“Tianuare 31–Beberuare 6. Karikani Bwaai 6–11; Mote 8: ‘Noa e Karekea te Akoaki i Matan Iehova,’” Nakomai, Iriirai–Ibukiia Aomata n Tatabemaniia ao Utu: Te O Tetemanti 2022 (2021)
“Tianuare 31–Beberuare 6. Karikani Bwaai 6–11; Mote 8,” Nakomai, Iriirai–Ibukiia Aomata n Tatabemaniia ao Utu: Te O Tetemanti 2022
Tamnein Noa ngke e kitana te ake, iroun Sam Lawlor
Tianuare 31–Beberuare 6
Karikani Bwaai 6–11; Mote 8
“Ao Noa e Karekea te Akoaki i Matan Iehova”
Karaki man koroboki aika a tabu a kona n tabetai n reireiniira reirei n tamnei aika a mwaiti. Ngkai ko wareka rongorongon te Ieka are Korakora ao te Taua are Babera, kakai namakin n aron rongorongo aikai ake a kaineti nakoim.
Korea Am Namakin
Roro nako ake a wareka te Baibara a tia n anaaki nanoia ni karakinan Nooa ao te Ieka. Ma antai ae maiu ni boong aika kaitira ae e a tia ni katikaki nanona nakon te nano ae onoti. Ngke e reirei Iesu Kristo bwa tina kanga n taratara Kauaokina, E taku, “Ma n aron are n ana bong Noa, ai bon arona naba n rokon Natin te Aomata” (Iotebwa Timiti—Mataio 1:41). N reitaki ma anne, kibu ake a kabwarabwara ana bong Nooa, n aron “babakanikawai” ao “onrake n te iowawa,” e kona n rang beebete ni kabwarabwaraan ara tai (Karikani Bwaai 6:12–13; Mote 8:28). Karakinan te Taua are Babera e kona naba n rangi ni kaineti nakon ara bong, ma kabwarabwaraan te kainikatonga are rimwiaki n te nanououa ao te maenako mai buakoia natin te Atua.
Rongorongon rimoa aikai a tauraoi ibukina bwa a kaotia nakoira bwa te buakaka e okioki rinanon taai ake ngkoa. Ae kakaawaki riki, a reiakiniira te bwa ae ti riai ni karaoia ibukina. Noa “e karekea te akoaki i matan Iehova”f (Mote 8:27) n aki taraa te buakaka are e katobibiia. Ao ana utu Iareta ao tarina a rairaki nakon te Uea ao a kairaki nako man te buakaka mai Babera (taraa Ita 1:33–43). Ngkana ti kan ataia bwa tina kanga ni kawakiniira ao ara utu bwa tina mano n tain te babakanikawai ao te iowawa, te karaki are ti taneiai n ongo man mwakoro aikai e mwaiti ae kona n reireiniira.
Iango ibukin te Kamatebwai i bon Iroum ni Koroboki aika Tabu
Iai te kamanoaki n tamnei n iriiran ana burabeti te Uea.
Te kakaitau nakon te euangkerio are e kaokaki, ti atai aika a mwaiti n taekan Noa nakon are ti kona ni kunea inanon te O-Tetemanti. Ana rairairi Iotebwa Timiti ae kairaki ni Karikani Bwaai 6, e kuneaki n Mote 8, e kaotia bwa Noa bon ana burabeti ae korakora te Atua. E katabuaki ao e kanakoaki bwa e na tataekina ana euangkerio Iesu Kristo, e nakonako ao e taetae ma te Atua, ao e bon rineaki bwa e na manga kateia natin te Atua iaon te aba imwiin te Ieka (Taraa naba Teachings of Presidents of the Church: Joseph Smith [2007], 104, 201). Tera ae ko reiakinna irouia burabeti man te bwai are e rinanona Noa?
Ngkai ko wareka taekan ana bong Noa, ko kona naba n atai kabotauana n ara bong. Te katooto:
-
Mote 8:18, 20–21, 23–24 (totokoaia ana toro te Atua)
-
Mote 8:21 (rauaki ao te nano ni bwai)
-
Mote 8:22 (karioiango aika buakaka ao iango)
-
Mote 8:28 (babakanikawai ao te iowawa)
Tera ae a reirei taekana burabeti ibukin ana euangkerio Iesu Kristo are e kona ni kamanoko n te aonaaba ni boong aikai? Ngkai ko wareki bwaai ake e rinanona Noa, tera ae e kaunga nanom bwa kona iriia ana burabeti te Uea n te bong aei?
Taraa naba Motiaea 13:33; Reirei ao Berita aika Tabu 21:4–7.
Kanuringa ke kanikina a buokiira n uringa ara berita ma te Uea.
