“Eberi 4–10. Otinako 14–17: ‘Tei Moa, ao Nora ana Aro ni Kamaiu Iehova,’” Nakomai, Iriirai—Ibukin te Reirei n Tabati: Te O Tetemanti 2022 (2021)
“Eberi 4–10. Otinako 14–17,” Nakomai, Iriirai—Ibukin te Reirei n Tabati: 2020
Taari ae Uraura
Eberi 4–10
Otinako 14–17
“Tei Moa, ao Nora ana Aro ni Kamaiu Iehova”
Iangoa bwa e kanga te bwai are a rinanona natin Iteraera ni kaineti nakoia kaain am kiraati. Tera taneiai aika a na rang ibuobuoki riki nakoia ni maroroakinaki?
Korei Am Namakin
Kaunga te Tibwatibwa
Te Otinako 14–17 e kaonaki n rongorongo aika kanuringaki. Kain te kiraati e kona ni korea tamnein te bwai are e riki man mwakoro aikai ngkai tabeman kaain te kiraati a keetina te bwai are e koreia teuanne ke neienne. Tuangiia bwa a na tibwauai bwaai aika a tia n reiakin man te rongorongo ma kaain te kiraati.
Reirei te Reirei
Tamara are i Karawa e kainaomatara ngkai ti iriira te Tamnei.
-
Taari ae Uraura e taraa n ae te toki irouia kaain Iteraera, ma te Atua e atai bwaai aika aki atai. Rinanon te rongorongo n te kakai n rinuukan Taari ae Uraura are e kona ni kauringiia kaain te kiraati n taai are te Atua e kainaomataia iai man aia kangaanga. Kona bae n tuangiia kaain te kiraati bwa a na rinanon Te Otinako 14 ao n tibwa tera are e katika nanoia iaon te rongorongo aei. Kaungaia naba bwa a na tibwa aia taneiai ni kamaiuakiia man te kataaki, ni kairaki ma kibu man te mwakor are e katea aia onimaki bwa te Atua e kona ni kamaiuira.
-
E kona naba ni kakaongora te ikotaki ni wareka Reirei ao Berita aika Tabu 8:2–3. Tera ae reirei iaon kiibu aikai n taekan Mote? E kanga kiibu aikai n roota aron te iango are ti iangoia n te bwai ae riki n Te Otinako 14? Tera ae a kaotinano iai n arora n ukoukora te kainaomataaki man ara kangaanga? Iangoia bwa tera te taetae inanon “Bwaai ni Ibuobuoki riki Tabeua” ae kona ni karaka am maroro.
Te manna mairoun te Atua e kamwarakeia Iteraera n rabwata, ti kainnanoa naba kamwarakean tamneira. Fresco iroun Leopold Bruckner
Te Otinako 15:23–27; 16:1–15; 17:1–7
Te Uea e na katauraoi kainnanora ngkai ti mwananga rinanon te maiu.
-
Te Otinako 15–17 e anga rongorongo aika a mwaiti are e kona ni kateia onimakinan mwaakan te Uea ao te tatauraoi n anga katokan kainnano ibukin te maiu n rabwata ao n tamnei irouia kaain te kiraati. Tao a kona kaain te kiraati n tatabemaniia ni kamatebwaia teuana man rongorongo aikai, n taratarai rongorongo ibukin te maiu n tamnei: Te Otinako 15:23–27; 16:1–15; 17:1–7. Anganiia tabeman kaain te kiraati aia tai bwa a na tibwa te bwai are a kunea. Tina kanga ni kona ni kabonganai rongorongo aikai ni kaunga temanna are e a tia ni kaitara ma kainnano n te aro n rabwata ao n tamnei?
-
Kain te kiraati a kona naba ni wareki kibu aikai ao n atai katoto iaon te ngurengure. Tina kanga ni kona ni kabwarabwara nakon temanna n te bwai are e nanonaki n te ngurengure? Tera tabeua tokin te ngurengure are e karikia bwa e na rangi ni kakamaku? Tao kaain te kiraati a kona n tibwai taeka n reirei iaon arora n totokoi kariri ni ngurengure ni kaitara te Uea ngkana ti rinanon taai ni kangaanga.
