aprann sou plizyè zanj ki te retabli “levanjil etènèl la pou… moun ki rete sou tè a” (Revelasyon 14:6). Envite manm klas la pou yo pataje sa yo te aprann. Kisa Doktrin ak Alyans 133:36–40 anseye nou sou Revelasyon 14:6–7? Kijan nou patisipe nan travay zanj yo mansyone nan Revelasyon 14:6–7? Ou kapab pase videyo “Travay Dènye Jou sa yo” tou (ChurchofJesusChrist.org).

Amelyore ansèyman nou

Li OKE pou w di “Mwen pa konnen.” “Byenke sa tou natirèl pou w ta vle reponn tout kesyon, nan kèk sitiyasyon, li ta pi bon pou w ta senpleman di ‘M pa konnen. Annou etidye kesyon sa a poukont nou semèn sa a, epi nou ka diskite sou li pwochèn fwa’” (Anseye nan fason Sovè a,24). Apresa, mande manm klas la pou yo chèche nan ekriti yo ak lòt resous Legliz yo pou yo ka jwenn repons.