“Beberuare 7–13. Karikani Bwaai 12–17; Aberaam 1–2: ‘N na Riki ba te Tia Iriira ae Raoiroi ae Korakora Riki,’” Nakomai, Iriirai—Ibukiia Aomata n Tatabemaniia ao Utu: O Tetemanti 2022 (2021)
“Beberuare 7–13. Karikani Bwaai 12–17; Aberaam 1–2,” Nakomai, Iriirai—Ibukiia Aomata n Tatabemaniia ao Utu: 2022
Tamnein Aberaam ao Taara, iroun Dilleen Marsh
Beberuare 7–13
Karikani Bwaai 12–17; Aberaam 1–2
“N Riki Ba te Tia Iriira te Raoiroi ae Korakora Riki”
Ngkai ko wareka rongorongo Aberam ao Tarai (are aranaki imwina bwa Aberaam ao Taara) ao aia utu, iangoia bwa kam na kanga ni kauaei bannaia. Korei iango bwa ko na kanga n “riki bwa te tia iriira ae raoiroi ae korakora riki” (Aberaam 1:2).
Koreia Am Namakin
Man te berita ae tabu are e karaoia te Atua ma ngaia, e a tia Aberaam n aranaki bwa “tamaia taan onimaki” (Reirei ao Berita aika Tabu 138:41) ao “raoraon te Atua” (Iakobo 2:23). Mirion aomata ni boong aikai a karinea bwa aia bakatibu, ao tabeman a tia n tabekaki nakon ana utu man rairakiia nakon ana euangkerio Iesu Kristo. E ngae n anne e roko Aberaam man te utu ae mangaongao—tamana, are e kitana taromaurian te Atua ae koaua, e kataia n anga Aberaam bwa te karea nakoia atua ni kewe. E ngae n anne, nanon Aberaam bon “te riki bwa te tia iriira ae raoiroi ae korakora riki” (Aberaam 1:2), ao rongorongon maiuna e kaotia bwa te Atua e karinea nanona. Maiun Aberaam e tei bwa te kakoaua bwa tao tera rongorongon ngkoa ana utu temanna, taai aika a na roko a kona n tamaroa.
Iango ibukin te Kamatebwai i bon Iroum ni Koroboki aika Tabu
E na kakabwaiaai te Atua ibukin au onimaki ao nanou aika raoiroi.
N ai arora, E maeka Aberaam n te tabo ae buakaka, ma e tangiria n riki n raoiroi. Beretitenti Dallin H. Oaks e reirei kakaawakin karekean te nano ae raoiroi: “ Ngkai e kakawaki kanakoan te nano ibukin te bure, te maiu ae akea tokina e kainnanoa riki ae bati. Ni karekean tokira ae akea tokina, ti na tangiri ao ni mwakuri ibukin bwaai aika a kainnanoaki n riki bwa te aomata ae akea tokina. … Ngkana e taraa ni rangi ni kangaanga aio—ao e koaua bwa e matoatoa aei irouia aika mwaiti—ngkanne ti riai ni waaki man karekean tangiran anua aikai ao ni butiia Tamara are i Karawa buokara n ara namakin [taraa Moronaai 7:48]” (“Desire,” Riaona, Meei 2011, 44–45). Ngkai kam wareka Aberaam 1:1–19, iangoia bwa a kanga kiibu ni kabwarabwara ana reirei Beretitenti Oaks. Titiraki n aron aikai a kona n ibuobuoki:
-
Tera nanon ao ae e ukoukoria Aberaam? Tera ae karaoia ni kaota ana onimaki?
-
Tera ae tangiria nanom? Iai te bwai ae ko namakinna bwa ko na karaoia ni kaitiaka nanom?
-
Tera kakaewenako are e kaitarai Aberaam ibukin nanona ae itiaki? E kanga te Atua ni buokia?
-
Tera taeka man kiibu aikai ibukiia naake iai aia utu aika a aki tangira te raoiroi?
Taraa naba Mataio 7:7; “Deliverance of Abraham” (witeo), ChurchofJesusChrist.org; “Educate Your Desires, Elder Andersen Counsels” (ChurchofJesusChrist.org).
Antai ae reke irouna te berita nakon Aberaam?
Ngke e karaoa ana berita ae tabu te Uea ma Aberaam, E berita bwa te berita ae tabu aei e na reitinako nakoia kanoan Aberaam, ke “ana kariki,” ao bwa “naake a butimwaea te Euangkerio aei a na … warekaki bwa a na kariki” (Aberaam 2:10–11). Nanona bwa te berita nakon Aberaam e kauaeaki naba nakoia kaain te Ekaretia ni bong aikai, bwa ngaia bon kanoan ana kariki Aberaam ke a tabekaki nakon ana utu rinanon te bwabetito ao te rairaki nakon ana euangkerio Iesu Kristo (taraa I-Karatia 3:26–29; Reirei ao Berita aika Tabu 132:30–32). Ni warekaki bwa ana kariki Aberaam, te aomata e riai n ongotaeka nakon tuua ao otenanti n te euangkerio.
