Tamnein Rebekah, iroun Dilleen Marsh

Beberuare 21–27

Karikani Bwaai 24–27

E a Tia ni Kabouaki Te Berita

Ngkana ko wareka Karikani Bwaai 24–27 ao ni katauraoi nakon te angareirei, iangoia ataei n am kiraati. Tera ae a kainanoia n reiakinna? Tera mai ibuakon waaki ni kakukurei aikai aika a na uaana nakoia? Ni boboto iaon kainnanoia, ko kona ni kabonganai aekan waaki ni kakukurei aika karinaki ikai ke ake a kuneaki inanon Nakomai, Iriirai—Ibukiia Aomata n Tatabemaniia ao Utu.

Korei Am Namakin

Kaunga te Tibwatibwa

Iaan aia kaintekateka ataei n tatabemaniia, katuka te titiraki iaon taekan te bwai ae riki ke te reirei inanon Karikani Bwaai 24–27. Tuangiia ataei bwa a na kaekai titiraki ngkana a kona, ke kaoia bwa ana kakauongo ibukin kaekaaia n tain te reirei.

Reirei te Reirei: Ataei aika a Uarereke

Karikani Bwaai 24:10–21

I kona n akoi nakoia tabeman.

Ana toro Aberaam e anaaki nanoia ma te akoi ae kamimi are e kaotia Rebeka nakoina man anganakina te ran tiaki ti nakoina ma nakoia naba ana kamero aika 10. E kona n riki a na katooto bwa te kauring ibukiia ataei ni bwabwaina te tangira nakoia tabeman.

Te mwanibwa i Bwatetebwa ngkoa, ike Aberaam ao Itaaka a kenii mwanibwa.

Waaki ni Kakukurei aika Kona ni Karaoaki

• Kaota tamnein Rebeka n te iteraniba ibukin waaki ni kakukurei n te wiiki aei . Iangoi raoi kamataata n te tamnei aei ngkana ko koroia ni kakimototoa te karaki n Karikani Bwaai 24:10–21, are e kaota iai a na akoi Rebeka nakon ana toro Aberaam. Kaotia bwa ana taeka ao ana mwakuri n akoi bon kanikinaean ae Rebeka bon ngaia are e tangiria te Atua bwa e na mare ma natin Aberaam te mwaane Itaaka. Kaoia ataei bwa ana riki bwa aongkoa te toro ae roko ma ana kamero ke Rebeka n itiran ibukia. Anganiia kibu n taeka ae ana taekin man booki aika tabu, n aron “I butiko … kamai teutana te ran” (kibu 17) ao “N na roaa te ran ba nimaia naba am kamero” (kibu 19). Bukin tera e kakawaki ibukira bwa ti na bwaina te akoi nakoia tabeman?

• Karakinna bwa e kanga te Tia Kamaiu ni kaota te akoi nakon temanna. Kaoia tabeman ataei bwa a na tibwauai oin aia taneiai ni kaotan te akoi.

• Bairei tabeua kawai aika e kona iai te ataei ni kaota te akoi, n aron te takakaro ma raoraona ke ni kaitibo ma temanna ae boou n te reirei. Tuangiia ataei te bwai ae a na kona ni karaoia n akoi inanon kabwarabwara aikai.

• Aneneia ma ataei te anene iaon taekan te akoi, n aron “Kindness Begins with Me” ke “I’m Trying to Be like Jesus” (Aia Boki n Anene Ataei, 145, 78–79). Kaoia ataei bwa a na kakauongo nakon te taeka “akoi” (ke te taeka ae ti tebo ma aei) ao n teirake ngkana a ongo. Ti na kanga ni kaota te akoi nakoia tabeman? Te iteraniba ibukin waaki ni kakukurei n te wiiki aei e kona n ibuobuoki ma te marooro aei.

Taraa Karikani B’ai 25:29–34

I kona n rinei bwaai aika a rangin ni kakawaki.

Bukina bwa te kabanea n ikawai Etau mai ibuakoia ana utu, e kantaningaaki bwa e na karekei tabena ao kakabwaia aika onoti, ae atongaki bwa karineana ni karimoa. N te bong teuana ngke e baki Etau, e kaboa nako karineana ni karimoa nakon tarina, Iakobwa, ibukin amwarake tabeua. Te reirei aei e kona n reireiniia ataei ae ti riai n rinei bwaai aika teimaan iaon bwaai aika kakukurei aika aki teimaan.

Waaki ni Kakukurei aika Kona ni Karaoaki

• Uoti nakon te kiraati bwaai ake a kona ni buokia ni karakina karakinan Etau ngke e kaboanako karineana ni karimoa, n aron te boora ao tamnein te manna ae karekea te kakabwaia n te nakoanibonga. Kaoia ataei bwa ana kabonganai bwaai ngke a tuangako bwa tera ae ataia n te karaki. “Iakobwa ao Etau” (ni Karaki man te O Tetemanti) e kona n ibuobuoki. Bootaki ni wareka Karikani Bwaai 25:34, ao kabwarabwara bwa antai are iai irouna karineana ni karimoa e na karekea te kaniwanga ao te katabeaki n tabeakiniia ana utu.

• Kaotia nakoia ataei uoua tamnei, teuana ae korakora iai kakawakin te tamnei (n aron te tembora) ao are e uota te kukurei ae aki teimaan (n aron te takakaro, te taore, ke te bwai ni kakukurei). Titirakiniia bwa ana rinea te bwai ae e na buokiira riki n oki nakon Tamara are i Karawa. Kaokiokia ma tamnei ake tabeua.

