Tamnein Rebeka iroun Dilleen Marsh

Beberuare 21–27

Karikani Bwai 24–27

E a Kabouaki Te Berita

Ngkai ko wareka Karikani Bwai 24–27, tataro bwa kona ataia bwa kona kanga ni kaungaia kaain te kirati ni karekea oin aia taneiai man reiakinan koroboki aika a tabu.

Korei Am Namakin

Kaunga te Tibwatibwa

Ni kaungaia kaain te kiraati n tibwai aia iango man Karikani Bwai 24–27, ko kona ni kaoia bwa a na rinea te rongorongo ae e onoti are e kaungaia ao ni koreia iaon te mwakoro ni beeba. Rikoi beeba, ao rinei tabeua bwa kona wareki ao ni maroroakin n te kiraati.

Reirei te Reirei

Karikani Bwai 24

Te mare n te berita ae tabu e kakaawaki n ana baire te Atua ae akea tokina.

• Kakaawakin Aberaam are e katikua ni kakaean buun Itaaka e karekea te tai ni maroroakina kakaawakin te mare n te berita n ana baire te Atua ibukira. Ni waakina te maroro, kaain te kiraati a kona n tara Karikani Bwai 24 ao n tibwai bwaai ake e karaoi te uea ni buoka ikotakiia Itaaka ao Rebeka inanon te mare. Bukin tera e kakaawaki te mare iroun te Uea? Ni buokiia kaain te kiraati ni maroroakina te titiraki aei, ko kona n tibwaia ma ngaia ana rongorongo Unimwaane D. Todd Christofferson n “Boki n Ibuobuoki Riki Tabeua.” Tina kanga n ibuobuoki ni kakoaua ana kantaninga te Atua ibukin te mare bwa e na korobukina?

• Titirakiniia kaain te kiraati bwa tera anua ae a tia n nooria irouia buu, karo, ke taanga riki tabeman ae a tia ni kaota te kakaonimaki, mare ae kakukurei. Te rongorongo n Karikani Bwai 24 e kaoti anua aika a kona ni buoka te aomata ni karekea te kukurei inanon te mare—ao aro riki tabeua n te maiu. Te katoto, ni kibu 12 ti reiakinna aron te kairaki man te tataro, ao inanon kibu 19 ti reiakina taekain kanakoan te mwakuri n ibuobuoki riki ae raka. Tera riki reirei tabeua aika a kona ni kuneaki inanon mwakoro aikai? Class members might also look in “Te Utu: Te Katanoata nakon te Aonaaba” (ChurchofJesusChrist.org).

Karikani Bwai 25:29–34

Ti kona n rineia imarena te kakaitau ae ngkai ao bwaai aika a korakora bonganaia.

• Kona kanga ni buokiia kaain te kiraati ni karekea reireiaia man te bwai are a rinanona Iakoba ao Etau? Te iango teuana bon kaoakiia bwa a na karaoi uoua rinan iaon te burakibooti—teuana man kakabwaia ae akea tokina are e tangiria n anganiira te Atua ao teuana man bwain te aonaaba ake a katabetabei ara iango man kakabwaia akanne. Ngkanne kaain te kiraati a kona ni wareka Karikani Bwai 25:29–34, n onea mwiin “rikia ni bwaibwai” n te bwai teuana man te moan rinan ao te “amwarake” man te bwai teuana n te kauoua n rinan. E kanga te kaitara ni kataia ni kairiira bwa tina kaibibiti ana kakabwaia te Atua ma bwaai aika a aki rangi ni kakaawaki? Iangoia ni kaoia kaain te kiraati bwa a na anga imarenaia reirei iaon aroia ni boboto iaon te Tia Kamaiu ao kakabwaia ae akea tokina ake E anganiira.

Karikani Bwai 26:18–25, 32–33

Iesu Kristo bon te mwanibwa n te koburake n ran ae maiu.

• Karikani Bwai 26 e taekinna tabeua te tai bwa Itaaka ao kaain ana auti a keni mwanibwa ni kakaea te ran, ao aio n tainako e kainnanoa te mwakuri korakora. Te koaua aei e kona ni buokiko n reireiniia kaain te kiraati taekan te mwakuri are e kainnanoia bwa e na uota ana “ran ni kamaiu” te Tia Kamaiu inanon maiura (taraa Ioane 4:10). Tao ko kona ni kamatata aei ma te tamnei iaon te burakibooti ni korea tamnein te ran ae rabunaki aona n te bareka ae matenten. Kain te kiraati a kona n ikaruoruo ni kamaunai tabeua man te bareka ngkai a kabwarabwara bwa a kanga ni kunea ana ran ni kamaiu te Tia Kamaiu. Kaungaia bwa a na kabongana te Guide to the Scriptures ni kakaei kiibu ake a rekereke nakon bwaai ake a taekini.

  

  Te mwanibwa rimoa i Bwateteba, are a keni iai mwanibwa Aberaam ao Itaaka.

Bwaai n Ibuobuoki Riki Tabeua

Te mare ao te utu bon ana karikibwai te Atua.

Unimwaane D. Todd Christofferson e anga tabeua bukina bwa bukin tera te mare ao te utu a rangi ni kakaawaki n ana baire te Atua:

“Te utu are e kateaki iaon ana mare te mwane ao te aine e karekei tabo aika tamaroa ibukin ana baire te Atua ni kona ni wakinaki—te tabo are a bungiaki iai ataei, ake a roko n itiaki ao te itiaki mairoun te Atua, ao te otabwanin ibukin te reirei ao te katauraoi are a na kainnanoi ibukin nakoraoin te maiu n rabwata ao te maiu ae akea tokina n te aonaaba ae e na roko. Te kurubu ae bubura ae tau ni karaoa te bitaki irouia utu a kateitei iaon mare akanne e kakaawaki ibukiia te botannaomata bwa a na maiu ao n kariki ua. …

“… Ma tibwangara ake ti taui ibukin te mare ao te utu e aki tiku iaon te rabakau n te aonaaba ma iaon te koaua are ana karikibwai te Atua. Bon Ngaia are n te moan karikibwai ni karikan Atam ao Ewa n Katotongana, mwane ao aine, are a ikotaki bwa buumwane ao buuaine n riki bwa ‘te irikona’ ao ni kariki ao ni kaona te aonaaba. Aomata n tatabemaniia a uota te katoto mai karawa, ma bon te katiteuanaaki n te mare iroun te mwane ao te aine n teanga are ti karekea are katabwanina nanona karekean katotongan te Atua—mwaane ao te.aine … Te mare anne … bon mwaitin te mwakoro n te baire ni kakukurei n aron te Bwaka ao te Mwakuri ni Kamaiu.” (“Bukin tera te Mare, Bukin tera te Utu,” Riaona, Meei 2015, 52).

Kanakoraoan ara Anga reirei

Kabotoa am anga reirei iaon te taeka n reirei. Ngkai ko kaoia kaain te kiraati bwa a na tibwatibwa, kakoaua bwa ko reitinako n karaoa te maroro n oki nakon te reirei n koroboki aika a tabu. Ko kona ni karaoa aei man tuangiia kaain te kiraati bwa a na wareki kiibu man koroboki aika a tabu, n anga titiraki iaon tera are e taekinaki n koroboki aika a tabu, ao ni kaoia kaain te kiraati bwa a na tibwa aia koaua n te reirei are e reiakinaki.