« ថ្ងៃទី ១៥–២១ ខែសីហា ។ ទំនុកដំកើង ៤៩–៥១; ៦១–៦៦; ៦៩–៧២; ៧៧–៧៨; ៨៥–៨៦ ៖ ‹ ខ្ញុំនឹងថ្លែងប្រាប់ពីការដែលទ្រង់បានប្រោសដល់ព្រលឹងខ្ញុំ › » ចូរមកតាមខ្ញុំ—សម្រាប់សាលាថ្ងៃអាទិត្យ ៖ ឆ្នាំ ២០២២ ( ឆ្នាំ២០២១ )

« ថ្ងៃទី ១៥–២១ ខែសីហា ។ ទំនុកដំកើង ៤៩–៥១; ៦១–៦៦; ៦៩–៧២; ៧៧–៧៨; ៨៥–៨៦ » ចូរមកតាមខ្ញុំ—សម្រាប់សាលាថ្ងៃអាទិត្យ ៖ ព្រះគម្ពីរសញ្ញាចាស់ ឆ្នាំ ២០២២

ការសង្គ្រោះចៀមដែលបាត់ ដោយ ម៉ៃឃល ធី ម៉ម

ថ្ងៃទី ១៥–២១ ខែសីហា

ទំនុកដំកើង ៤៩–៥១; ៦១–៦៦; ៦៩–៧២; ៧៧–៧៨; ៨៥–៨៦

« ខ្ញុំនឹងថ្លែងប្រាប់ពីការដែលទ្រង់បានប្រោសដល់ព្រលឹងខ្ញុំ »

សូមពិចារណានូវការប្រឹក្សារបស់ អែលឌើរ ដេវីឌ អេ បែដណា នៅពេលដែលបងប្អូនរៀបចំដើម្បីបង្រៀន ៖ « ការនិយាយ និងការប្រាប់តែមួយមុខគឺ មិនមែនជាការបង្រៀនទេ ។ [ ការបង្រៀន ] ដំណឹងល្អតាមរបៀបរបស់ព្រះអម្ចាស់រួមបញ្ជូលទាំងការសង្កេត និងការស្តាប់ និងការវែកញែកជាតម្រូវការជាមុនក្នុងការនិយាយ » ( « Becoming a Preach My Gospel Missionary » New Era ខែតុលា ឆ្នាំ២០១៣ ទំព័រ ៦ ) ។

កត់ត្រាចំណាប់អារម្មណ៍របស់បងប្អូន

អញ្ជើញឲ្យចែកចាយ

វិធីមួយដើម្បីអញ្ជើញសមាជិកថ្នាក់ឲ្យចែកចាយអ្វីដែលពួកគេបានអាននៅសប្តាហ៍នេះគឺសរសេរនៅក្តារខៀន « បបូរមាត់នៃទូលបង្គំនឹងបន្លឺឡើងដោយអំណរ » ឬ « ឯអណ្តាតរបស់ទូលបង្គុំ នឹងនិទានពីសេចក្តីសុចរិតរបស់ទ្រង់ » ( ទំនុកដំកើង ៧១:២៣, ២៤ ) ។ សមាជិកថ្នាក់អាចចែកចាយនូវអ្វីដែលពួកគេបានរកឃើញដែលជួយពួកគេ « ដោយអំណរ » ឬ « និទានពីសេចក្តីសុចរិត [ របស់ព្រះអម្ចាស់ ] » ។

