Kamataataan tamnein Mote ao Aaron n ana bowi Bwarao, iroun Robert T. Barrett

Maati 28–Eberi 3

Otinako 7–13

“Kam Na Uringa te Bong Aei, ae Kam Otinako Iai Mai Aikubita”

Am konabwai ni kairaki iroun te Tamnei inanon am anga reirei e na kona ni karakaki riki ngkai ko karekea oin am taneiai ni kamatebwaia Te Otinako 7–13.

Korei Am Namakin

Kaunga te Tibwatibwa

Iangoa teuana te titiraki ke uoua ake a na kaungaia kaain am kiraati n tibwa te iango ao te taneiai are a tia ni karekea ngkai a kamatebwaia Te Otinako 7–13 n tatabemaniia ao ma aia utu. Te katoto, ko kona n titiraki “Tera ae ko warekia n te wiiki aei ae kakorakora am onimaki iroun Iesu Kristo?” ke “Tera ae ko warekia ae kakabwaia am utu?”

Reirei te Reirei

Te Otinako 7–12

Ti kona n rineia ni kamarauraua nanora.

• Ni buokiia kaain te kiraati n ianga aia tatauraoi n anga nanoia nakon te Atua, ko kona ni butiia n tatabemaniia bwa a na wareka teuana man rongorongon koroboki aika a tabu: Otinako 7:14–25; 8:5–15; 8:16–19; 8:20–32; 9:1–7; 9:8–12; 9:22–26; 10:12–15; 10:21–29; 12:29–33. Ngkanne a kona ni koreia iaon te burakibooti taeka ke kibuntaeka ake a kabwarabwara aron Barao ni kaeka nakon kamaraia ake tebwina ake e kanakoi te Atua nako aoia kaain Aikubita. (Kona bae n tangiria ni koreia bwa ana Raitaeka Iotebwa Timiti ni manga rinanoana e kaotia bwa Barao e kamatoatoa nanona.) Bukin tera e kona ni kaeka n te aro arei Barao? Bukin tera n tabetai e kangaanga bwa tina anga nanora nakon ana kantaninga te Atua? E kanga Tamara are i Karawa ao Iesu Kristo ni buokiira n tokanikai iaon kangaanga aikai?

• Man uotakin bwaai aika matoatoa nakon te kiraati ao bwaai aika a maraurau, ko kona ni buokiia kaain te kiraati n ota n te bwai are e nanonaki ni karekea te nano ae matoatoa ke te nano ae maraurau. Ko kona ni kabuti bwaai aika uoua nakoia kaain te kiraati, ngkai temanna e wareka teuana man kabwarabwaraan nanon Barao are e kuneaki n Te Otinako 7–10 (n aron Te Otinako 9:22–35). Bukin tera e “matoatoa” te kabwarabwara ae tamaroa n nanon Barao? Tera ae a reirei iai kibu aikai n te bwai are e nanonaki ni karekean te nano ae maraurau? (Ngkana e ibuobuoki, kaain te kiraati a kona n taratarai iango inanon teuana ke e mwaiti riki koroboki aika a tabu aikai: 1 Nibwaai 2:16; Motiaea 3:19; Aramwa 24:7–8; 62:41; Ita 12:27.) E kanga te Tia Kamaiu ni buokiira ni kamaraua nanora? Te witeo ae “A Change of Heart” (ChurchofJesusChrist.org) e kona ni karabaaba aia atatai.

• Ni buokiia kaain te kiraati n iangoia bwa bukin tera te Uea e kanakoa te kamaraia iaon Aikubita, ko kona ni kaoia kaain te kiraati n tatabemaniia bwa a na rinea teuana te boki man te rinan ao ni kakaea bukina aika kona n reke: Te Otinako 3:20; 7:5, 17; 9:14–16; 10:1–2. Ko kona naba ni kaoia kaain te kiraati bwa a na tibwaia bwa a kanga n tia n reiakinna bwa “akea riki temanna n ai aron [Tamara are i Karawa ao Iesu Kristo] iaon te aba ni kabane” (Te Otinako 9:14).

