« ថ្ងៃទី ២៧ ខែ ធ្នូ–ថ្ងៃទី ២ ខែ មករា ។ ម៉ូសេ ១; អ័ប្រាហាំ ៣ ៖ ‹ នេះហើយជាកិច្ចការរបស់យើង និងសិរីល្អរបស់យើង › » ចូរមកតាមខ្ញុំ—សម្រាប់សាលាថ្ងៃអាទិត្យ ៖ ព្រះគម្ពីរសញ្ញាចាស់ ឆ្នាំ ២០២២ ( ឆ្នាំ ២០២១ )

« ថ្ងៃទី ២៧ ខែ ធ្នូ–ថ្ងៃទី ២ ខែ មករា ។ ម៉ូសេ ១; អ័ប្រាហាំ ៣ » ចូរមកតាមខ្ញុំ—សម្រាប់សាលាថ្ងៃអាទិត្យ ៖ ឆ្នាំ ២០២២

រូបភាព

រូបភាពដួងតារានៅក្នុងលំហអាកាស

ថ្ងៃទី ២៧ ខែ ធ្នូ–ថ្ងៃទី ២ ខែ មករា

ម៉ូសេ ១; អ័ប្រាហាំ ៣

« នេះហើយជាកិច្ចការរបស់យើង និងសិរីល្អរបស់យើង »

កាលបងប្អូនអានគម្ពីរ ម៉ូសេ ១ និង អ័ប្រាហាំ ៣ សូមបន្ដបើកចិត្តគំនិតរបស់បងប្អូនដើម្បីទទួលចំណាប់អារម្មណ៍មកពីព្រះវិញ្ញាណ ។ ទ្រង់នឹងបំផុសឲ្យបងប្អូនមានគំនិត និងយោបល់នានាដែលនឹងជួយបងប្អូនឲ្យរៀបចំខ្លួនបង្រៀន ។

កត់ត្រាចំណាប់អារម្មណ៍របស់អ្នក

រូបភាព

រូបតំណាងការចែកចាយ

អញ្ជើញឲ្យចែកចាយ

សមាជិកក្នុងថ្នាក់របស់បងប្អូនអាចបានទទួលបទពិសោធន៍ដ៏អស្ចារ្យមួយចំនួន ពេលអានគម្ពីរ ម៉ូសេ ១ និង អ័ប្រាហាំ ៣ នៅឯគេហដ្ឋាន ។ តើបងប្អូននឹងផ្ដល់ឱកាសឲ្យសមាជិកក្នុងថ្នាក់ចែកចាយបទពិសោធន៍ទាំងនោះដោយរបៀបណា ? វាអាចជាការសួរសំណួរដ៏សាមញ្ញទាំងនេះ ៖ តើបងប្អូនចាប់អារម្មណ៍អ្វីខ្លះ នៅពេលបងប្អូនអានបទគម្ពីរនៅសប្ដាហ៍នេះ ? តើអ្វីទៅដែលធ្វើឲ្យបងប្អូនភ្ញាក់ផ្អើល ? តើអ្វីទៅដែលធ្វើឲ្យបងប្អូនឈប់ ហើយគិតសិននោះ ? តើអ្វីខ្លះដែលបានជួយបងប្អូនឲ្យមានអារម្មណ៍ខិតកាន់តែជិតនឹងព្រះវរបិតាសួគ៌របស់បងប្អូន និងព្រះយេស៊ូវគ្រីស្ទ ?