• Anenea te kuna iaon karaoakin rinerine aika raraoi, n aron “Choose the Right Way” (Aia Boki n Anene Ataei, 160–61) ma ataei. Teakinna ni kakoaua bwa ti kakabwaiakaki ao ni kukurei ngkana ti rinea te eti.

Reirei te Reirei: Ataei aika a Ikawai Riki

Karikani Bwaai 24:1–28

N na kakabwaiakaki ngakana I mwakuri ma te onimaki ao ni kaota te akoi nakoia tabeman.

Ana toro Aberaam a kaota te onimaki man onimakinan ana kairi te Atua ni kakaea buun Itaaka. Rebeka e kaota te akoi n aron are e karaoia nakon ana toro Aberaam. Ko na kanga ni kona ni buokiia ataei ake ko reireiniia bwa ana irii ana katooto ana toro Aberaam ao Rebeka?

Waaki ni Kakukurei aika Kona ni Karaoaki

• Wareka Karikani Bwaai 24:1–28 ni kabane, ao buokiia ataei ni kinai katooto n te onimaki ao te akoi (taraa, te katooto, kiibu 12–14 ao 17–20). A kanga ana toro Aberaam ao Rebeka ni kakabwaiaaki man kaotakin te onimaki ao te akoi? Koroia iaon te burakibooti Ti kona ni kaota te onimaki man … ao Ti kona ni kaota te akoi man … , ao kaoia ataei bwa ana bairei kawai ni katabwanin tiententi aikai.

• Iaon mwakoro ni beeba, koroi bwaai aika e taekin ana toro Aberaam ke e karaoi ao bwaai aika e taekin Rebeka ke e karaoi inanon Karikani Bwaai 24:1–28. Kaoa te ataei nakoia n tatabemaniia nako bwa ana rinea te mwakoro ni beeba ao uaia ni mwakuri ni ketinna bwa antai ae atong ke ni karaoi bwaai aikai (a kona n nakon booki aika tabu ngkana a kainnanoa te ibuobuoki). Tera ae e reireinira te karaki aei iaon taekan te akoi? Tera ae e reireinira n taekan te onimaki? Katooto riki tabeua iaon te akoi ao te onimaki a kuneaki n Karikani Bwaai 24:29–33, 58–61.

• Kaoia ataei bwa ana iangoa te mwakuri n akoi ae a tia n noria. Kaoia bwa ana koreia ao n tibwauaia ma kaain te kiraati ke ma aia utu ni mwengaia. E kanga aron ara namakin ngkana iai ae akoi nakoira?

Karikani Bwaai 25:21–34

N na rangin ni butimwaai riki bwaai aika akea tokiia irarikin bwain te aonaaba aei.

E rineia Etau bwa e na kaboa nako te bwai ae bobuaka, karineana ni karimoa, ibukin te bwai ae uarereke boona, tabeua te kariki ao te boora n tuubu. Ngkana ko wareki kiibu aikai, iangoia bwa ko na kanga ni buokiia ataei ni moanibwai bwaai aika a kakawaki aika akea tokiia.

Waaki ni Kakukurei aika Kona ni Karaoaki

• Bootaki ni wareka karakinan Iakobwa ao Etau n Karikani Bwaai 25:21–34. Ngkana ko wareware, kaoia ataei n tatabemaniia nako bwa ana rinea te bwai ae a na koroia man te karaki. Ngkanne kaoia bwa ana kabongai aia tamnei ni karakina te karaki n oin aia karaki. Ngkana a kainnanoa te ibuobuoki ni kaotaia bwa tera ae nanonaki ni karineana ni karimoa, kaungaia bwa ana wareka “Karineana ni Karimoa” n Kairi nakon Koroboki aika Tabu (ChurchofJesusChrist.org). Kaoia ataei bwa ana iangoa te bwai are e bubuti iai Etau ibukin ara kaetieti bwa e riai ni kaboa nako karineana ni karimoa ibukin te amwarake ae uraura; tera ae ti na taekinna nakoina?

• Karakina te tai ngke ko na anga te bwai ae raoiroi ibukin te bwai teuana ae e kakawaki riki. Ke kaota te witeo “Continue in Patience” (ChurchofJesusChrist.org). E kanga am karaki ke te karaki n te witeo n irekereke ma te rinerine are karaoia Etau n Karikani Bwaai 25:29–34? Kaoia ataei bwa ana iangoi kakabwaia are e tangiria Tamara are i Karawa bwa e na anganiia (n aron te koaua ae korakora riki, kakabwaia n te tembora, ke te maiu are akea tokina ma Ngaia). Kaungaia bwa ana iangoi bwaai aika a na kukurei n anga bwa aia karea bwa aonga ni karekei kakabwaia aika kakawaki aikai.

Kaungaa te Kamatebwai n te Mweenga

Kaoia ataei bwa ana iangoa te kouru ae a kona ni kateia ibukiia ibukin te reirei are a tia ni reiakinna n te Moanrinan n te bong aei. Te katooto, a kona ni katea te kouru bwa a na bwaina te akoi nakoia tabeman ni mwengaia.

Kanakoraoan Ara Angareirei

Ataei a tatangiria n tibwauai bwaai ake a reiakin. E ngae ngke a tabe n rikirake, ataei a kona ni kakorakoraia kain aia utu. Kaungaia bwa a na tibwauaia ma kaain aia utu bwaai ake a reiakin n te Moanrinan. (Taraa Reirei n Ana Kawai te Tia Kamaiu, 30.)