vakavulici ira na tamata o Jisu ena delana

O Iko e dua na Qasenivuli ni Lotu i Jisu Karisito.

O sa kacivi mai vua na Kalou mo vakavulici ira na Nona gone ena Nona ivakarau na iVakabula. O sa tabaki kina veikacivi oqo ena lewa ni Nona matabete tabu. Kevaka mada ga o sega ni kenadau ena veivakavulici, ia ni ko bula kilikili, masu e veisiga, ka vulica na ivolanikalou, ena solia vei iko na Tamada Vakalomalagi na veivakauqeti kei na kaukauwa ni Yalo Tabu me vukei iko mo rawa-ka (raica na 2 Nifai 33:1).

O ira ko sa nuitaki mo qarava, era luvena na Tamada Vakalomalagi, ka sa kila tu o Koya na nodra gagadre kei na sala uasivi duadua mo tarai ira kina. Nio vakasaqara ena masumasu na veivakauqeti ni Yalo Tabu, ena tuberi iko o Koya ni ko vakavakarau tiko kei na gauna o veivakavulici tiko kina. Ena vakatakila vei iko Ko koya na ka mo kaya kei na ka mo cakava (raica 2 Nifai 32:5).

Na inaki yaga ni veivakavulici kei na vuli ni kosipeli sai koya me vakatitobutaka na saumaki vei Tamada Vakalomalagi kei Jisu Karisito. Na nomu inaki vaka qasenivuli o ya mo vukei ira o vakavulica mera cakava nodra igu taucoko mera saumaki vakalevu cake—na lalawa e lako sivita sara yani na gauna ni kalasi. Sureti ira o vakavulica mera cuqena na vakaitavi ena nodra vulica baleti Jisu Karisito kei na Nona kosipeli ka mera cakacakataka na ka era sa vulica. Vakayaloqaqataki ira mera vuli vaka tamata yadua ka vakamatavuvale ena taudaku ni kalasi me sa ivurevure taumada ni nodra vulica na kosipeli. Ni ra cakacakataka nodra vakabauta mera vuli yadua ka vakamatavuvale, era na sureta kina na Yalotabu ki na nodra bula, ni sai Koya ena kauta mai na saumaki dina. Na veika kece o vakayacora me vaka e dua na qasenivuli mena vakanamata kina inaki vakalou oqo.

Mo vakavulica duadua ga na vunau ni kosipeli vakalesuimai i Jisu Karisito sa tiko ena ivolanikalou kei na nodra vosa na parofita edaidai. Na vunau savasava—tawamudu, me baleta na dina ka sega ni veisau me vaka e vakavulica na Kalou vei ira na Nona italai—ena sureta na Yalotabu ni sa tu vua na kaukauwa me veisautaka na bula.

Na veikacivi ni veivakavulici sa dua na veidinadinati tabu, ka sa ivakarau ni bula me tuburi keda na luvuci ena veigauna eso. Ia mo nanuma tiko ni sa kacivi iko na Tamamu Vakalomalagi, ka na sega vakadua ni laivi iko o Koya. Oqo na cakacaka ni Turaga, ni ko na qarava “ena yalomudou taucoko, igu, vakasama kei na kaukauwa” (Vunau kei na Veiyalayalati 4:2), ena vakalevutaka o Koya na nomu gugumatua, isolisoli, kei na taledi, ka veivakalougatataki na nomu veiqaravi ki na nodra bula o vakavulica tiko.