បង្រៀនគោលលទ្ធិ

ទំនុកដំកើង ៥១; ៨៥–៨៦

« ទ្រង់ល្អ ទ្រង់បម្រុងតែនឹងអត់ទោស » ។

ទំនុកដំកើង ៥១ ពិពណ៌នានូវអារម្មណ៍ដែលយើងភាគច្រើនមាន នៅពេលដែលយើងស្វែងរកដើម្បីប្រែចិត្ត និងបានការអភ័យទោស ។ ដើម្បីជួយសមាជិកថ្នាក់ឲ្យយល់កាន់តែច្បាស់ពីការប្រែចិត្ត និងទទួលអារម្មណ៍បំផុសគំនិតដើម្បីប្រែចិត្តជាញឹកញាប់ នោះបងប្អូនអាចស្នើឲ្យ ពួកគេស្រាវជ្រាវ ទំនុកដំកើង ៥១ ដោយមានសំណួរនេះនៅក្នុងចិត្ត ៖ តើការប្រែចិត្តមានន័យយ៉ាងដូចម្តេច ? បន្ទាប់មក ទុកឲ្យពួកគេចែកចាយចម្លើយដែលអាចមាន ។ ( « ធនធានបន្ថែមទាំងឡាយ » មាននូវការយល់ដឹងដ៏មានអត្ថប្រយោជន៍ ) ។ ហេតុអ្វីការប្រែចិត្តពេលខ្លះហាក់ដូចជាមិនគួរឲ្យចង់ធ្វើ ? តើយើងរកឃើញអ្វីខ្លះនៅក្នុងគម្ពីរទំនុកដំកើងដែលអាចធ្វើឲ្យការប្រែចិត្តមានអារម្មណ៍ពេញដោយអំណរ ?
តើយើងអាចពិពណ៌នាយ៉ាងណាអំពីការទទួលបានការអត់ទោសបាបតាមរយៈអំណាចនៃដង្វាយធួនរបស់ព្រះយេស៊ូវគ្រីស្ទ ? សូមអញ្ជើញសមាជិកថ្នាក់ឲ្យចែកចាយគំនិតរបស់ពួកគេ ហើយលើកទឹកចិត្តពួកគេឲ្យរកមើលវគ្គបទគម្ពីរនៅក្នុង ទំនុកដំកើង ៥១; ៨៥–៨៦ ដែលពិពណ៌នាអំពីឥទ្ធិពលនៃការអភ័យទោសដ៏ជ្រះស្អាតរបស់ទ្រង់ នៅក្នុងជីវិតរបស់យើង ( សម្រាប់ឧទាហរណ៍ សូមមើល ទំនុកដំកើង ៥១:១–២, ៧–១២; ៨៥:២–៩ ) ។ សូមពិចារណាការបង្ហាញរូបភាព ឬ វត្ថុនានាដើម្បីជួយសមាជិកថ្នាក់ឲ្យមើលឃើញឃ្លាទាំងនេះ ។ បន្ទាប់មក សមាជិកថ្នាក់អាចចែកចាយអារម្មណ៍របស់ពួកគេអំពីព្រះអង្គសង្គ្រោះ ព្រះយេស៊ូវគ្រីស្ទ និងព្រះឆន្ទៈរបស់ទ្រង់ដើម្បីធ្វើឲ្យដង្វាយធួននឹងអំពើបាបរបស់យើង ដើម្បីយើងអាចត្រូវបានអភ័យទោស ។ បងប្អូនអាចច្រៀងរួមគ្នានូវចម្រៀងទំនុកតម្កើងមួយអំពីការពលិកម្មដ៏ធួនរបស់ព្រះអង្គសង្គ្រោះ ដូចជា « ខ្ញុំឆ្ងល់យ៉ាងអស្ចារ្យ » ( ទំនុកតម្កើង ល.រ. ១១៥ ) ។
ដើម្បីប្រែចិត្ត យើងត្រូវការសេចក្តីជំនឿមិនត្រឹមតែថា ព្រះយេស៊ូវគ្រីស្ទ អាច លាងសម្អាតយើងប៉ុណ្ណោះទេ ប៉ុន្តែក៏ថាទ្រង់ នឹងលាងសម្អាតយើងផងដែរ ។ សមាជិកថ្នាក់អាចរកឃើញវគ្គបទគម្ពីរនៅក្នុង ទំនុកដំកើង ៥១; ៨៥–៨៦ នៅសប្តាហ៍នេះដែលបានពង្រឹងសេចក្តីជំនឿរបស់ពួកគាត់ទៅលើព្រះឆន្ទៈដើម្បីអភ័យទោសរបស់ព្រះអម្ចាស់ ។ សូមលើកទឹកចិត្តពួកគេឲ្យចែកចាយនូវអ្វីដែលពួកគេបានរកឃើញ ។ បងប្អូនក៏អាចចង្អុលបង្ហាញពួកគេទៅ ទំនុកដំកើង ៨៦:៥, ១៣, ១៥ ហើយសួរថា តើខគម្ពីរទាំងនេះបង្រៀនអ្វីខ្លះអំពីព្រះអម្ចាស់ ។ តើវាមានន័យយ៉ាងដូចម្តេចដែលទ្រង់គឺជា « សេចក្តីសប្បុរស និងសេចក្តីពិតត្រង់ជាបរិបូរ » ? ( ខទី ១៥ ) ។ ហេតុអ្វីបានជាវាសំខាន់សម្រាប់យើងដើម្បីដឹងរឿងនេះ ?