-
E kona ni buokiia kaain te kiraati ni kabotaua te manna are e kabwarabwaraaki n Te Otinako 16 ma kainnanoan kamwarakean tamneira. Tera kabootau aika ti noori? Tera te reirei n tamnei ae e kona n tangiria n reireiniia Iteraera te Uea man karuoan te manna n aron are E karaoia? (taraa Ioane 6:31–35, 48–58). Ko kona naba ni mataku n teuana ke e raka riki witeo are kaotaki inanon “Bwaai n Ibuobuoki Riki Tabeua.”
Ti kakabwaiaki ngkai ti kamatoaia ara taan kairiiri.
-
Rongorongon Aaron ma Ura n tabekarake bain Mote e kabwarabwara kakaawakin te kamatoa nakoia nake a weteaki bwa a na kairiira. Ko kona ni kaoia tabeman kaain te kiraati bwa a na karaoa te mwakuri n te taneiai ngkai temanna kaain te kiraati e taekinna n takarua. E kanga aia mwakuri Aaron ao Ura n taua bain Mote n titebo ma ara mwakuri ni kamatoaia ara taan kairiiri? Ti kanga ni kaotia bwa ti boutokaia ara taan kairiiri?
Bwaai n Ibuobuoki Riki Tabeua
Ko kona ni karekea te kairi ae kaineti nakoim.
Titita Michelle Craig e reirei:
“Ngkai ti riki bwa ana reirei aika a kakaonimaki [Te Tia Kamaiu], ko kona n karekea te kairaki ibon iroum ao kaotioti, aika teimatoa ma Ana tua, ake a katauaki ibukim. Iai tibwangam ae onoti ao mwakuri ake kona karaoi inanon maium ao kona anganaki te kairi ae onoti aika kona kakoroi bukiia.
“Nibwaai, tarin Iareta, ao bon Mote ni kabane iai te ran ae bubura are a na rinuukana—ao n tatabemaniia a karaoia n aro aika a kakaokoro. Nibwaai e mwakuri ‘ni karaoi bwaai man kaai n te aro ae a kamimi tamaroaia’ [1 Nibwaai 18:1]. Tarin Iareta e karaoi bwaake ake a “bono aia kaibuke n aron te raurau,’ [taraa Ita 6:5–8]. Ao Mote ma ana aomata ‘a nakonako i aontano ae mau i nukan te nama’ [Te Otinako 14:29].
“Ngaiia n tatabemaniia a karekei kairi ibon ibukiia, kairiia, ao n onimakiniia n tatabemaiia ao ni karaoi. Te Uea e tabe irouia naake a ongotaeka ao, n ana taeka Nibwaai, “ma ti ngkana e a tia ni katauraoa te kawai [bukira] are a na kona iai i kakoroa bukin te bwai are e tua nakoia’ [1 Nibwaai 3:7]. Taraa are e taekinna Nibwaai, ‘taian kawai’— tiaki ‘te kawai.’
“Ti katibanakoi ke ti kanakoi ara mwakuri mairoun te Uea ibukina bwa e a tia ni katauraoa “te kawai” ae kaokoro nakon are ti kaintaningaia?” (“Spiritual Capacity,” Liahona, Nov. 2019, 21).
Witeo
N te witeo “Daily Bread: Change” (ChurchofJesusChrist.org), Unimwaane D. Todd Christofferson e tibwa ana nonoori n taekan te kakai iaon te manna.
Kanakoraoan Ara Anga reirei
Kaungaia tabeman bwa a na kaotikoaua. Angiina ake ko reireiniia a karekea te kakoaua ibon irouia n te koaua are a na tibwaia. Kaoia bwa a na tibwa aia koaua man anganakiia titiraki aika a beebete, n aron , “Ko kanga n tia ni kakabwaiaki man iriirakin te burabeti?” (Taraa naba Reirei n Ana Kawai te Tia Kamaiu, 11.)