iKuri ni iVurevure

Na ivurevure kece oqo e rawa ni kune ena epi ni Gospel Library kei na ChurchofJesusChrist.org

Lako Mai, Mo Muri Au—Baleta na Tamata Yadua kei na Matavuvale

E rawa ni o taurivaka na itaviqaravi mai na Lako Mai, Mo Muri Au—Baleta na Tamata Yadua kei na Matavuvale me vakayagataki ena nomu kalasi ni Lalai. Kevaka era vakayagataka na lewe ni kalasi na itaviqaravi oqo ena nodra vulica vakayadua se vakamatavuvale na ivolanikalou, vakayaloqaqataki ira mera wasea na veika era sotava kei na veivakararamataki ni nodra nanuma.

Sere ni Lotu kei na iVolanisere ni Gonelalai

Na sereivakatagi tabu e sureta na Yalotabu, vukei keda meda vakila na loloma ni Kalou, ka vakavulica na ivunau ena dua na sala e rawa ni dau nanumi tu. Me ikuri ni kena e tabaki ena Serenilotu kei na iVolanisere ni Gonelalai, e rawa ni o kunea na katokatoni ni vidio kei koya e rogoci ena levu na serenilotu kei na sere ni lalai ena music.ChurchofJesusChrist.org vakakina ena Sacred Music kei na Gospel Media apps.

iVolavakarau ni Semineri kei na Inisitute

Na ivolavakarau ni Semineri kei na Inisitute e vakarautaka na itukutuku makawa kei na vosa vakaivunau ena ivakavuvuli kei na itukutuku eso e kune ena ivolanikalou. Era rawa talega ni veivakauqeti ena iwalewale ni veivakavulici me baleta na kalasi ni Vuli ni Sigatabu.

Mekasini ni Lotu

Na Liaona kei na Me iSakisaki ni iTabagone e vakarautaka na itukutuku kei na vei iyaya tale eso ka rawa ni vakaikuritaka na ivakavuvuli o vakavulica tiko ena Lako Mai, Mo Muri Au—Baleta na Matawilivola ni Sigatabu.

vulica tiko na gone na mekasini ni Lotu kei na ivolanikalou

Veiulutaga va-Kosipeli

Ena Veiulutaga va-Kosipeli (topics.ChurchofJesusChrist.org, e rawa ni o kunea na itukutuku me baleta na veiulutaga duidui va-kosipeli, kei na isema ni ivurevure e veivuke, me vaka na vosa ni koniferedi raraba, italanoa, ivolanikalou, kei na vidio. E rawa talega ni o kunea na Gospel Topics Essays, ka soli kina na itukutuku titobu me baleta na veika vakaivunau kei na veika makawa, vakakina na isau ni taro duidui eso me baleta na Lotu kei na kena ivakavuvuli.

Vunautaka na Noqu Kosipeli

Na ivola dusidusi oqo ni daukaulotu e vakarautaka tiko e dua na rai raraba baleta na ivakavuvuli taumada ni kosipeli.

Me iSakisaki ni iTabagone (ivolalailai)

Na ivurevure oqo e tuvanaki tu kina na ivakatagedegede ni Lotu ka rawa ni vukei keda meda bulataka na kosipeli ka marautaka na veitokani ni Yalotabu. Navuca mo rai lesu tiko kina vakawasoma, vakabibi kevaka o vakavulici ira tiko na itabagone.

Vidio kei na Droini

Sa rawa ni veivuke na cakacaka ni liga, vidio, kei na itukutuku raraba tale eso vei ira o vakavulica mera kilamatata na ivunau kei na italanoa e sema ki na ivolanikalou. Sikova na Gospel Media ena GospelMedia.ChurchofJesusChrist.org mo raica na veivurevure ni vakauitukutuku umani ni Lotu. Na Gospel Media e tiko talega ena app ni yaya livaliva veikauyaki. E vuqa na ivakatakarakara o rawa ni vakayagataka ena kalasi sa kune tu ena Gospel Art Book.

Veivakavulici ena iVakarau ni iVakabula

Veivakavulici ena iVakarau ni i Vakabula e rawa me vukei iko mo vulica ka bulataka na ivakavuvuli eso ni veivakatavulici va-Karisito. Na ivakavuvuli eso oqo e dau veivosakitaki ka taurivaki ena soqoni ni matabose ni qasenivuli.