Karikani Bwai 28–Maati 6

Karikani Bwai 28–33

“E Boni Mena Iehova n te Tabo Aei”

Ngkai ko katauraoi n anga reirei, tataromwaaka n iangoia bwa te reirei raa inanon Karikani Bwai 28–33 ae e na kona n ibuobuoki nakoia kaain am kiraati. Iango aikai a kananonaaki bwa a na ikoti nakon am kamatebwai ibon iroum ao kaungakim.

Korei Am Namakin

Kaunga te Tibwatibwa

Teuana te kakabwaia n te ikotaki n te Reirei n Taabati n te kiraati bwa membwa a kona n ibuobuoki imarenaia ni kakai nanona inanon koroboki aika a tabu. Kaungaia kaain te kiraati bwa a na tibwaia ma temanna are a tekateka irarikiia te bwai are e reireiniia te Tamnei ae Raoiroi ngkai a kamatebwai koroboki aika a tabu n te wiiki aei. A kona tabeman n ikatoatoa n tibwaia ma te kiraati te bwai ae a tia ni maroroakinna. Aio e kona ni karekea te tabo ae tamaroa ibukin te maroro n am kiraati.

Reirei te Reirei

Karikani Bwai 28:10–22

Inanon te tembora ti karaoi berita aika a tabu ma te Atua.

• Kona kanga ni kona ni buokiia kaain te kiraati ni karekea nanon te bwai are e rinanona Iakoba i Betetebwa, n aron are e kabwarabwaraaki n Karikani Bwai 28:10–22? A kona ni waaki n rinanon Karikani Bwai 27:41–45; 28:1–5 ao n iangoa maiun Iakoba n te tai anne. E na kanga aron ana namakin ngkanne Iakoba? Kain te kiraati a kona n tara raoi Karikani Bwai 28:10–22. E kanga te taneiai aei ni kakabwaia Iakoba? E kanga ni karekea te raunnano? E kanga ana taneiai Iakoba ni kaungaira ngkai ti nebonebo inanon te tembora? E kona naba te kiraati n anenea, wareka, ke n ongora nakon “Nearer, My God, to Thee,” are e bon boboto i aon kibu aikai (Anene n Taromauri, nambwa. 100). A kona n tibwatibwa iaon kibu man te kuna ke man Karikani Bwai 28:10–22 anne are e kauringiia n te taneiai are a tia ni karekea ni kataia ni kaniiaki riki nakon te Tia Kamaiu.

• Te kai n tamwarake are e nooria Iakoba n miina e a tia n tainako ni kabotauaki nakon berita n te tembora. Tao ko kona ni kaota ke ni korea tamnein te kai n tamwarake ao te tembora. Kain te kiraati a kona ni manga rinanon Karikani Bwai 28:10–22 ao ni maroroakinna bwa tera te kai n tamwarake ni miin Iakoba ae reireiniira taekan te tembora. Tera riki ae ti kunea man kiibu aikai are e kauringiira kakabwaia ake ti karekei ibukin ara berita n te tembora? (Taraa “Taekan te Entaute n te Tembora” ao “About a Temple Sealing” [temples.ChurchofJesusChrist.org].)

• Ni buokiia kaain te kiraati n iangoa te berita nakon Aberaam, are e kaboua te Uea ma Iakoba, kokona ni kaoia bwa a na wareka Karikani Bwai 28:10–15 ao n taetae iaon are ti kanga ni karekei kakabwaia aikai ni bong aikai (taraa naba Karikani Bwai 12:2–3). A kona naba ni wareka ana rongorongo Beretitenti Russell M. Nelson’s inanon “Bwaai ni Ibuobuoki riki Tabeua,” n taratarai kakabwaia ke a roko man karaoan ao kawakinan berita aika a tabu. E kanga ni kakabwaiaki Iakoba man karekean berita ake a kuneaki n Karikani Bwai 28:10–15? Tera rekereke ake ti noori imarenann bwaai ake a riki ni kiibu aikai ao ake n Karikani Bwai 29 ao 30 (Iakoba ngke e nang mare ao bungiakiia natina)? E kanga te Uea ni kakabwaiaira ngkai ti karaoi ao ni kawakin berita aika a tabu?

Tamnein Iakoba ao Etau ngke a inga, iroun Robert T. Barrett

Karikani Bwai 32–33

Te Tia Kamaiu e kona ni buokiira n tokanikai iaon kamangaongao n ara utu.

• Karikani Bwai 32–33 e kona n anainano nakoia kaain te kiraati n tangiria ni karekea te kamaoaki n aia reitaki inanon aia utu. E kona n ibuobuoki tuangakiia kaain te kiraati bwa a na kauarerekea ni kabwarabwara te bwai are e riki are e koreaki n Karikani Bwai 27. Te kamataata n te wiiki aei inanon Nakomai, Iriirai—Ibukiia Aomata n Tatabemaniia ao Utu e kairii titiraki ake kona iangoi ngkai ko kamatebwaia Karikani Bwai 32–33. Tao kaain te kiraati a kona n rinea teuana mai buakon titiraki aikai ao n taratarai kaekaia n taian mwakoro. A kona naba n tauraoi n tibwa taneiai ake a tia n rinanona ni kakorakoran aron te reitaki inanon aia utu. Kaungaia bwa a na taetae iaon aron te Atua n tia ni buokiia.

Bwaai n Ibuobuoki Riki Tabeua

Ngaira ataein te berita ae tabu.

Beretitenti Russell M. Nelson e anga reirei:

“N te berita n te bwabetito ti berita bwa tina beku ibukin te Uea ao ni kawakin Ana tua. Ngkana ti kana te toa, ti kaboua te berita anne ao ni kaotia n ara ingaingannano ni katoka iaora aran Iesu Kristo. Ngaia are ti a tabekaki bwa Natina mwaane ao aine ao ni kinaaki bwa taari ao mwaane. Bon ngaia te tama ibukin maiura ae boou. N tokina, inanon te tembora, ti kona n riki n ikotaki bwa taan bwaibwai n ana kakabwaia n te utu ae akea tokina, n aron are e taekinaki n te berita nakon Aberaam, Itaaka, Iakoba, ao aia kariki. N reitia, te mare n tiretio bon te berita ae tabu n te karietataki.

“Ngkana ti ataia bwa ngaira bon naati ni berita, ti ataia bwa antai ngaira ao tera ae kantaningaia te Atua mairoura. Ana tua a koreaki inanora. Ana tua a koreaki inanora. Kabaeia ataei n te berita ae tabu bwa a na tiku n teimatoa, riki i nuukan te kakaitara. Ngkana te reirei anne e nene inanora, riki kammarakin te mate e na kamarauaki ao kanan tamneira e na kakorakoraaki” (“Covenants,” Liahona, Nov. 2011, 88).

Kanakoraoan Ara Anga reirei

Buokiia taan reireiaki ni mwakuri iaon wirikiriki. “Rairaki ni koaua e irekereke riki nakon ti namakinan te Tamnei ni kamatoa te koaua nakon tamneira; ti riai naba ni mwakuri iaon koaua akanne. N raona buokakiia taan reiakinaki n namakina ao ni kinaa te Tamnei, buokiia ni mwakuri iaon wirikiriki ake a karekei” (Teaching in the Savior’s Way, 10).