Otinako 12

Te Toa are te Riao ao te toa a reireiniira taekan te kamaiuaki rinanon Iesu Kristo.

• Bukamaruan te Baka n Amwarake n te Toa are te Riao e buokiia natin Iteraera n uringnga bwa te Uea e a tia ni kainaomataia man te tautoronaki. Ni buokiia kaain te kiraati n ota ni kanikina n te Toa are te Riao, ko kona ni karaoi uoua kaorom iaon te burakibooti ni korea Kanikina ao Nanona aika a Kona n Nanonaki, ma tamnein Iesu Kristo i etan taian kaoram. Kain te kiraati a kona ni kamatebwaia Te Otinako 12:1–13 ao ni koreia iaon te burakibooti te bwai man kibu aikai are e kona ni kanikinaea kainaomatakira rinanon Iesu Kristo. A kona ngkanne ni maroroakinna bwa tera kanikina aikai ae a reireiniia taekan Ana Mwakuri ni Kamaiu te Tia Kamaiu (taraa te taibora inanon “Bwaai ni Ibuobuoki riki” ibukin iango tabeua). Te witeo ae “The Passover” (ChurchofJesusChrist.org) e kona ni buokiia ni katamnei baike a wareki i nanon Te Otinako 12.

  

  N aron te amwarake n te Toa are te Riao, te toa e buokiira n uringa te Tia Kainaomataira, Iesu Kristo.

• Ibukiia aomata tabeman, te toa e aki n tainako tei n arona teina n te maiu n tamnei. Iangoia bwa e kanga maroroakinan Te Otinako 12 ni kona ni buokiia ni kabane kaain te kiraati ni karekea te nano ae nano riki n te toa. Te katooto, imwiin manga rinanoan irouia kaain te kiraati Te Otinako 12, kona bae ni kaoia bwa a na tibwaia bwa tera man te tai teuana kaain Iteraera n tia n taekinna ngkana te nati mwaane ke te nati aine e a tia n titirakiniia bwa tera nanon te Toa are te Riao ae nanonaki irouia. Ngkanne kaain te kiraati a kona ni maroroakinna bwa tera are a kona n taekinna ngkana temanna e titiraki bwa tera nanon te toa nakoia, n raonaki ma iango ake a karekei man te Toa are te Riao. Kona bae n anganiia kaain te kiraati te tai n iango bwa tera ae a kona ni karaoia bwa a na uringa te Tia Kamaiu ni katoabong. Te witeo “Always Remember Him” (ChurchofJesusChrist.org) a kona ni buokaki iai.

Bwaai n Ibuobuoki Riki Tabeua

Te Toa are te Riao e reirei taekan te Tia Kamaiu.

Kanikina	Nanona aika a Kona n Nanonaki
Kanikina Te tibu te teei (Te Otinako 12:3–5)	Nanona aika a Kona n Nanonaki Iesu Kristo
Kanikina Raraa iaon mataroa (Te Otinako 12:7)	Nanona aika a Kona n Nanonaki Raraan Iesu Kristo ni kamaiu, are e kamaiuira
Kanikina Kanakin te tibu te teei (Otinako 12:8)	Nanona aika a Kona n Nanonaki Karikan te Tia Kamaiu bwa mwakoron maiura
Kanikina Aroka aika mao (Te Otinako 12:8)	Nanona aika a Kona n Nanonaki Maon te tautoronaki (bure)

Kanakoraoan Ara Anga reirei

Kakauongo. “Te kakauongo bon kaotan te tangira. … Butia Tamam are i Karawa bwa e na buokiko ni kaotako n te bwai ae a taekinna kaain am kiraati. Ngkana ko kakauongo raoi nakon aia rongorongo aika a taekinaki ao aika aki taekinaki, ko na kona n atai raoi riki kainnanoia, tabeaiangaia, ao bwaai ake a tangiri” (Reirei n ana Kawai te Tia Kamaiu, 34).