“Maati 21–27. Otinako 1–6: ‘Ao I Uringa Au Berita,’” Nakomai, Iriirai—Ibukin te Reirei n Tabati: Te O Tetemanti 2022 (2021)
“Maati 21–27. Otinako 1–6,” Nakomai, Iriirai—Ibukin te Reirei n Tabati: 2020
Mote ao te Kai ae Urarake, iroun Harry Anderson
Maati 21–27
Otinako 1–6
“Ao I Uringa Au Berita”
Ngkai ko wareka Otinako 1–6, iangoia aomata aika ko reireiniia. Tera koaua ni kiibu aikai aika a tara riki n nano nakoia? Ko na kanga ni buokiia bwa a na kunei koaua aikai?
Korei Am Namakin
Kaunga te Tibwatibwa
Teuana te iango ni kaungakiia kaain te kiraati bwa a na tibwa te bwai are a reiakinna bon korean te titiraki n aron aei iaon te burakibooti: Ngkai ko wareka Te Otinako 1–6, tera ae ko ataia ae ko tuai ataia mai imwaina? Kaoia kaain te kiraati bwa a na tibwa aia kaeka.
Reirei te Reirei
Iesu Kristo bon te tia Kainaomataira.
-
E ngae ngke te Tia Kamaiu e aki taekinaki n arana n Te Otinako 1–2, te rongrongo aei e kona ni buokiia kaain te kiraati ni katea te onimaki n Ana mition ni kamaiuira man te kabaeaki. Kain te kiraati a kona ni karekei taeka ke kibu n taeka inanon Te Otinako 1–2 are e kabwarabwara te kangaanga are a kaitara kaain Iteraera. A kanga kabwarabwara aikai n titebo ma kabaeakin te tamnei ke kangaanga tabeua ake ti kaitarai? A kanga ataein Iteraera ni ukoukora te kainaomataaki, ao e kanga te Atua ni kaeka nakoia?(taraa naba Otinako 2:23–25; 3:7–8). Ti kanga ni karekea mwaakan te Atua ngkana ti kainnanoa te kainaomataaki? E kanga te Atua ni kaekai ara bubuti ibukin te ibuobuoki? Kain te kiraati a kona n tarataai iango riki tabeua n ana rongorongo Beretitenti Russell M. Nelson “Katikan Mwaakan Iesu Kristo Nako Nanon Maiura” (Riaona, Meei 2017, 39–42).
Mote in the Bulrushes (Mote inanon te Abein ae te Maunei), © Providence Collection/licensed from goodsalt.com
Ngkai ti karaoi ana mwakuri te Uea, ti kona ni karekea mwaakan te Uea.
-
Te bwai ae kakaawaki n te wiiki aei n Nakomai, Iriirai—Ibukiia Aomata n Tatabemaniia ao Utu e kaotinano n te kakae n Te Otinako 3–4 ni kunea bwa e kanga aron te Uea ni kaeka nakon ana raraoma Mote ibukin te mwakuri ni kainaomatakiia kaain Iteraera man te tautoronaki. Ngkana kaain am kiraati a karaoa te waaki ni kakukurei aei n te mweenga, kaoia bwa a na tibwaia bwa tera ae a tia n reiakinna. Ke ko kona ni karaoa te waaki ni kakukurei aei n te kiraati. Riki, kaain te kiraati a kona ni kakae n Te Otinako 3:11–18; 4:1–17, n taratarai ana raraoma Mote ao ana kaeka te Uea iaoia n tatabeua nako. E kanga ana kaeka te Uea ni buokiira ngkana iai ara nanououa n ara konbwai ni karaoan Ana mwakuri?
Ti riai ni kaota te karinerine ibukin bwaai aika a tabu ao taabo.
-
Ko kanga ni kabongana ana banna ni katoto Mote ni kaunga te maroro iaon arora ni kawakini bwaai aika a tabu? Te katoto, imwiin warekan Te Otinako 3:5 n ikotaki, ko kona ni kaota te bwai ae tabu ke tamnein bwaai aika a tabu (n aron koroboki aika a tabu ke tembora) ao bwaai aika kabuta ke tamnein bwaai aika kabuta (n ai aron booki aika bwain aon te aba ke kateitei aika nonoraki). Kain te kiraati a kona n taetae iaon bwaai tabeua ake a taku bwa a tabu ao n tibwaia bwa kanga ni kaota te karinerine ibukin bwaai akanne (taraa naba Nakoaia Ibonga 19:30; Reirei ao Berita aika Tabu 6:10–12). Bukin tera te Tia Kamaiu e tangiriira bwa tina karinei bwaai aika a tabu ma te karinerine?
Te Otinako 5:4–9, 20–23; 6:1–13
Ana kantaninga te Uea a na kakoroaki bukiia n oin Ana tai.
-
E kona ni kabwaranano ngkana ara mwakuri aika nako mai inanora ni karaoan ae raoiraoi e taraa n aki mwakuri—tao te rao e aki kaeka nakon ara mwakuri n ibuobuoki ke ara tataro ibukin te ataei ae touanako kawaina e taraa n aki kaekaki. N reiakina aekakin taneiai ake e a ia n rinanona Mote, kaain te kiraati a kona ni wareka Te Otinako 5:4–9, 20–23. E kanga te Uea ni buoka Mote n tokanikai iaon namakinan te bwarannano? (taraa Te Otinako 6:1–13). Kain te kiraati a kona n tibwai taneiai ngke a aki waekoa n noora mwiina man aia mwakuri ni beku ibukin te Uea. Tera ae e reireiniira ana taneiai Moote inanon mwakoro aikai iaon arora are ti kona ni kaeka n aekakin aro aikai? (Taraa naba “Bwaai ni Ibuobuoki riki Tabeua.”)
Bwaai n Ibuobuoki Riki Tabeua
Ti buokiia tabeman ibukin te Uea.
Beretitenti Joy D. Jones e karakinna arona ngaia ao kainnabana ni beku ma te kakaonimaki n te tibwanga n ibuobuoki ma e aki noora tokanikaina man aia mwakuri. Te taanga a iangoa ao a tataro ibukin te kariiri. Ni manga karakini kaeka nakon aia tataro, e taku Beretitenti Jones:
“Ti a ataia bwa ti kabanei nanora ni kataia ni buokiia te utu aei ao ni beku ibukin te bitiobi, ma ti riai n titirakiniira ngkana ti bon beku man ara tangira ibukin te Uea. Te Uea Beniamina e kamatata riki aei ngke e taekinna, “Taraia, bwa ngkai I taekinna nakoimi ae I a tia ni kabanea au bong ni maiu ni beku ibukimi, ao I aki kamoamoa ngkai I taekinna, bwa I a tia ni beku ibukin te Atua’ [Motiaea 2:16; e kairaki katuruturuana].
“Ngaia are antai ae e buokiia te Uea ae Beniamina? Tamara are i Karawa ao te Tia Kamaiu. Ataakin antai ao bukin tera ni buokiia tabeman e buokiira n ataia bwa te kabanea n rietata ni kaotan te tangira bon kabanean nanora nakon te Atua” (“For Him,” Liahona, Nov. 2018, 50).
Kanakoraoan Ara Anga reirei
Tibwa te taneiai n te maiu n tamnei. Teuana te kawai ni kaoa ana wirikiriki te Tamnei inanon am kiraati bon kaungakiia kaain te kiraati bwa a na tibwaia bwa tera ae e a tia n reireiniia te Tamnei ae Raoiroi ngkai a kamatebwai koroboki aika a tabu n te wiiki aei.