jodikdik ro rej ekkatak jeje ko rekwojarjar

Juon Jon̄ak n̄an Katakin

Kajjojo unin tōl ilo kein jipan̄ in ej ļoor juon jon̄ak an kajjitōk n̄an kwaļo̧k im katakin katak eo. Ilo elōn̄ jekjek ko, ilo am̧ katakin, jekjek eo ilo jon̄ak in emaron̄ in ļap ak emaron̄ in oktak. N̄an waanjon̄ok, ļōmņak einwōt n̄e katakin ej juon iien em̧m̧an n̄an katakin katak ko, im katakin katak ko ej aikuj kōtļo̧k iien n̄an kwaļo̧k jidik. Kōm̧m̧an bwe oktak ko ilo jon̄ak in ren make waļo̧k, ļoor im̧we ko an Jetōb n̄an tōpar aikuj ko an ro kwoj katakin.

Kajjitōk bwe ren Kwaļo̧k

Ejja m̧ōttan wōt aolep kūlaaj, kajjitōk ippān ro uwaan kūlaaj eo n̄an kwaļo̧k ļōmņak ko im en̄jake ko raar būki ilo wiik eo m̧oktaļo̧k ke rekar ekkatak jeje ko rekwojarjar āinwōt kajjojo armej im baam̧le ko im mour kake ta eo rekar ekkatak. Jipan̄ ro uwaan kūlaaj eo loe bwe ekkatak eo aer make itulikin kūlaaj eo ej aorōk. Oktaktok eo aer kajjojo n̄an Jemedwōj Ilan̄ im Jisōs Kraist enaaj itok ejjab wōt kōn ekkatak ilo Jabōt ak barāinwōt kōn en̄jake ko aer raan otemjej. N̄e ro uwaan kūlaaj eo rej ron̄ kajjojo en̄jake ko an ro jet im naan in kam̧ool ko kōn gospel eo an Jisōs Kraist, renaaj kōņaan loe ejja kain en̄jake ko wōt n̄an er make.

Ejjab aolep armej renaaj aikuj riiti jebta ko ilo kajjojo katak, im bōlen jet armej remaron̄ jab kōņaan kwaļo̧k ļōmņak ko aer. Kōm̧m̧an bwe aolep ro uwaan kūlaaj eo ren en̄jake bwe rej juon m̧ōttan eo eaorōk ilo kūlaaj eo, men̄e rej ak ejjeļo̧k juon men rej kōņaan kwaļo̧k.

Katakin Katak eo

Kwe im ro uwaan kūlaaj eo am̧ aikuj in pedped wōt ioon Jisōs Kraist im katak eo An—m̧ool ko an indeeo an gospel eo—loi ilo eoon ko kar liļo̧k. Itok, Ļoor Eō—N̄an Kajjojo Armej im Baam̧le ko emaron̄ jipan̄ kōkōm̧anm̧anļo̧k am̧ meļeļe kōn katak eo kwonaaj katakin. Ilo am̧ ekōnono kōn katak ko jān jeje ko rekwojarjar, ta eoon ko, kout ko, en̄jake ko, kajjitōk ko, im kein jipan̄ ko jet kwomaron̄ in kwaļo̧ki? Ewi wāween am̧ maron̄ kōjerbale kein jipan̄ kein n̄an jipan̄ ro uwaan kūlaaj eo loe im meļeļe kōn pedped in katak ko an gospel eo? Ekōjkan am̧ maron̄ jipan̄ er kalōk tōmak eo aer ilo Jemedwōj Ilan̄ im Jisōs Kraist?