Kamataataan tamnein Aberaam ao Taara iroun Dilleen Marsh

Beberuare 7–13

Karikani Bwai 12–17; Aberaam 1–2

“N na Riki bwa te Tia Irira ae Raoiroi ae Korakora Riki”

Tera ae e a tia n reireiniko te Tamnei ae Raoiroi n te wiiki aei ngkai ko kamatebwaia Karikani Bwai 12–17 ao Aberaam 1–2? Kakoaua bwa ko anganiia aia tai n tibwa e bwai are e a tia n reireiniia te Tamnei ae Raoiroi.

Korei Am Namakin

Kaunga te Tibwatibwa

N anganiia kaain te kiraati aia tai n tibwa te bwai are a tia n reiakinna man Karikani Bwai 12–17 ao Aberaam 1–2, a kona n tatabemaniia n rinea te aomata are e taekinaki n mwakoro aikai ao ni kabwanina te tiententi n aron aikai: “Aberaam e reireinai ” ke “Taara e reireinai .”

Reirei te Reirei

Karikani Bwai 15:1–6; 17:15–22; Aberaam 1:1–19

Te Atua e na kakabwaiaira ibukin ara onimaki ao nanora ni karaoa ae raoiroi.

• Te bwai are a rinanona Aberaam ao Taara are e koreaki n Karikani Bwai 15; 17; Aberaam 1 e kona ni buokiia kaain te kiraati ni kateimatoa aia onimaki are nanoia aika raraoi e na bon kakoroaki bukina n ana tai te Uea. Kona kanga ni waakina te maroro iaon te reirei aei? Teuana te iango bwa kona ni kaoia kaain te kiraati bwa a na kakae n Karikani Bwai 15:1–6 ao Aberaam 1:1–19 ao kabwarabwara nanon Aberaam ao bwaai aika a riki aika a kangaanga. A kanga Aberaam ao Taara ni kaota aia onimaki inanon taai ni kangaanga? (taraa Ebera 11:8–13). E kanga nanoia ae tamaroa ni kakoroaki bukina? (taraa Karikani Bwai 17:15–22; 21:1–3; Reirei ao Berita aika Tabu 132:29; Aberaam 1:31). Tina kanga ni kaota ara onimaki ngkana nanora aika itiaki a tuai ni kakoroaki bukiia n aron are ti tangiria bwa a na riki? Tao kaain te kiraati a kona n tibwaia bwa e kanga te Tia Kamaiu n tia ni boutokaia inanon aro akanne.

• Tabeman kaain am kiraati a kona ni karekea te boutoka ae uarereke mairouia aia utu ngkai a kataia ni maiuakina te euankerio—ao a kona ni bon kaitarai kakaitara. Tera ae ti kona n reiakinna man ana banna ni katoto Aberaam inanon Aberaam 1:1–19 are e kona ni buokiia naake a kataia ni maiuakina ae raoiraoi n aro akanne?

• Ko na bae n tuangiia kaain te kiraati bwa a na wareka Joseph Smith Translation, Genesis 14:36–40 (n te Bible appendix) ao tibwaia tera are a reiakinna ibukin ana onimaki ma nanon Aberaam. A kona naba n tibwaia bwa a anga n tia ni kakabwaiaki ngke a kamwakura aia onimaki ni kabwakaan aia kabwianibwai.

Aberaam 2:6–11

Te Berita nakon Aberaam e kakabwaiaira ni kabane.

• Ni buokiia kaain te kiraati n ota n te berita nakon Aberaam, ko kona n tibwa ana rongorongo Beretitenti Russell M. Nelson inanon “Bwaai ni Ibuobuoki riki Tabeua” (taraa naba Gospel Topics, “Abrahamic Covenant,” topics.ChurchofJesusChrist.org). Kain te kiraati a kona n tia n reiakinaki man te Berita nakon Aberaam man Aberaam 2:6–11, n aron are e taekinaki inanon bwaai aika a kakawaki n te wiiki aei n Nakomai, Iriirai—Ibukiia Aomata n Tatabemaniia ao Utu. Tao kaain te kiraati a kona n tibwaia bwa tera ae a reiakinna, ke te kiraati e kona ni ikotaki ni kamatebwai kiibu aikai. Tera berita ao tibwanga ake ti karekei rinanon te berita nakon Aberaam? Te witeo “Special Witness—President Nelson” e kona ni buoka ni kaeka te titiraki aei (ChurchofJesusChrist.org/media-library/video/2011-04-18-special-witness-president-nelson). Tera ae ti kainnanoia ni karaoia bwa tina karekei kakabwaia n te berita aei? Tina kanga ni kona, n aron ana kariki Aberaam, ni kakabwaiaia “ni kabane utu iaon te aba”? (Aberaam 2:11).

Genesis 14:18–19; Genesis 14:25–40

“Merekitereka bon te mwaane ae te tia onimaki.”

• Ibukin Kaokan Bwai n te euangkerio, angiina kaain te Ekaretia ake a taneiai ma te Nakoanibonga ae te Merekitereka, ma tabeman a aki kinaa te mwaane ae Merekitereka. Ni buokiia kaain te kiraati bwa a na reiakina riki taekana, tao ko kona ni kaoia bwa a na iangoia bwa a tuangaki bwa a na kabwarabwara teuanne nakon temanna ae aki kinaa ao ni karaoi rinan iaon te burakibooti ni bwaai ake a kona n taekinna. A kona ni boboto bwaai aikai iaon te bwai are a warekia inanon Joseph Smith Translation, Genesis 14:26–27, 33–38 (i nanon te Bible appendix); Aramwa 13:13–19; ao Reirei ao Berita aika Tabu 107:1–4. Tera ae ti reiakinna n taekan te Nakoanibonga ae te Merekitereka man kiibu aikai?

  

  Melchizedek Blesses Abram (Merekitereka e Kakabwaia Aberaam, iroun Walter Rane

Bwaai n Ibuobuoki Riki Tabeua

Kakabwaia n te Berita nakon Aberaam.

Beretitenti Russell M. Nelson e anga reirei:

“Ana Berita te Atua are e karaoa ma Aberaam ao imwiina e kamatoaki ima Itaaka ao Iakoba bon iai kakaawakina ae korakora. … Te Uea e kaoti ni boong aika kaitira ni kaobua te berita nakon Aberaam. … Ma kabouan aei, ti a tia ni karekea, n aron are reke rimoa, te nakoanibonga ae tabu ao te euangkerio ae akea tokina. Iai inaomatara ni karekea bwanin te euangkerio, ni kukurei ni ana kakabwaia te nakoanibonga, ao n tau ibukin ana kakabwaia te Atua aika korakora—are n te maiu ae akea tokina” (“Covenants,” Liahona, Nobembwa 2011, 87–88).

“Te kabanea ni kakabwaia n ana kakabwaia Aberaam a kona n reke n te tembora ae tabu. Kakabwaia aikai a karekea nakoira te Moan Mangauti ao ni bwainkaintokaniuea, abanuea, mwaaka, taabo aika tautaekanaki, ao tautaeka, n karietatakira ao mimitongin bwaai ni kabane’ [Reirei ao Berita aika Tabu 132:19]” (“Special Witnesses of Christ,” Ensign, Apr. 2001, 7).

Kanakoraoan Ara Anga Reirei

Kaota Am Koaua n taainako. “Am kakoaua ae bebete, ae nako mai inanom bukin te koaua n tamnei e na iai mwiina ae korakora iaoia naake ko reireiniia. Te katooto, ko kona n tibwa te koaua ae beebete bwa e kanga ni te berita ni kona ni kakabwaia maium.