“Ngaahi Maʻuʻanga Tokoni Kehé,” Haʻu, ʻo Muimui ʻIate Au—Maʻá e Lautohi Faka-Sāpaté: Fuakava Foʻou 2023 (2022)
“Ngaahi Maʻuʻanga Tokoni Kehé,” Haʻu, ʻo Muimui ʻIate Au—Maʻá e Lautohi Faka-Sāpaté: 2023
Ngaahi Maʻuʻanga Tokoni Kehé
ʻE ala maʻu ʻa e ngaahi maʻuʻanga tokoni ko ʻení ʻi he polokalama Gospel Library ʻi he ChurchofJesusChrist.org.
Haʻu, ʻo Muimui ʻIate Au—Maʻá e Fakafoʻituituí mo e Ngaahi Fāmilí
Te ke lava ʻo liliu e ngaahi ʻekitivitī mei he Haʻu, ʻo Muimui ʻIate Au—Maʻá e Fakafoʻituituí mo e Ngaahi Fāmilí ke fakaʻaongaʻi ʻi hoʻo kalasi Lautohi Faka-Sāpaté. Kapau kuo fakaʻaongaʻi ʻe he kau mēmipa ʻo e kalasí e ngaahi ʻekitivitī ko ʻení ʻi heʻenau ako folofola fakatāutahá pe fakafāmilí, poupouʻi kinautolu ke vahevahe ʻenau ngaahi aʻusiá mo e ngaahi ʻiló.
Ngaahi Himí mo e Tohi Hiva ʻa e Fānaú
ʻOku fakaafeʻi ʻe he hiva toputapú ʻa e Laumālié, tokoniʻi kitautolu ke tau ongoʻi e ʻofa ʻa e ʻOtuá, mo akoʻi ʻa e tokāteliné ʻi ha founga fakangalongataʻa. Makehe mei he ngaahi tatau kuo paaki ʻo e Ngaahi Himí mo e Tohi Hiva ʻa e Fānaú, te ke lava ʻo maʻu ha tatau ʻo ha ngaahi viitó mo ha lekooti ʻo e ongó, ʻo ha ngaahi himi lahi mo ha ngaahi hiva ʻa e fānaú ʻi he music.ChurchofJesusChrist.org pea ʻi he ongo polokalama ko e Sacred Music mo e Gospel Media.
Ngaahi Tohi Lēsoni ʻo e Seminelí mo e ʻInisititiutí
‘Oku ʻomi ʻe he ʻū tohi lēsoni seminelí mo e ʻinisititiutí ha puipuituʻa fakahisitōlia pea mo ha ngaahi fakamatala fakatokāteline ki he ngaahi tefitoʻi moʻoni mo e ngaahi fakamatala ʻi he folofolá. Te nau ala fakatupu foki ha ngaahi fakakaukau fakafaiako ki he ngaahi kalasi Lautohi Faka-Sāpaté.
Ngaahi Makasini ʻo e Siasí
ʻOku ʻomi ʻe he ongo makasini Liahoná mo e Ki Hono Fakamālohia ʻo e Toʻu Tupú ha ngaahi fakamatala mo ha ngaahi meʻa kehe ʻe lava ʻo tokoni ki he ngaahi tefitoʻi moʻoni mei he Haʻu, ʻo Muimui ʻIate Au—Maʻá e Lautohi Faka-Sāpaté.
Ngaahi Tefito ʻo e Ongoongoleleí
ʻI he Ngaahi Tefito ʻo e Ongoongoleleí (topics.ChurchofJesusChrist.org) te ke lava ʻo maʻu ai ha fakamatala ki ha ngaahi tefito kehekehe ‘o e ongoongoleleí, mo ha ngaahi fehokotakiʻanga ki ha ngaahi maʻu’anga tokoni ‘aonga, hangē ko e ngaahi pōpoaki ʻo e konifelenisi lahí, ngaahi fakamatala, ngaahi potufolofola, mo ha ngaahi vitiō. Te ke lava foki ʻo maʻu ʻi he Ngaahi ʻĒsei ki he Ngaahi Tefito ʻo e Ongoongoleleí, ʻa ia ʻoku ʻomi ai ha fakamatala loloto fekauʻaki mo e ngaahi meʻa fakatokāteline mo fakahisitōlia, pea pehē ki ha ngaahi fehuʻi kehekehe fekauʻaki mo e Siasí mo hono ngaahi akonakí.
Malanga ʻAki ʻEku Ongoongoleleí
ʻOku ʻomai ʻe he fakahinohino ko ʻeni ki he kau faifekaú ha vakai fakalūkufua ki he ngaahi tefitoʻi moʻoni ʻo e ongoongoleleí.
(tohitufa) Ki Hono Fakamālohia ʻo e Toʻu Tupú
ʻOku fakamatalaʻi ʻe he maʻuʻanga tokoni ko ʻení ʻa e ngaahi tuʻunga moʻui ʻo e Siasí ʻa ia ʻe lava ʻo tokoni ke tau moʻui ʻaki e ongoongoleleí mo maʻu e takaua ʻo e Laumālié. Fakakaukau ke faʻa fakaʻaongaʻi ia, ʻo tautautefito kapau ʻokú ke akoʻi ʻa e toʻu tupú.
Ngaahi Vitioó mo e Tā Valivalí
ʻE lava e ʻū fakatātaá, ngaahi vitioó, mo e mītia kehé ʻo tokoni kiate kinautolu ʻokú ke akoʻí ke mahino ʻa e tokāteliné mo nau fakakaukauloto ki he ngaahi talanoa ʻoku fekauʻaki mo e ngaahi potufolofolá. ʻAlu ki he Gospel Media ʻi he GospelMedia.ChurchofJesusChrist.org ke ke vakai ai ki he ngaahi maʻuʻanga tokoni fakamītia kuo tānaki ʻe he Siasí. Ko e ngaahi fakatātā lahi te ke lava ʻo fakaʻaongaʻi ʻi he kalasí ʻoku maʻu ia ʻi he Tohi Fakatātā ʻo e Ongoongoleleí.
Ko e Faiako ʻi he Founga ʻa e Fakamoʻuí
ʻE lava ke tokoni atu ʻa e Ko e Faiako ʻi he Founga ʻa e Fakamoʻuí ke ke ʻilo mo fakaʻaongaʻi ʻa e ngaahi tefitoʻi moʻoni ʻo e faiako faka-Kalaisí. ʻOku aleaʻi mo fakahoko ʻa e ngaahi tefitoʻi moʻoni ko ʻení ʻi he ngaahi fakataha alēlea fakafaiakó.