Karikani Bwaai 12:1–3; 13:15–16; 15:1–6; 17:1–8, 15–22; Aberaam 2:8–11
Te berita nakon Aberaam e kakabwaiaai ma au utu.
Ibukina bwa ni kabane kaain te Ekaretia e reke irouia te berita nakon Aberaam, ko kona ni kabanea tabeua am tai n iangoia bwa bukin tera e kakaawaki te berita ae tabu aei nakon maium. Korei am iango i aon titiraki aikai:
A kanga berita ake a kuneaki i nanon Aberaam 2:8–11 ni kakabwaiaai ma au utu? (taraa naba Karikani Bwaai 12:1–3; 13:15–16).
Tera ae I reiakinna iaon te berita nakon Aberaam mani Karikani Bwaai 15:1–6; 17:1–8, 15–22?
Tera ae I namakinna bwa N na karaoia ni kakoroa nanon te berita are “ni kabane te utu i aonaba a na kakabwaiaaki”? (Aberaam 2:11).
Ko kona n tarai tabeua kakabwaia i aonaba are a beritanaki nakon Aberaam ao Taara, n aron karekean te aba ni berita ao te riki bwa kaaro nakon te botanaomata ae korakora, n iai irekerekeia. Kanoan naba aei bon karekean te abanuea ae te teretio (taraa Reirei ao Berita aika Tabu 132:29) ao te mare ae akea tokina ao te kanoa ae akea tokina (taraa Reirei ao Berita aika Tabu 131:1–4; 132:20–24, 28–32). Bon “i nanon te tembora,” e reirei Beretitenti Russell M. Nelson, are “ti karekea ara kakabwaia are moan te kakawaki, bwa kanoan Aberaam, Itaaka, ao Iakobwa” (“The Gathering of Scattered Israel,” Riaona, Nobembwa. 2006, 80).
Taraa naba Ana Rairairi Iotebwa Timiti, Karikan Bwaai 15:9–12; 17:3–12 (in the Bible appendix); Bible Dictionary, “Abraham, covenant of”;“Iango aika Ana Ururungaki ao Ni Iangoaki Raoi: Te Berita ae Tabu,” inanon te boki aei.
Iango ibukin Kamatebwai ni Koroboki aika Tabu n te Utu ao te Bootaki n te Tairiki
-
Karikani Bwaai 13:5–12.Tera ae karaoia Aberaam ni karekea te rau n ana utu? Tao a kona kaain ami utu ni maiuakina te riki bwa te tia karekea te rau n aron Aberaam man taobaraan bobuaka are a kona n riki i nanon ami utu.
-
Karikani Bwai 13:16; 15:2–6; 17:15–19.Ko na kanga ni buokiia am utu n atai ana berita te Uea ni kiibu aikai—bwa e ngae ngke a tuai kariki Aberaam ao Taara, ma kanoaia e na mwaiti n aron mwaitin bubun te aba, itoi i karawa, ke tanon te aba? (taraa naba Karikani Bwaai 22:17). Tao ko kona ni kaota te turumwa n tano nakoia kaain am utu, tarai itoi, ke ni kabonga te tamnei are e raona te kamataata aei. Ti na kanga n onimakini ana berita te Atua ngkae a taraa n aki kona ni koro bukiia?
-
Karikani Bwaai 14:18–20.Tera ae ti reiakinna ibukin Merekitereka man Ana Rairairi Iotebwa Timiti, Karikan Bwaai 14:25–40? (inanon te Bible appendix; taraa naba Aramwa 13:13–19). Ti na kanga ni “[katea] ae raoiroi” n aron are karaoia Merekitereka? (kibu 36). Tera riki man ana mwakuri Merekitereka are e kaungaira?
Merekitereka e Kakabwaia Aberam., iroun Walter Rane
-
Karikani Bwaai 16.Warekan rongorongon Aka e kona n riki bwa te tai ni marooro bwa e kanga ni buokiira te Uea ngkana ti namakinna ae iai ae kairua nakoira. Ko kona n taekinna bwa “Itimaera” nanona “E ongo te Atua.” Nninga are ti namakinna iai bwa e ongo ao e buokiira te Uea ngkana iai ae kairua nakoira? (taraa Karikani Bwaai 16:11).
Ibukin riki iango ibukin reiakinaia ataei, taraa te kamataata n te wiiki aei i nanon Nakomai, Iriirai—Ibukin te Moanrinan.
Te anene ae tamaroa: “I Want to Live the Gospel,” Aia Boki n Anene Ataei, 148.
Kanakoraoan Ara Anga reirei
Tatauraoi ao Kukurei ni Kaekai Titiraki. Tabeua te tai n anga reirei ae tamaroa e moanaki n te titiraki ke te tabeaianga iroun temanna kaain te utu. Kaotia nakoia kaain am utu rinanon am taeka ma am mwakuri bwa ko tauraoi ni marooro ma ngaiia. (Taraa Reirei n Ana Kawai te Tia Kamaiu, 16.)
Ana berita te Atua bwa mwaitin kanoaia Aberaam ao Taara a na riki n aiaron “itoin karawa” (Karikani Bwaai 22:17). Iangoa Ana Berita te Atua, iroun Courtney Matz.