Berita aika a tabu n te euangkerio a kona n tei ibukina tiaina, kanikina, ke “kanikinaean” (Karikani Bwaai 9:12). Te katoto, iangoia bwa e kanga te kariki ao te ran n te toa ke te ran ni bwabetito ni uota te koaua ae tabu nakon am iango are e irekereke nakon am berita ae tabu. Ni kaineti ma Karikani Bwaai 9:8–17, tera ae e kona nei wirara ni karekea nakon am iango? Tera ae ko karekea n Ana Rairairi Iotebwa Timiti, Karikani Bwaai 9:21–25 (inanon te Bible appendix) are e ikotia ma are bon mataatam? Bukin tera te Uea e tangiria bwa kona ururingnga ao te berita ae tabu are ko a tia ni karaoia?
Taraa naba Gerrit W. Gong, “Uringnga n Tainako,” Riaona, Meei 2016, 108–11.
Ti te kawai are kona karekei iai bwaai mai karawa bon iriiran Iesu Kristo.
Babera are ngkoa, ke Baburon, e a tia ni kaman kabonganaaki ibukin te buakaka ao te nanoni bwai (taraa Kaotioti 18:1–10; Reirei ao Berita aika Tabu 133:14). Ngkai ko kamatebwaia Karikani Bwaai 11:1–9, iangoi taratara ake a katauraoaki iroun te burabeti are Moomon, are e koreia bwa Tatan “ngaia naba are e karekea inanoia aomata bwa a katea te taua ae tau rietana bwa a na nako karawa” (Ereman 6:28; Taraa naba kibu 26–27). Tera te kauring are e taekinaki ni karakinan te Taua are Babera ae karekea ibukim?
Taraa naba Taian Areru 127:1.
Kamataataan te Taua are Babera, iroun David Green
Iango ibukin Kamatebwai ni Koroboki aika Tabu n te Utu ao te Bootaki n te Tairiki
-
Karikani Bwaai 6–8.Kona kanga nin kona ni kabongana karakinan ana ake Nooa n reireiniia am utu n aron iriirakin te burabeti ni kona ni kawakini maiura n tamnei bwa a na mano? (taraa “Noah and His Family,” n Karaki man te O Tetemanti). Tao a kona am utu n ikotaki ni mwakuri ni katea te kaibuke n takakaro ae beebete man te beebwa ke buraoki. Ngkai ko wareka Karikani Bwaai 6–7, kok kona ni kabotaua te kamanoaki are e reke n te booti nakon te kamanoaki are ko karekea n iriirakin te burabeti. Ko kona naba ni maroroakin aia reirei burabeti aika tibwa ngkai ao ni korei ana taeka n reirei iaon am booti.
Tera riki ae e a tia n anganiira te Atua ae kona ni kabotauaki ma te ake are e kamanaoia ana utu Noa? Booki aikai a kaoti tabeua kaeka, e ngae ngke a mwaiti riki irarikina: 2 Nibwaai 9:7–13; Reirei ao Berita aika Tabu 115:5–6; ao ana rongorongo Beretitenti Russell M. Nelson’ “Becoming Exemplary Latter-day Saints” (Riaona, Nov. 2018, 113–14).
-
Mote 8:17.Tera ae e nanonaki bwa Tamnein te Uea e na “maeka” iroura? (taraa 1 Nibwaai 7:14; Reirei ao Berita aika Tabu 1:33). Nningai ae ti a tia n taneiai n te Tamnei ni maeka inanora?
-
Karikani Bwaai 9:8–17.Ataei aika uarereke a bae n tangiria ni korei tamnei ke ni karana nei wirara ngkai ko taekina te bwai are e tei ibukina (taraa naba Ana Rairairi Iotebwa Timiti, Karikan Bwai 9:21–25 [in the Bible appendix]). Ko kona naba ni maroroakin bwaai ake a buokiira n uringa ara berita, n aron te toa, are e buokiira n uringa ara berita n te bwabetito bwa tina iriira Iesu Kristo (taraa Reirei ao Berita aika Tabu 20:75–79).
-
Karikani Bwaai 11:1–9.E kona n ibuoboki warekan Ita 1:33–43 ngkai am utu a kamatebwaia Karikani Bwaai 11 ao n reirei taekan Tauan Babera. Tera ae ko reiakinna man ana utu Iareta ao tarina are e kona ni buokiia am utu ni karekea te kamanoaki n tamnei n aki tabe ma buakakan te aonaaba? Tera rakan reirei aika ko reiakin mairoun Noa ao ana utu ngkai a kaitara ma kakaewenako ae aekakin anne? (taraa Mote 8:13, 16–30).
Ibukin riki iango ibukin reiakinaia ataei, taraa te kamataata n te wiiki aei inanon Nakomai, Iriirai—Ibukin te Moanrinan.
Kuna ae rineaki: “Follow the Prophet,” Children’s Songbook, 110–11 (kibu 3).
Kanakoraoan Am Kamatebwai
Tibwai am iango. Ngkana ko tibwa te bwai ae ko reiakinna man koroboki aika a tabu, ko aki tii kakabwaiaia tabeman ma ko kakorakora riki otam. Tera ae ko namakinna ni kaungaki bwa kona tibwaia man koroboki aika a tabu ma am utu, raoraom, ke kain am uoote?
Tamnein ana Ake Noa, iroun Adam Klint Day