“Eberi 18–24. Otinako 18–20: ‘Ti na Tou Mwin Ana Taeka Iehova ni Kabane,’” Nakomai, Iriirai—Ibukin te Reirei n Tabati: Te O Tetemanti 2022 (2021)
“Eberi 18–24. Otinako 18–20,” Nakomai, Iriirai—Ibukin te Reirei n Tabati: 2020
Te maunga i Aikubita rimoa e kakoaua bwa arana Maungan Tiainaai.
Eberi 18–24
Otinako 18–20
“Ti na Tou Mwin Ana Taeka Iehova ni Kabane”
Wareka Te Otinako 18–20, ao korei namakin ake ko karekei iaon aron buokakiia kaain am kiraati n reireiaki man mwakoro aikai. Riki iango aika uarereke a kona ni kairi nakon bwaai n reirei aika a nano.
Korei Am Namakin
Kaunga te Tibwatibwa
Ni kaoakiia kaain te kiraati bwa a na tibwai bwaai ake a reiakin, ko kona ni korei iaon te burakibooti 18, 19, ao 20—mwakoro ake a wareki n te Otinako n te wiiki aei. Tuangiia kaain te kiraati bwa a na korei irarikin nambwan mwakoro nambwan te kibu ake a tangiria ni maroroakinna n te mwakoro anne. Ngkai a tibwai aia iango kaain te kiraati, tuangiia membwa ake tabeman ngkana iai aia iango iaon te mwakoro naba anne.
Reirei te Reirei
Ti kona n ibuobuoki “uoti rawawata” ni karaoan ana mwakuri te Uea.
-
Ko kona ni kaungaia kaain am kiraati bwa a na maroroakina ana reirei Ietero are e angan Mote (taraa Te Otinako 18:13–26) n tuangiia bwa a na iangoia bwa a maroro ma temanna ae e namakinna bwa nakoana n te Ekaretia neienne ke teuanne, tibwangana n ana utu, ke tabe riki tabeua a “rang n rawawata” ao teuanne ke neienne e na “riki ni mamaara iai” (Te Otinako 18:18). E na kanga te reirei inanon Te Otinako 18:13–26 n ibuobuoki? Tera riki reitan te reirei are ti kona n tibwa man ara taneiai ibon iroura?
-
Taetae iaon Te Otinako 18:13–26 e kona n anga te tai ni maroroakina aron te mwakuri n ibuobuoki ni kona ni buokiira ni “uota te rawawata ma” ara taan kairiiri n ana mwakuri te Uea (Te Otinako 18:22). Tera anua aika e tua Ietero nakon Mote bwa e na tarai irouia naake a beku bwa “mataniwiia” aomata? (taraa Te Otinako 18:21). Bukin tera anua akanne a kakaawaki inanon ara mwakuri n ibuobuoki i marenara? E kanga te mwakuri n ibuobuoki nakoia kaain te utu, kaain te Ekaretia, ao tabeman “uota rawawataia” ara taan kairiiri n te Ekaretia? Ngkai mwakoron am maroro, ko kona ni kaota teuana te witeo are e reke n ministering.ChurchofJesusChrist.org.
Mwakuri n ibuobuoki nakoia tabeman bon te kawai teuana are ti kona n ibuobuoki iai n ana mwakuri te Uea.
Ti na karimoa moa te Uea inanon maiura.
-
Ko kona n iangoa te beku are e nakoraoi riki ngkana ti katia te moan mwaneka ae kakaawaki? (Katoto e kona n raonaki ni kabwaranoaki te ikueition n te numera ke irakin te uretibi n te kuuka). Tibwaia ma te kiraati tabeua katoto ake ko taneiai ma ngaia, ni kaoia bwa a na iango ibon irouia. E kanga katian moa te mwaneka ae moan te kakaawaki n irekereke nakon te tua n Te Otinako 20:2–11? Tera ae e reireiniira tua ibukin karimoan moa te Atua inanon maiura? Baikara bwaai aika ti kona ni kariiriaki bwa tina karimoai moa imwain Teuarei? (Ibukin tabeua katoto, tarai maroro n “Bwaai ni Ibuobuoki riki Tabeua.”) Manga rinanoa Te Otinako 20:2–11 e kona ni buokiia kaain am kiraati ni kauringa kabaeakiia ni karimoa moa te Atua.
E rangi n nanoanga te Atua.
-
Kona kanga ni buokiia kaain am kiraati bwa a na ota ni kakaawakin Tua ake Tebwina n ara bong? Ko kona ni bwenauaia kaain am kiraati ni katoatoaia ni kaka uoman ao ni kaoia bwa a na wareka Te Otinako 20:2–17 ao imwiina maroroakinna bwa e kanga tuua nako ni kakabwaiaiia, aia u tu, ao aomata ake a katobibia. Ko kona naba ni kaota te witeo “Obedience to the Ten Commandments” (ChurchofJesusChrist.org). Tera kakabwaia ae e berita iai nakoira Tamara are i Karawa ibukin irakin Ana tua? (taraa, ibukin te katoto, Motiaea 2:41). A kanga tua aikai ni kaota ana tangira te Atua ibukira?
Bwaai n Ibuobuoki Riki Tabeua
Akea riki atua irarikiu.
Beretitenti Spencer W. Kimball e reirei bwa iai aekakin te nebonebo rimoa ni boua aika a kaaraki ao anuaia aomata ni boong aikai. E taku:
“Tataroakinan boua n anti bon te bure ae moan te kakaiaki. …
“Boua n taai aikai ke atua aika kewe a kona n reke n teia n aron kunnikai, mweenga, bitineti, mitiin, bao aika bubuti, booti n ieie, ao a mwaiti riki bwaai aika a kona ni bitii aron bitakin bwaai n te kawai nakon te aro n atua. …
“Bwaai ake aki kona n riingaki a karaoaki n ai aron atua aika tauraoi. Tikurii ao reta ao nakoa a kona n riki bwa boua aika a kaaraki. …
“Angiina aomata a katei ao a katamaroai aia auti ao a karekei baoia moa—ao imwiina a kunea bwa a ‘aki kona ni kabooa’ ni kabwaka te kabwianibwai. Antai ae a neboia? Bon tiaki Uean karawa ma aonaaba. …
“Angiina a taromauriia te katiiman, te mwananga n akawa, te motirawa, te bikiniki n te wiikente ao te kamaangang. Tabeman a reke aia boua ae kaaraki n te takakaro n te kabo, beitibooro, butibooro, te kaunikao, ke te kaobo. …
“E teimatoa n iai bannaia aomata n nebonebo teuana bon te mwaaka ao te tautaeka. … Atua aika mwaaka aikai, kaubwai, ao iraraang a bon rang ni kairoro ao a bon koaua n aron te kao ae kaaraki ae te koora irouia ataein Iteraera inanon te rereua” (Teachings of Presidents of the Church: Spencer W. Kimball [2006], 146–47).
Kanakoraoan Ara Anga reirei
Boboto iaon tabeua reirei. “E mwaiti te bwai ae e na maroroakinaki n te reirei, ma e aki riai bwa ti karaoi bwaai ni kabane n tain teuana te kiraati bwa ti aonga n riing nanoia tabeman—n taainako teuana ke uoua iango aika a kakawaki a bon tau” (Reirei n Ana Kawai te Tia Kamaiu,7).