រូបភាព

រូបតំណាងការបង្រៀន

បង្រៀនគោលលទ្ធិ

ម៉ូសេ ១:១–១០, ៣៧–៣៩; អ័ប្រាហាំ ៣:២២–២៦

ក្នុងនាមជាបុត្រាបុត្រីរបស់ព្រះ យើងមានជោគវាសនាដ៏ទេវភាពមួយ ។

សេចក្ដីពិតដែលបានបើកសម្ដែងនៅក្នុងការនិមិត្តរបស់ម៉ូសេ និងអ័ប្រាហាំអាចមានឥទ្ធិពលដ៏ខ្លាំងមួយទៅលើជម្រើសរបស់យើង និងសមត្ថភាពរបស់យើងដើម្បីយកឈ្នះលើឧបសគ្គទាំងឡាយក្នុងជីវិត ។ តើបងប្អូនអាចជួយសមាជិកក្នុងថ្នាក់របស់បងប្អូនឲ្យរកឃើញសេចក្ដីពិតទាំងនេះនៅក្នុង ម៉ូសេ ១ និង អ័ប្រាហាំ ៣ ដោយរបៀបណា ? យោបល់មួយគឺត្រូវបំបែកថ្នាក់ទៅជាបីក្រុម ហើយចាត់ឲ្យក្រុមនីមួយៗអានបទគម្ពីរដូចតទៅនេះ ៖ ម៉ូសេ ១:១–១០; ម៉ូសេ ១:៣៧–៣៩; អ័ប្រាហាំ ៣:២២–២៦ ។ ក្រុមនីមួយៗអាចរកមើលចម្លើយចំពោះសំណួរដូចជា « តើខ្ញុំជានរណា ? » « ហេតុអ្វីខ្ញុំនៅទីនេះ ? » និង « តើព្រះសព្វព្រះទ័យឲ្យខ្ញុំក្លាយទៅជានរណា ? » ក្រោយពីទុកពេលគ្រប់គ្រាន់ហើយ ក្រុមអាចចែកចាយចម្លើយរបស់ពួកគេបាន ។ តើចម្លើយទាំងនេះអាចមានឥទ្ធិពលលើសកម្មភាពប្រចាំថ្ងៃរបស់យើងយ៉ាងដូចម្ដេច ?

រូបភាព
ព្រះយេស៊ូវគ្រីស្ទនៅក្នុងចំណោមដួងតារា

ព្រះគ្រីស្ទ និង ការបង្កបង្កើត ដោយ រ៉ូប៊ឺត ធី បារ៉ែត

ម៉ូសេ ១:១២–២៣

យើងអាចទប់ទល់នឹងឥទ្ធិពលរបស់សាតាំងបាន ។

ការប្រឈមមុខរបស់ម៉ូសេជាមួយនឹងសាតាំង ដូចមាននៅក្នុង ម៉ូសេ ១:១២–២៣ មាននូវមេរៀនដែលអាចជួយសមាជិកក្នុងថ្នាក់របស់បងប្អូនបាន នៅពេលពួកគេប្រឈមមុខនឹងការល្បួង ឬការបោកបញ្ឆោតពីសំណាក់ពួកសត្រូវ ។ តើយើងអាចរៀនអ្វីខ្លះមកពីចម្លើយរបស់ម៉ូសេ ? វីដេអូ « I Am a Son of God » ( នៅលើគេហទំព័រ ChurchofJesusChrist.org ) អាចជួយសមាជិកក្នុងថ្នាក់ឲ្យពិភាក្សាពីយុទ្ធសាស្ដ្រមួយរបស់សាតាំងបាន—ការល្បួងយើងឲ្យសង្ស័យបទពិសោធន៍ខាងវិញ្ញាណរបស់យើង ( សូមមើលផងដែរ « ធនធានបន្ថែមទាំងឡាយ » ) ។ វាអាចពោរពេញដោយអត្ថន័យ ប្រសិនបើសមាជិកក្នុងថ្នាក់ចែកចាយយោបល់នានា និងការលើកទឹកចិត្តដើម្បីជួយគ្នាទៅវិញទៅមកឲ្យរកឃើញ ហើយប្រឆាំងនឹងការខំប្រឹងរបស់សាតាំង ។
មេរៀនមួយចេញពីបទពិសោធន៍របស់ម៉ូសេគឺថា សាតាំងល្បួងយើង តាមរយៈការក្លែងបន្លំសេចក្ដីពិត និងព្រះចេស្ដារបស់ព្រះ ។ ដើម្បីជួយសមាជិកក្នុងថ្នាក់ឲ្យស្រមៃឃើញការណ៍នេះ បងប្អូនអាចយកវត្ថុខ្លះៗមកកាន់ថ្នាក់រៀន ដែលអាចបន្លំនឹងរបស់ផ្សេងទៀតបាន ដូចជារុក្ខជាតិសិប្បនិមិត្ត ឬកូនក្រមុំតុក្កតា ។ តើយើងអាចប្រាប់ថា របស់ទាំងនេះគឺសិប្បនិមិត្តដោយរបៀបណា ? តើមានការក្លែងបន្លំណាខ្លះដែលសាតាំងប្រើដើម្បីល្បួងយើងនាសព្វថ្ងៃនេះ ? តើយើងអាចស្គាល់ និងបដិសេធវាតាមរបៀបណា ? ( ដើម្បីរៀនពីរបៀបដែលម៉ូសេបានធ្វើការណ៍នេះ សូមមើល ម៉ូសេ ១:១៣–១៨ ) ។ តើព្រះអម្ចាស់ជួយយើងនៅក្នុងកិច្ចខិតខំរបស់យើងដោយរបៀបណា ? ( សូមមើល ម៉ូសេ ១:២៤–២៦ ) ។

