Kamataata n Tamnein Aberaam ao Tarai, iroun Dilleen Marsh

Beberuare 7–13

Karikani Bwaai 12–17; Aberaam 1–2

“N na Riki ba Te Tia Iriira ae Raoiroi ae Korakora Riki

Uringa bwa e aki riai—ke ni kona ni karaoaki—ni katiai bwaai ni kabane inanon te kamataata aei. Kariaia te Tamnei bwa e na kairiko nakon reirei ao waaki ni kakukurei ake a na rangin ni uaana nakoia ataei aika ko reireiniia.

Korei Am Namakin

Kaunga te Tibwatibwa

Aia utu ataei aika ko reireiniia a kaoaki bwa ana reirei taekan Aberaam ao Tarai n te wiiki ae nako aei. Anganiia ataei aia tai bwa ana tibwaua te bwai ae ataia iroun Aberaam ke Tarai.

Reirei te Reirei: Ataei aika a Uarereke

Aberaam 1:18; 2:8

E kona Iesu Kristo ni kairiira ma te akoi ao te tangira.

E tangiriira Aberaam bwa ti na raoiroi e ngae ngke a buakaka kaain aia utu. E taku te Uea nakoina, “Na kairiko ni baiu” (Aberaam 1:18). N aron are e berita te Atua bwa e na buoka Aberaam, E kona ni kairiia ataei aika ko reireiniia ngkana a tangiria bwa a na rinea te eti.

Waaki ni Kakukurei aika Kona ni Karaoaki

• Wareare nakoia ataei Aberaam 1:18 ao 2:8, ao kaoia ataei bwa a na kakauongo ibukin mwakoron te rabwata are e taekinaki inanon kiibu ake uoua. E kanga te namakin ngkana e kairiira Iesu Kristo ni baina ke ni karika baina bwa E na kamanoira? Kakoaua bwa e kairiira Iesu man kairakira rinanon Tamneina.

• Kabongana “Aberaam ao Tarai” (inanon Karaki n Te O Tetemanti) ni buokiia ataei bwa ana ataia ae aomata irarikin Aberaam a karaoi bwaai aika buakaka, ma Aberaam e tangiria ni karaoa te bwai ae eti ao te Uea e buokia. E kanga Tamara are i Karawa ao Iesu Kristo ni buokiira ngkana ti kataia n rinea te eti? Anenea te anene ae kaeineti nakon te reirei aei, n aron “Teach Me to Walk in the Light” (Aia Boki n Anene Ataei, 177).

• Kaoti tabeua tamnein te Tia Kamaiu (taraa Gospel Art Book, nambwa. 38, 39, 40, ao 41), ao buokiia ataei bwa ana noori bwaai ake E karaoi ni Baina. Tera ae ti kona ni karaoi ni baira ni buokiia tabeman?

Karikani Bwaai 13:5–12

I kona n riki bwa te tia raoi.

Ngke ana taan kawakin man Aberaam ao ana taan kawakin man Rota aki boraoi n iango iaon abaia ni mari, Aberaam e karekea katokana are e karekea te rau. Ko kona ni kabongana te katooto aei ni kaungaia ataei bwa ana riki bwa taan karika te rau.

Waaki ni Kakukurei aika Kona ni Karaoaki

• Tibwauaia ma ataei te karaki man Karikani Bwaai 13:5–12, ao kaoia bwa ana katea kaina. Tuangiia ataei bwa ana karekea aia tai temanna imwiin temanna n riki bwa aongkoa Aberaam, ai natina te mwaane Rota, ao te tia kawakin man. Kataui kawai aika a kona iai n irii ana katooto Aberaam n riki bwa te tia karika te rau, n aron karekean aia tai temanna imwiin temanna ma te taore ngkana a takakaro ma raoraoia. Kaoia bwa ana katea kain banna ni katooto aikai.

• Wareka Mataio 5:9, ao kabwarabwara bwa e tangiriira Iesu bwa ti na riki bwa taan karekea te raoi. Buokiia ataei n iangoa te bwai ae a kona ni karaoia n riki bwa taan karaoa te raoi ni mwengaia ke ma raoraoia. Kaoiia bwa a na korei tamneia ngke a riki bwa taan karika te raoi. Tuangiia ataei bwa a na tibwaua aron aia namakin ngke a riki bwa taan karika te raoi n aron Iesu Kristo.

Karikani Bwaai 15:1–6; 17:1–8; Aberaam 2:9–11

E kakawaki bwa n na kawakina au berita.

Kamatebwaiakan te berita are e karaoia te Atua ma Aberaam ao Tarai e kona ni buokiia ataei n ataia bwa tera nanon ni kawakin berita. E kona naba ni buokiia ni katauraoia ni karaoi ao ni kawakin berita.

Waaki ni Kakukurei aika Kona ni Karaoaki

• Titirakiniia ataei ngkana ataia bwa tera te berita ke te berita ae tabu. Kaoia bwa ana tibwauai aia taneiai ngke a karaoa te berita ke temanna e karaoa te berita nakoia. Ngkana e ibuobuoki, tibwauai tabeua am katooto. Buokiia ataei n ataia bwa a berita Aberaam ao Tarai bwa ana karinea te Atua. Rinei tabeua kibu n taeka man Karikani Bwaai 15:1–6; 17:1–8; Aberaam 2:9–11 n tibwauai tabeua kakabwaia ae beritan te Atua nakoia. Aikai a kona n raonaki ma “Tai maku, Aberam: ba otangam Ngai,” “Ko na riki ba tamaia botanaomata aika bati,” ke “A na bane utun te aonaba ni kabane [ni] kabwaia.”

