“Agosto 15–21. Salmo1; 61–66; 69–72; 77–78; 85–86: ‘Ipalawagkonto ti Impaayna itoy Kararuak’” Umaykayo, Sumurot Kaniak—Para iti Sunday School: 2022 ti Daan a Tulag (2021)
“Agosto 15–21. Dagiti Salmo 49–51; 61–66; 69–72; 77–78; 85–86,” Umaykayo, Sumurot Kaniak—Para iti Sunday School: 2022
Panangisalakan iti Dayta Napukaw, ni Michael T. Malm
Agosto 15–21
Dagiti Salmo 49–51; 61–66; 69–72; 77–78; 85–86
“Ipalawagkonto ti ti Impaayna Itoy Kararuak”
Ibilang ti balakad ni Elder David A. Bednar bayat ti panagsaganam a mangisuro: “Ti panagsarita ken panagibaga laeng saan a panangisuro. Ti [panangisuro] iti ebanghelio iti wagas ti Apo iramanna ti panagpaliiw, ken panagdengngeg, ken panagawat kas kasapulan iti panagsarita” (“Becoming a Preach My Gospel Missionary,” New Era, Okt. 2013, 6).
Isuratmo dagiti Impresionmo
Yawis ti Panagbibinninglay
Ti maysa a wagas a mangawis kadagiti miembro ti klase a mangibinglay iti maysa a banag a nabasada iti daytoy a lawas ket ti mangisurat iti pisarra ti “Dagiti bibigko umsiagdanto iti ragsak” wenno “Kasta met a toy dilak sarsaritaennanto ti kinalintegmo” (Salmo 71:23, 24). Mabalin a mangibinglay dagiti miembro ti klase no ania ti nasarakanda a makatulong kadakuada nga “umsiagdanto iti ragsak” wenno “sarsaritaendanto ti kinalinteg [ti Apo].”
Isuro ti Doktrina
“Sika, ti Apo, a naimbag, ken nakasagana a mamakawan.”
-
TiSalmo 51 ti mangiladawan kadagiti rikna nga adda kadagiti kaaduan kadatayo bayat ti panagkalikagumtayo nga agbabawi ken mapakawan. Tapno matulongan dagiti miembro ti klase a maawatanda a nasaysayaat ti panagbabawi ken makarikna iti regta tapno masansan nga agbabawi, mabalinmo nga isingasing a sukisokenda iti Salmo 51 nga addaan iti daytoy a saludsod iti panunotda: Ania ti kayat a sawen ti agbabawi? Kalpasanna paibinglay kadakuada dagiti mabalin a sungbat. (“Dagiti Nainayon a Resources” ket naglaon kadagiti makatulong a nalawag a pannakaammo ken pannakaawat.) Apay a ti panagbabawi no dadduma kasla saan a pakaikarian? Ania ti masarakantayo iti daytoy a salmo a mamagbalin a narag-o ti panagbabawi?
-
Kasano nga iladawantayo no ania ti rikna ti umawat iti pannakapakawan ti basol babaen ti pangsubbot a bileg ni Jesucristo? Awisem dagiti miembro ti klase a mangibinglay kadagiti kapanunotanda, ket allukoyen ida a mangsapul kadagiti binatog iti Dagiti Salmo 51; 85–86 a mangiladawan iti epekto ti pangdalus a pammakawanna iti biagtayo (kas pagarigan, kitaen iti Dagiti Salmo 51:1–2, 7–12; 85:2–9). Ibilang ti panangipakita kadagiti ladawan wenno banag tapno matulongan dagiti miembro ti klase a mangiladawan iti panunotda kadagitoy a ragup ti balikas. Mabalinton kalpasanna nga ibinglay dagiti miembro ti klase iti riknada maipapan iti Mangisalakan a ni Jesucristo ken ti kinatallugodna a mangsubbot kadagiti basoltayo tapno mabalin a mapakawantayo. Mabalinyo met ti aggigiddan a mangkanta iti maysa a himno maipapan iti pangsubbot a sakripisio ti Mangisalakan, kas iti “I Stand All Amazed” (Hymns, no. 193).