អ័ប្រាហាំ ៣:២២–២៨

ជីវិតនេះគឺជាឱកាសរបស់យើងដើម្បីបង្ហាញថា យើងនឹងធ្វើអ្វីដែលព្រះបានត្រាស់បង្គាប់ ។

តើបងប្អូនអាចជួយសមាជិកក្នុងថ្នាក់ឲ្យឃើញថា ជីវិតរបស់ពួកគេគឺជាឱកាសមួយដើម្បីបញ្ជាក់ពីភាពស្មោះត្រង់របស់ពួកគេចំពោះការត្រាស់បង្គាប់របស់ព្រះតាមរបៀបណា ? បងប្អូនអាចចាប់ផ្ដើមដោយការសូមឲ្យពួកគេនិយាយអំពីបទពិសោធន៍ ដែលពួកគេបានបង្ហាញពីជំនាញមួយ—ឧទាហរណ៍ នៅសាលារៀន នៅកន្លែងធ្វើការ ឬក្នុងក្រុមអត្តពលកម្មមួយ ។ ពួកគេអាចនិយាយពីអ្វីដែលតម្រូវឲ្យពួកគេធ្វើដើម្បីបញ្ជាក់ពីខ្លួនគេ ។ តើបទពិសោធន៍ទាំងនេះស្រដៀងនឹងអ្វីដែលបានពិពណ៌នានៅក្នុង អ័ប្រាហាំ ៣:២៤–២៦ ដោយរបៀបណា ? តើវាខុសគ្នាយ៉ាងដូចម្ដេច? តើយើងរួមបញ្ចូលព្រះវរបិតាសួគ៌ និងព្រះអង្គសង្គ្រោះនៅក្នុងកិច្ចខិតខំរបស់យើងដើម្បី « បញ្ជាក់ » ពីខ្លួនយើងដោយរបៀបណា ?( អ័ប្រាហាំ ៣:២៥ ) ។ តើការដឹងថា យើងរស់នៅទីនេះដើម្បីបញ្ជាក់ពីខ្លួនយើងថាបានគោរពប្រតិបត្តិ ជះឥទ្ធិពលលើរបៀបដែលយើងឆ្លើយតបនឹងឧបសគ្គក្នុងជីវិតនេះដោយរបៀបណា ?
តើយើងរៀនបានអ្វីខ្លះទៀតមកពី អ័ប្រាហាំ ៣:២២–២៨ អំពីជីវិតមុនជីវិតលើផែនដីនេះ ឬ « សណ្ឋានទីមួយ » របស់យើង ? ( ខទី ២៦ ) ។ ហេតុអ្វីសេចក្ដីពិតទាំងនេះមានតម្លៃចំពោះយើង ?

