Whither Thou Goest(Ike Ko Nako Iai), iroun Sandy Freckleton Gagon

Tuun 6–12

Ruta; 1 Tamuera 1–3

“E Kakatonga Nanou Iroun Iehova”

E kakaawaki bwa kona tauraoi n angareirei, ma kakoaua bwa am babaire n raonaki ma anganakiia kain am kiraati aia tai n tibwa te bwai are a reiakinna.

Korei Am Namakin

Kaunga te Tibwatibwa

Ni kaungaia kain te kiraati n tibwa te bwai are a reiakinna n te wiiki aei, ko kona ni kaoiia bwa a na koreia iaon te burakibooti te taeka ke te kibuntaeka man Ruta 1–4 ke 1 Tamuera 1–3 are e kaungai nanoia n tain aia kamatebwai i bon irouia ke n utu. Wareki tabeua ni kabaibati, tuangiia kain am kiraati bwa a na tibwai taeka aikai ao kibuntaeka ake a kaungai nanoia.

Reirei te Reirei

Ruta; 1 Tamuera 1–2

Kristo e kona ni bitii kangaanga nakon tokanikai.

• E ngae ngke kain am kiraati a kona n iai aia kangaanga ibon irouia ake a kaokoro ma ake iroun Ruta ao Anna, a kona n reiakinaki man kawai ake a kaeka iai aine aika kakaonimaki aikai nakon te kabua ao marakinnano. Ni buokiia ni karaoa aei, ko kona n tibwatibwa te kiraati inanon kurubu aika a uarereke ao ni kaoiia kurubu nako bwa a na wareka te mwakoro man Ruta 1–4 ke 1 Tamuera 1. Iaon te burakibooti, ko kona ni korei titiraki n aron aikai: Tera kangaanga ake a rinanona Ruta ao Anna? A kanga ni kaota aia onimaki iroun te Uea n tain aia kangaanga? Te kurubu a kona n taratarai kaeka nakon teuana te titiraki ke e mwaiti ao n tibwa te bwai are a kunea. Tera ae ti reiakinna man karaki aikai iaon aron te Uea ni kona ni buokiira inanon ara kangaanga?

  

  For This Child I Prayed(Ibukin te Teei Aei I Tataro), iroun Elspeth Young

• Tiaki ni kabane ake a tataro ibukin te nati a karekea temanna, ao akea te buu ae mate ae manga iein. Ma ara kangaanga i bon iroura, n aki taraia bwa tera, a kona n riki bwa tibwanga n rairaki nakon te Tia Kamaiu ao kakorakoran ara onimaki irouna. Kona bae n tuangiia kain am kiraati bwa a na wareka Ruta 2:11–12 ao 1 Tamuera 1:9–11 ao ni maroroakina aron Ruta ao Anna aia kangaanga ni roota reitakiia ma te Uea. Kain te kiraati a kona naba n tibwa aron aia onimaki ni kakorakoraaki ibukina bwa a rairaki nakon Iesu Kristo inanon aia tai n rawawata.

  Ni boutokaan te marooro aei, ko kona ni kaoa temanna ke e raka riki kain te kiraati bwa a na roko n tauraoi n tibwai aia iango man aikai: Ana rongorongo Titita Reyna I. Aburto “Rinanon te Nang ao Otantaai, Te Uea Tiiku Irou!” (Riaona, Nobembwa 2019, 57–60); te mwakoro ae atunaki “Kimwareirein te Tokanikai Rinanon Kristo” rongorongo mairoun Unimwaane D. Todd Christofferson “Te Kimwareirei are e Reke Irouia Aika Itiaki” (Riaona, Nobembwa 2019, 16–17); ke ana taeka Beretitenti Elaine S. Dalton n “Bwaai ni Ibuobuoki riki Tabeua.” Tuangiia kain te kiraati bwa a na tibwa te bwai are a tia n reiakinna iaon e kanga kataakira ni kona n riki bwa te tibwanga ibukin te onimaki ae korakora riki iroun Iesu Kristo.

1 Tamuera 2:18–36; 3

Ti riai n ongora ao n ongotaeka nakon bwanaan te Uea.

• A na kona n iai aomata n am kiraati aika, ai aron Tamuera, a tia n ongo bwanaan te Uea ma aki kina ae bwanaana. Kona bae ni kaoiia kain te kiraati bwa a na rinanon 1 Tamuera 3, n taratarai bwaai ake e karaoi Tamuera ake a kona ni buokiira n ara kekeiaki n ongo ao n ongotaeka nakon bwanaan te Uea. Kona bae n tuangiia uoman kain am kiraati bwa a na karaoa aron aia reitaki Tamuera ao Eri.

• N tabetai ti kunei arora n riki n ai aron Eri—ti karekea te tai ni buoka temanna ni kina bwanaan te Uea. Tao kain te kiraati a kona n tibwaia bwa a kanga n tia ni karaoia aei ibukiia raraoia, kain aia utu, ke tabeman. Tera kibu ke taneiai ae ti a tia n tibwai ni buokiia tabeman n ota n aron te Uea n reitaki ma ngaira? (taraa, ibukin te katooto, Reirei ao Berita aika Tabu 6:22–23; 8:2–3; 9:7–9).

Bwaai n Ibuobuoki Riki Tabeua

Ti aki kona ni maroa.

Beretitenti Elaine S. Dalton e reirei:

“Te mwananga n te maiu aei n tabetai e kairiira nakon kawai aika aki kantaningaki. Iai kawai aika kaminomino ao kabwake inanon maiura are akea ae e kona ni kantaningai. Ma ni katoai kaminomino ao kabwake iai naba te tibwanga—tibwanga n rinei ara kaeka ao ara baire n te mwakuri. Kangaanga n te maiu a kona n riki bwa tibwanga ni buokiira ni kaniira riki nakon te Tia Kamaiu ao n onimakinna n ae bwanin riki. Ni karaoan te maiu ni kaan riki nakoIna ni katoabong, ti karikirakei arora ao anua n ai aron Kristo. …

“N ai aron Ruta ao Anna, ngaira ni kabane ti bane n rinanon kakaitara. Ti kona n aki ota n tainako n ana baire te Uea ibukin maiura, ma bon au kakoaua bwa ti bon aki kona ni maroa. E memena irarikira n taainako, ao E berita nakoira, Kam aki kona n nooria ni matami, n te tai aio, ana baire Atuami ni kaineti ma bwaai akekei ake a na riki n taai aika a na roko, ao te mimitong are e na rimwiin karawawata aika a mwaiti.’ [Reirei ao Berita aika Tabu 58:3]” (“Lessons from Ruth and Hannah,” Ensign, Eberi. 2006, 35, 37).

Taraa naba Ioane 14:18; Aramwa 38:5.

Kanakoraoan Ara Anga Reirei

E Raoiroi ngkana ko kangai, “I aki ataia.” Ngkai ko riai ni karaoa am kabanea ni konaa ni kaekai titiraki ake a titiraki iai e aki kantaningaia te Uea bwa ko na atai bwai ni kabane. Ngkana ko aki ataa aron kaekaan te bwai teuana, kariaia bwa ao kaota am kakoaua n te bwai are ko ataia. (Taraa 1 Nibwaai 11:16–17; Teaching in the Savior’s Way, 24.)