-
Tapno makapagbabawi, kasapulantayo ti pammati a saan laeng a kabaelan ni Jesucristo a dalusannatayo no di ketdi pay dalusannatayto. Mabalin a masarakan dagiti miembro ti klase dagiti binatog iti Dagiti Salmo 51; 85–86 iti daytoy a lawas a nangpapigsa iti pammatida iti kinatallugod ti Apo a mamakawan. Allukoyem ida a mangibinglay no ania ti nasarakanda. Mabalin met nga itudom ida iti Salmo 86:5, 13, 15 ket saludsodem no ania ti isuro dagitoy a bersikulo maipapan iti Apo. Ania ti mabalin a kayat a sawen nga Isu ket “aglaplapusanan iti kinamanagayat ken kinapudno”? (bersikulo 15). Apay a napateg a maammuantayo daytoy?
Makatulong ti pammaneknektayo ken ni Jesucristo iti dadduma nga umasideg Kenkuana.
-
Maysa kadagiti naindaklan a bendision ti panagkikita iti Sunday School ket ti gundaway a manggun-od iti pigsa manipud iti pammati ken pammaneknek dagiti dadduma pay a pasurot ni Jesucristo. Tapno maited daytoy a gundaway para iti klasem, mabalinmo nga idawat kadagiti miembro ti klase a mangbasa iti Salmo 66:16 ken mangutob iti daytoy a saludsod: No inkayo “ipalawag ti impaay [ti Apo] iti kararua[yo],” ania ti ipakdaaryo? Kabayatan ti panangutobda, mabalinda a basaen dagiti bersikulo 5–20 para kadagiti kapanunotan. Paisurat kadakuada dagiti sungbatda. Kalpasanna awisem ida nga “ipalawag” iti tunggal maysa—iti babassit a grupo wenno iti sibubukel a klase—no ania ti inaramid ni Jesucristo para kadagiti kararuada.
Ladawandua nga agtutubo a lallaki nga agsasarita iti tunggal maysaMabalintayo nga ibinglay iti dadduma dagiti pammaneknektayo maipapan iti no ania ti inaramid ti Apo para kadatayo.
Dagiti Nainayon a Resources
Ti panagbabawi ket panagbalbaliw.
Inladawan ni Presidente Russell M. Nelson iti panagbabawi iti kastoy a wagas:
“Idi kiniddaw ni Jesus kadakayo ken kaniak nga ‘agbabawi,’ aw-awisennnatayo a mangbalbaliw iti panunottayo, iti pannakaammotayo, iti espiritutayo—uray iti panagangestayo. Dawdawatenna nga agbalbaliwtayo iti panagayat, panagpanunot, panagserbi, panangbubos iti orastayo, panangtrato iti assawatayo, panangisuro iti annaktayo, ken panangaywan iti bagitayo.
Awanen ti ad-adda pay a makawayawaya, nataktakneng, napatpateg iti bukod a panangdur-astayo no di iti kanayon, inaldaw a panangipamaysa iti panagbabawi. Ti panagbabawi saan a pasamak; maysa daytoy a proseso. Daytoy ti kasapulan tapno magun-od ti ragsak ken talna iti panunot. No buyogan iti pammati, ti panagbabawi ti pakagun-odantayo ti bileg ti Pannubbot ni Jesucristo. …
“No pilientayo ti agbabawi, pilientayo ti agbalbaliw! Palugodantayo ti Mangisalakan a mangbalbaliw kadatayo nga agbalin a kasingpetan. Pilientayo ti dumur-as a naespirituan ken umawat iti rag-o—ti rag-o ti pannakasubbot Kenkuana. No pilientayo ti agbabawi, pilientayo ti agbalin nga ad-adda a kas ken ni Jesucristo!” (“We Can Do Better and Be Better,” Liahona, Mayo, 2019, 67).
Panangpadur-as iti Panangisurotayo
Agdamag kadagiti saludsod a mangsagid iti puso ken panunot. “Idawatmo kadagiti agad-adal a mangibinglay no kasano ti riknada maipapan ti binatog iti nasantuan a kasuratan, no ania ti mabalin a narikna dagiti tao kadagiti nasantuan a kasuratan, wenno kasano a mainaig dagiti kinapudno iti binatog ti biagtayo” (Panangisuro iti Wagas ti Mangisalakan, 31).