• Tera berita aika bebete aika a kona ni karaoi ataei ao ni kateimatoai n tain te kiraati? Ibukin te katooto, tuangiia bwa ana berita n tiku n aia kaintekaeka tabeua te miniti ke ni kaokii aia kaintekateka ni banen te kiraati. Tibwauaia mangaia te tai ngke ko karaoa te berita ao ni kawakinna, ao kaoia bwa a na tibwauai aia taneiai aika a tia ni karekei. Buokiia ni kaotaia bwa ana karaoi berita ma Tamara are i Karawa ngkana a bwabetitoaki ao ngkana a nakon te tembora.

Reirei te Reirei: Ataei aika a Ikawai Riki

Aberaam 1:12–17

Tamara are i Karawa e ongo ao e kaekai au tataro.

Ngkana e a reke n te kaangaanga maiun Aberaam, e tataro nakon te Atua ao e kamaiuaki. Ataei aika ko reireiniia ana bae n iai oin aia taneiai ma te tataro ae a kona n tibwauaia.

Waaki ni Kakukurei aika Kona ni Karaoaki

• Katea tamnein An Angel Saves Aberaam (ChurchofJesusChrist.org), ao kaoia ataei bwa ana tibwaua te bwai ae ataia n te karaki are e kabwarabwara, e kuneaki n Aberaam 1:12, 15–17. Tuangiia ataei bwa ana wareki kiibu aikai ao n tibwauai bwaai aika a reiakin n taekan te tataro.

• Kaoia ataei bwa ana tibwaua aia taneiai ngke e kaekai aia tataro Tamara are i Karawa, ao n tibwa teuana ooin am taneiai.

Karikani Bwaai 13:5–12

I kona n riki bwa te tia raoi.

Ti bane ni kaitara ma kangaanga are e kaririira bwa ti na riki n un ao ni kakauntaeka. Iangoia bwa e kanga karakinan Aberaam ao Rota ni kona ni buokiia ataei n riki bwa taan karika te rau n aekan kaangaanga aikanne.

Waaki ni Kakukurei aika Kona ni Karaoaki

• Korea Mein Karaekita, Karaoana, Kangaanga, ao Katokana iaon te burakibooti. Kaoia ataei bwa ana wareka Karikani Bwaai 13:5–12 ao kinai mwakoron te karaki aika a koreaki iaon te burakibooti. Buokiia ataei n iangoi kangaanga ngke a kona n riki bwa taan karika te rau, n aron ae ngke temanna e kauntaeka ke e kataia n un. Ngkanne kaoia bwa ana katea kaina bwa ana kanga n riki bwa taan karika te rau n taian kaangaanga aikanne.

• Buokiia ataei ni kakaei atuun reirei “Rau” ao “Taan Karika te Rau” inanon te Kairi nakon Koroboki aika Tabu (scriptures.ChurchofJesusChrist.org). Kaoia ataei n tatabemaniia nako bwa ana rinea te kibu iaon taekan te rau ao tibwaua te bwai ae e a tia n reiakinna ma te kiraati teuanne ke neienne. Buokiia bwa ana iangoi tabeua ana katooto te Tia Kamaiu n riki bwa te tia karaunano, n aron ae n Ruka 22:50–51. Ti na kanga ni kona ni ira Ana katooto?

  

  Ana Rinerine Rota, © Providence Collection/licensed from goodsalt.com

Karikani Bwaai 17:1–8; Aberaam 2:8–11

I kona ni kawakina au berita aika i karaoi ma Tamara are i Karawa.

Reireinakiia ataei iaon taekan te berita ae karaoia te Atua ma Aberaam ao Tarai e kona ni buokiia n iangoi taekan aia berita.

Waaki ni Kakukurei aika Kona ni Karaoaki

• Kaoia ataei bwa ana wareka Karikani Bwaai 17:1–8 ao Aberaam 2:8–11 ao koroi uoua karinaniia: tera ae tuangaki Aberaam bwa e na karaoia ao tera ae berita te Uea bwa e na karekea. Tera ae ti reiakinna ibukin te Uea man kiibu aikai?

• Kaota tamnein temanna are e a bwabetitoaki (taraa Gospel Art Book, nambwa 103, 104). Tuangiia ataei bwa ana koroi ni karinani berita aika e karaoi te aomata ngke e bwabetitoaki ao berita aika e karaoi te Atua bwa ana karekei. Baireia bwa ana wareware inanon Motiaea 18:10; Reirei ao Berita aika Tabu 20:37, 77, 79 ataei ibukin buokaia. Tera ae ti kona ni karaoia ni kawakin berita aika ti karaoi ngke ti bwabetitoaki?

Kaungaa te Kamatebwai n te Mweenga

Kanakoa te taeka nakon te mweenga ma ataei ni kaungaia kaain aia utu bwa ana ataia ngke ataei a tia n riki bwa taan karaoa te rau, kawakin berita, ke karaoan te bwai teuana aika ko taekin n te kiraati.

Kanakoraoan Ara Anga reirei

A rangi ni kakaonimaki ataei. N taai ake e taraa ni kaangaanga nanoia ataei ni waaki ao n tekateka n te tai ae maan e kakea nanoia man te reirei, ma ko kona ni kabongana korakoraia bwa iteran aia kamatebwai. Kaoia bwa ana karaoa te karaki n te kaotioti ke katei kaia ae nako ma taekan te anene ke te boki ae tabu. (Taraa Anga reirei n Ana Kawai te Tia Kamaiu, 25–26.)