រូបភាព

រូបតំណាងធនធានបន្ថែមនានា

ធនធានបន្ថែមទាំងឡាយ

កុំសង្ស័យនឹងអ្វីដែលបានបើកសម្ដែងដល់បងប្អូន ។

អែលឌើរ ជែហ្វ្រី អ័រ ហូឡិន បានបង្រៀនការណ៍នេះអំពីបទពិសោធន៍របស់ម៉ូសេនៅក្នុង ម៉ូសេ ១ ដូចតទៅនេះ ៖ « សារលិខិតរបស់ម៉ូសេដល់បងប្អូនសព្វថ្ងៃនេះគឺ ៖ សូមកុំធ្វើឲ្យឆ្មាំរបស់បងប្អូនធ្លាក់ចុះ ។ សូមកុំសន្មតថា វិវរណៈដ៏អស្ចារ្យមួយ គ្រាដ៏អស្ចារ្យដែលបំភ្លឺមួយចំនួន ការបើកផ្លូវដ៏បំផុសគំនិតមួយ គឺជាទីបញ្ចប់នៃវានោះ ។… កាលណាមានការបំភ្លឺមួយ នោះចូរប្រយ័ត្ននឹងការល្បួងឲ្យចុះចាញ់ លែងធ្វើការណ៍ល្អមួយ ។ ប្រសិនបើវាត្រឹមត្រូវ ពេលបងប្អូនអធិស្ឋាន ហើយទុកចិត្តលើការណ៍នោះ ហើយរស់នៅតាម នោះវាគឺជាពេលនេះហើយ ។ សូមកុំរាថយ នៅពេលសម្ពាធមានការកើនឡើង ។ ច្បាស់ណាស់ សូមកុំចុះចាញ់នឹងបុគ្គលនោះ ដែលព្យាយាមបំផ្លាញសុភមង្គលរបស់បងប្អូនឡើយ ។ សូមប្រឈមមុខនឹងការសង្ស័យរបស់បងប្អូន ។ សូមគ្រប់គ្រងភាពភ័យខ្លាចរបស់បងប្អូន ។ ‹ ដូច្នេះ កុំឲ្យបោះបង់ចោលសេចក្តីក្លាហានរបស់អ្នករាល់គ្នា › [ ហេព្រើរ ១០:៣៥ ] ។ សូមបន្ដដើរនៅលើផ្លូវនោះ ហើយមើលឃើញនូវភាពស្រស់ស្អាតនៃជីវិតដែលនឹងបើកបង្ហាញចំពោះបងប្អូន » ( « Cast Not Away Therefore Your Confidence » Ensign ខែ មីនា ឆ្នាំ ២០០០ ទំព័រ ៧, ៩ ) ។

ការកែលម្អការបង្រៀនរបស់យើង

សូមជួយអ្នករៀនឲ្យរកឃើញសេចក្ដីពិតនៅក្នុងបទគម្ពីរ ។ ពីមុនធ្វើការអញ្ជើញសមាជិកក្នុងថ្នាក់ឲ្យអានវគ្គបទគម្ពីរមួយ បងប្អូនអាចប្រាប់អ្វីមួយជាក់លាក់ឲ្យពួកគេរកមើល ឬគិតពិចារណាដល់ ។ ឧទាហរណ៍ ពួកគេអាចរកមើលអ្វីមួយដែលពួកគេបានរៀនអំពីព្រះអង្គសង្គ្រោះ ឬអ្វីមួយដែលពួកគេចង់ចែកចាយជាមួយនឹងសមាជិកគ្រួសារម្នាក់ ។ ( សូមមើល ការបង្រៀនតាមរបៀបរបស់ព្រះអង្គសង្គ្រោះ ទំព័រ ២១ ) ។