Tamnei ni kabwarabwaraan Tebora ngke e kairiia ana taanga ni buaka Iteraera, © Lifeway Collection/licensed from goodsalt.com

Meei 30–Tuun 5

Tani Motiki Taeka 2–4; 6–8; 13–16

“Iehova E Kateirakea Aia Tia Kamaiu”

Uringna bwa te tia reirei ae moan te kakaawaki bon te Tamnei ae Raoiroi. Kona kanga ni buokiia kain am kiraati bwa a na reireinaki iroun te Tamnei ae Raoiroi ngkai ko maroroakina koauan ana boki Tani Motiki Taeka?

Korei Am Namakin

Kaunga te Tibwatibwa

Koreia iaon te burakibooti araia tabeman taan motiki taeka ake a kuneaki n Tani Motiki Taeka 2–4; 6–8; 13–16 (n aron Tebora, Baraka, Kiteon, ao Tamton). Anganiia kain te kiraati tabeua te miniti n rinanon mwakoro aikai ao koreia iaan teuana te ara iaon te burakibooti te koaua are a reiakinna man te bwai are e rinanona te aomata anne.

Reirei te Reirei

Tan Miotiki Taeka 2:11–19; 3:5–12; 4:1–16

Te Uea e anga te kamaiu ngke ti katoki karaoan bwaai are tuangiira te Uea.

• Kamatebwaian aia reita ni maiu ni karaoan ae buakaka, rawawata, rairannano, ao ni kamaiuaki e kona ni buokiia kain te kiraati n ata mwaakan te Atua ni kamaiuia inanon maiuia. Kain te kiraati a kona ni mwakuri inanon kurubu aika uarereke ni kakaai kamronron ake a kabwarabwaraaki inanon Tani Motiki Taeka 2:11–19; 3:5–12. A kanga natin Iteraera ni kamaiuaki man kaokiokan karaoan te bure ao te rawawata? Tera ae ti reiakinna man aia boki Taan Moti iaon arora ni kona ni birinako man te bure ao te rawawata? Tera tabeua kawai are e kamaiura iai te Atua? Ko kona naba ni kaoiia kain te kiraati bwa a na kakaea ao n tibwai kiibu ake a kakoaua iroun te Uea bwa ara Tia Kamaiu ao te Tia Kabooira (te katooto, 2 Tamuera 22:1–3; Taian Areru 40:16–17; 1 Nibwaai 1:19–20; Motiaea 23:21–23; Reirei ao Berita aika Tabu 138:23).

• Tani Motiki Taeka 2:19 e koreia bwa kain Iteraera a okioki tannakoia mairoun te Atua nakon taromaurian boua. Tao kain te kiraati a kona ni kakimototoa te kibu aei ni katea te kauring i bon ibukiia. N aro raa are n tabetai ti “bobaraaki” nakon “atua tabeua”? E na kanga te Uea ni buokiira ni bitiira “n arora ni matoatoa”?

• Ni moana te marooro ibukin Tebora ao Baraka ni kainaomatakiia kain Iteraera mairouia kain Kanaan, ko kona n tuangiia kain te kiraati bwa a na kakimototoa te karaki ibukin te kiraati (e kona n ibuobuoki te reitaki nakoia kain te kiraati tabeua te bong imwaina bwa e aonga teuanne ke neienne ni kona ni katauraoi). Te kiraati a kona ni maroroakin anuan Tebora are e katekenano nakoia. E kanga Tebora ni kaungaia natin Iteraera bwa a iriira te Uea? Tao ko kona ni warekia n ikotaki Tani Motiki Taeka 4:14 ao ni maroroakina ana katanoata ni kakaonimaki Tebora: “Tiaki e nako n rimoam Iehova” E kanga te Uea n nako n rimoara? (tara naba Reirei ao Berita aika a Tabu 84:87-88).

Tani Motiki Taeka 6–8

Te Uea e kona ni karaoi kakai ngkana ti onimakina Ana kawai.

• Kamatebwaian wetean Kiteon ni beku e kona ni kaungaia kain te kiraati ibukin aia mwakuri n ibuobuoki. Kona bae n tuangiia bwa a na warekia ao ni maroroakina Tani Motiki Taeka 6:11–16. Tera ae ti kona n reiakinna man te taneiai aei? Ni buoka reiakinaia man Tani Motiki Taeka 7, ko kona ni kaoa temanna ke e mwaiti riki kain te kiraati bwa a na riki angkoa ana tautia Kiteon ao ni karakina te karaki man aia taratara tautia. Kain te kiraati tabeman a kona n titirakiniia taekan te bwai are a rinanona tautia. Tera kabotau ake ti kona n noori imarenan te karaki aei ao n te bwai ae e riki inanon maiura? Tera ae ti reiakinna ibukin te Uea man te karaki aei?

Tani Motiki Taeka 13–16

Te korakora e roko man te kakaonimaki nakon ara berita ae tabu ma te Atua.

• Kona kanga ni buokiia kain te kiraati n ata te koaua ao kakaawakin te kauring man rongorongon Tamton? Kawai teuana ko kona ni kaoa iteran te kiraati bwa a na rinanon Tani Motiki Taeka 14–16 n taratarai kiibu ake a kaotaki iai bwa te Uea e raona Tamton. Iterana are teuana a kona n taratarai kiibu ake e kaotaki iai bwa Tamton e aki bwanin ana motinnano nakon te Uea. Tuangiia kain te kiraati bwa a na tibwaua te bwai are a kunea. Tera ae e reireiniira maiun Tamton ibukin kawakinan te berita ae tabu ma te Atua? Te rongorongo mairoun Titita Ann M. Dibb n “Bwaai ni Ibuobuoki riki Tabeua” e kona n rang ibuobuoki.

  

  Samson Puts Down the Pillars, iroun James Tissot and others

Bwaai n Ibuobuoki Riki Tabeua

Te reiei man maiun Tamton.

Titita Ann M. Dibb e reirei: “Tamton e bungiaki ma ana konabwai ae korakora. Tinana e anganaki te berita, ‘E na moan ni karika kamaiuaia Iteraera mai inanon baia I-Biritia’ [Tani Motiki Taeka 13:5]. Ma ngke e a ikawairake Tamton, e taratara riki ana kariiri te aonaaba nakon ana kairi te Atua. E karaoi rinerine akanne ibukina bwa a ‘kakukure [ia]’ [Tani Motiki Taeka 14:3] nakon riki are ibukina bwa rinerine akanne a bon eti. Ae okioki, koroboki aika tabu a kabongana te kibutakea ‘ao e waerio’ [Tani Motiki Taeka 14:7] ngke a taekina ana mwananga Tamton, mwakuri, ao ana rinerine. Ngke e na riai n teirake ao ni kaotanako otana ni kakoroan nanon te kantaninga ibukin ae korakora, Tamton e taonakinako ni bwain te aonaaba, e kabua korakorana are e a tia n anganna te Atua, ao e mate, ni moantaai” (“Arise and Shine Forth,” Riaona, Meei 2012, 118).

Kanakoraoan Ara Anga reirei

Kaokoroa aia tai taan kamatebwai bwa a na tibwatibwa. “Ngkana a tia taan kamatebwai n tibwauai bwaai aika a tia ni kamatebwai, a aki tii namakina te Tamnei ao ni kakorakorai aia koaua, ma a kaungaiia naba kain te kiraati tabeman ni kunei koaua i bon ibukiia. … Katuka te tai ibukiia ataein te reirei bwa a na tibwatibwa iai ni katoai reirei.” (Teaching in the Savior’s Way, 30.)