Tamnein Iotebwa mai Aikubita, iroun Robert T. Barrett

Maati 14–20

Karikani Bwai 42–50

“E Kan Karekea te Kabwaia te Atua”

Unimwaane David A. Bednar e taku, “Te atatai n tamnei are ngkoe ao ngai ti kakabwaiaki bwa tina karekea … e bon aki kona n anganai te aomata temanna” (“Seek Learning by Faith,” Ensign, Sept. 2007, 67). Kona kanga ni buokiia kaain te kirati ni karekea te ota ibon irouia ni karekean te ota n tamnei?

Korei Am Namakin

Kaunga te Tibwatibwa

N anganiia kaain te kiraati aia tai n tibwa te bwai are a tia n kunea bwa e kakaawaki n aia kamatebwai ibon irouia ke n aia utu, ko kona n anganiia titiraki n aron aikai ni moan waakin te kiraati. Tera te kibu n man mwakoro aikai ae katika nanom? Te kibu raa ae ko kunea bwa ko warekia iaon teuana te tai? Tera te kibu ae ko tibwaia ma temanna? Tera te kibu ae e kairi nakon te maroro ae boongana ma am utu ao raraom?

Reirei te Reirei

Karikani Bwai 45:1–15; 50:15–21

Te kabwarabure e uota te rau.

• Imwain ae ko waaki ni maroroakina te reirei are e rinanona Iotebwa iaon te kabwarabure, e kona n ibuobuoki karekean temanna bwa e na kakimototoa ni karekerekea ma te karaki n Karikani Bwai 37; 39–45. Bukin tera e kona ni kangaanga bwa e na kabwarai aia bure tarina Iotebwa? Tera te taneiai ke anua are e tia n angan Iotebwa te korakora ni kabwarabure? (taraa, ibukin te katoto, Karikani Bwai 45:1–15 ke 50:15–21). E kanga ana banna ni katoto Iotebwa ni buokiira bwa tina kakai kabwarabure riki?

  Te witeo “Forgiveness: My Burden Was Made Light” (ChurchofJesusChrist.org) e karekea te katoto ae anainano n te kabwarabure. E kanga te Tia Kamaiu ni buokiira ni kabwarai aia bure tabeman?

• Tera te kakabwaia are e reke man kabwaraan aia bure tarin Iotebwa? E na bae ni kakaongora kabotauan aia reitaki ana utu Iakoba ni moan waakin te karaki (taraa, ibukin te katooto, Karikani Bwai 37:3–11) ma aia taeka n te kabane (taraa Karikani Bwai 45:9–15; 50:15–21). Tera ae e a tia ni karaoia te kabwarabure ni karaoa te bitaki n ana utu Iotebwa? E na kanga bwaai n riki ni kaokoro ngke a arona bwa e aki tauraoi ni kabwarabure Iotebwa? Kona bae ni kaoia kaain am kiraati bwa a na anga kawai n te karaki aei ake a kona ni buokiia utu ni bong aikai n tokanikai iaon itabarara ao bakantang.

Genesis 45:5–11; 2Nibwaai 3:4-16 (ni Kairi nakon Koroboki aika Tabu)

Ana mwakuri Iotebwa, Mote, ao Iotebwa Timiti a kakoaua n ana mition Iesu Kristo.

• N rakan otan te euangkerio are e kaokaki, ti ataia bwa Iotebwa, are e kamaiuia ana utu man te rongo, e taetae naba ni burabeti ni kakabwaia aika a korakora are n te bong teuana a na roko rinanon Mote ao Iotebwa Timiti. Ao burabeti aikai ni kabane a kotea nakoira te Tia Kamauira ae Korakora, Iesu Kristo. Ni buokiia kaain te kiraati n noora te Tia Kamaiu n aia ibuobuoki burabeti aika teniman aikai, ko kona ni korea te tiata iaon te burakibooti ae titebo ma are e kuneaki n “Bwaai ni Ibuobuoki riki Tabeua.” Kain te kiraati a kona n ikotaki ni mwakuri ni kanoaia. Ngkanne a kona ni karini riki kaorom ni kabwarabwara ana mwakuri Iotebwa mai Aikubita, Mote, ao Iotebwa Timiti, ni kabongana are a tia n reiakinna man Karikani Bwai 45:5–11 ao 2 Nibwaai 3:4-16 (Kairi nakon Koroboki aika Tabu). E kanga aia ibuobuoki burabeti aikai ni kakoaua ao ni kotea ana mition te Tia Kamaiu? (Ibukin tabeua katoto ni kabotau imarenan maiun Iotebwa mai Aikubita ao maiun te Tia Kamaiu, taraa Karikani Bwai 37:3 ao Mataio 3:17; Karikani Bwai 37:26–28 ao Mataio 26:14–16; Karikani Bwai 45:5–7 ao Ruka 4:18; ao Karikani Bwai 47:12 ao Ioane 6:35; taraa naba Mote 6:63.)

  

  Tamnein Iotebwa i Aikubita, iroun Paul Mann

Karikani Bwai 50:19–21

Te Atua e kona ni buokiira ni karekei ibuobuoki inanon kataakira.

• E ngae ngke e kona n aki matata ngkai e rinanon kataaki aika kangaanga, Iotebwa n tokin te tai e kona n tanrikaaki nakon ana kangaanga i Aikubita ao n nooria bwa “e kani karekea te kabwaia te Atua” (Karikani Bwai 50:20). Ngkana ti kona ni kawara Iotebwa ngke e mena n te mwanono ke te karabuti, tina kanga ni karaua nanona? E na kanga te iango ni kaotaki n Karikani Bwai 50:19–21 buokiira inanon te tai ni kataaki? Tao kaain te kiraati a na rangi n ingainga ni kan taetae iaon kawai ake a tia ni kakabwaiaki iai iroun te Atua, riki rinanon taneiai aika a kangaanga ake a tia ni karekei. Ibukin teuana te katooto, taraa te witeo “Unto All the World: The Sam Family” (ChurchofJesusChrist.org). Tera ae e karinna Reirei ao Berita aika Tabu 122 nakon otara n te reirei aei?

Bwaai n Ibuobuoki Riki Tabeua

Maiuia burabeti ni kakoaua Iesu Kristo ao Ana mition.

Maiuia Iotebwa mai Aikubita, Mote, ao Iotebwa Timiti e kona ni kauringiira Iesu Kristo. Kain te kiraati a kona ni kanoa te tiata aei ao imwina a kanoai kaorom ibukin Iotebwa mai Aikubita (taraa Karikani Bwai 45:5–11), Mote (taraa 2 Nibwaai 3:9-10 [n te Kairi nakon Koroboki aika a Tabu), ao Joseph Timiti (taraa 2 Nibwaai 3:6-8, 11-15 [ni Kairi nakon Koroboki aika Tabu]).

	Iesu Kristo
Antai ae kamaiuaki?
Tera ae a kamaiuaki mai iai?
Tera ae karaoaki ae e kainaomataia?

Kanakoraoan Ara Anga reirei

Anga taian titiraki aika a kaoi kakoaua. Anga titiraki aika a kaungaia taan reiakinaki bwa a na kaota aia kakoaua e kona n riki bwa te kawai ae nakoraoi ni kaoan te Tamnei. Te katooto, ngkana ko anga reirei iaon Karikani Bwai 45:1–15, ko kona n anga titiraki n aron “Tera kakabwaia aika ko a tia n rinanona imwiin kabwaraan ana bure temanna?” (taraa Teaching in the Savior’s Way, 32).