Kallim̧ur Ekāāl 2023
Ļōmņak ko n̄an Rōjan̄ Ekkatak Jeje ko Rekwojrajar an Juon Make im Baam̧le

“Ļōmņak ko n̄an Rōjan̄ Ekkatak Jeje ko Rekwojrajar an Juon Make im Baam̧le,” Itok, Loor Eō—N̄an Jabōt Jikuuļ: Kallim̧ur M̧okta 2023 (2022)

“Ļōmņak ko n̄an Rōjan̄ Ekkatak Jeje ko Rekwojrajar an Juon Make im Baam̧le,” Itok, Loor Eō—N̄an Jabōt Jikuuļ: 2023

Pija
baam̧le eo ej ekkatak jeje ko rekwojarjar

Ļōmņak ko n̄an Rōjan̄ Ekkatak Jeje ko Rekwojrajar an Juon Make im Baam̧le

Erkein rej jet ļōmņak ko n̄an jipan̄ eok rōjan̄ ro uwaan kūlaaj eo n̄an ekkatak naan eo an Anij ilo m̧weo, jim̧or kajjojo armej im āinwōt baam̧le ko. Kom̧win tiljek kōn m̧ool eo bwe ejjab aolep ro uwaan kūlaaj eo remaron̄ ekkatak jeje ko rekwojarjar ippān baam̧le ko aer (n̄an waanjon̄ak, jet membōr rej mour make iaer ak ilo baam̧le ko jet wōt iaer rej membōr in Kabun̄ in).

  • Karuwaineneik ro uwaan kūlaaj eo n̄an kwaļo̧k en̄jake ko aer ilo aer ekkatak jeje ko rekwojarjar ilo m̧weo. N̄an waanjon̄ak, komaron̄ kajjitōk ippāer bwe ren kwaļo̧k juon eoon eo me ekar im̧we er im bwe ren kōmeļeļeiki etke rekar loe bwe eļap tokjān.

  • Kajjitōk ippān ro uwaan kūlaaj eo bwe ren letok waanjon̄ak kōn ta eo rej kōm̧m̧ane n̄an kōm̧m̧an bwe ekkatak an kajjojo armej im baam̧le en ļap tokjān. (Jet ļōmņak ko maron̄ loi ium̧win “Ļōmņak ko n̄an Kōkōm̧anm̧anļo̧k Am̧ Make Ekkatak Jeje ko Rekwojarjar” im “Ļōmņak ko n̄an Kōkōm̧anm̧anļo̧k an Baam̧le eo Ekkatak Jeje ko Rekwojarjar” ilo Itok, Ļoor Eō—N̄an Kajjojo Armej im Baam̧le ko.

  • Kajjitōk ippān ro uwaan kūlaaj eo n̄an kwaļo̧k ekōjkan aer jerbali im̧we ko raar būki ilo iien ekkatak eo aer make ak an baam̧le eo.

  • Joļo̧k jejjo minit ko n̄an kwaļo̧k n̄an ro uwaan kūlaaj eo jet iaan kein jipan̄ ko kar kōpooji jān Kabun̄ in n̄an jipan̄ membōr ro ekkatak gospel eo. Kein jipan̄ kein ekoba ekkatak jeje ko rekwojarjar ej jipan̄ loi ilo scriptures.ChurchofJesusChrist.org; “Scripture Stories” loi ilo children.ChurchofJesusChrist.org; kōllaajrak in katakin ko im kein jipan̄ ko jet ilo Itok, Ļoor Eō—N̄an Būraimere; youth-focused content eo ilo youth.ChurchofJesusChrist.org; jemenere im institute bok in katakin ko; im pija in alooj ko, kein kanne ainikine ko, im pija ko loi ilo GospelMedia.ChurchofJesusChrist.org. Elōn̄ iaan men kein rej barāinwōt pād ilo Gospel Library app eo.

  • Joļo̧k jejjo minit ko im kōmeļeļeiki ewi wāween kōjerbale Gospel Library app eo n̄an ekkatak jeje ko rekwojarjar, ekoba ewi wāween kakōļļeik eoon ko im je en̄jake ko rej im̧we eok.

  • Kajjitōk ippān juon ak elōn̄ļo̧k ro uwaan kūlaaj eo bwe ren kwaļo̧k ewi wāween aer kar katakin ak ekkatak juon pedped in katak an gospel eo ejenolo̧k ilo baam̧le ko aer.

Būriin