ទំនុកដំកើង ៦៦:៥–២០

ទីបន្ទាល់របស់យើងពីព្រះយេស៊ូគ្រីស្ទអាចជួយអ្នកដទៃឲ្យមករកទ្រង់ ។

ពរជ័យមួយដ៏អស្ចារ្យនៃជួបជុំគ្នានៅក្នុងសាលាថ្ងៃអាទិត្យគឺជាឱកាសដើម្បីទទួលបានភាពរឹងមាំមកពីសេចក្តីជំនឿ និងទីបន្ទាល់នៃអ្នកដើរតាមព្រះយេស៊ូវគ្រីស្ទដទៃទៀត ។ ដើម្បីផ្តល់ឱកាសនេះសម្រាប់ថ្នាក់របស់ បងប្អូន នោះបងប្អូនអាចសុំឲ្យសមាជិកថ្នាក់អាន ទំនុកដំកើង ៦៦:១៦ ហើយពិចារណាសំណួរនេះ ៖ ប្រសិនបើបងប្អូនចង់ « ថ្លែងប្រាប់ពីការដែល[ ព្រះអម្ចាស់ ]បានប្រោសដល់ព្រលឹង[ របស់បងប្អូន ] » តើបងប្អូននឹងថ្លែងប្រាប់ពីអ្វីខ្លះ ? នៅពេលពួកគេពិចារណា ពួកគេអាចអាន ខទី ៥–២០ ទុកជាគំនិតយោបល់ ។ សូមទុកឲ្យពួកគេសរសេរចម្លើយរបស់ពួកគេ ។ បន្ទាប់មក អញ្ជើញពួកគេឲ្យ « ថ្លែងប្រាប់ » គ្នាទៅវិញទៅមក—ជាក្រុមតូចៗ ឬ ទៅកាន់ថ្នាក់ទាំងមូល—នូវអ្វីដែលព្រះយេស៊ូវគ្រីស្ទបានធ្វើសម្រាប់ព្រលឹងរបស់ពួកគេ ។

យើងអាចចែកចាយជាមួយអ្នកដទៃនូវទីបន្ទាល់របស់យើងពីអ្វីដែលព្រះអង្គសង្រ្គោះបានធ្វើសម្រាប់យើង ។

ធនធានបន្ថែមទាំងឡាយ

ការប្រែចិត្តមានន័យថា ការផ្លាស់ប្តូរ ។

ប្រធាន រ័សុល អិម ណិលសុន បានពិពណ៌នាការប្រែចិត្តតាមរយៈរបៀបនេះថា ៖

« នៅពេល ព្រះយេស៊ូវគ្រីស្ទ បង្គាប់ឲ្យបងប្អូន និងរូបខ្ញុំ ‹ ប្រែចិត្ត › ទ្រង់កំពុងអញ្ជើញយើងឲ្យផ្លាស់ប្ដូរគំនិតរបស់យើង ចំណេះដឹងរបស់យើង វិញ្ញាណរបស់យើង—សូម្បីតែរបៀបដែលយើងដកដង្ហើមក្តី ។ ទ្រង់កំពុងបង្គាប់យើងឲ្យផ្លាស់ប្តូររបៀបដែលយើងស្រឡាញ់ គិត បម្រើ ចំណាយពេលរបស់យើង ការប្រព្រឹត្តចំពោះភរិយារបស់យើង បង្រៀនកូនៗយើង ព្រមទាំងការថែទាំរាងកាយរបស់យើងផងដែរ ។

គ្មានអ្វីដែលមានសេរីភាព ប្រពៃជាង ឬសំខាន់ជាងចំពោះការរីកចម្រើនរបស់យើងម្នាក់ៗ ជាងការផ្ដោតទៅលើការប្រែចិត្តជាទៀងទាត់ និងជាប្រចាំថ្ងៃនោះទេ ។ ការប្រែចិត្តមិនមែនជាព្រឹត្តិការណ៍ដែលកើតមានតែម្ដងនោះទេ វាគឺជាដំណើរការមួយ ។ វាគឺជាគន្លឹះឆ្ពោះទៅកាន់សុភមង្គល និងភាពសុខសាន្ដនៅ ក្នុងគំនិត ។ នៅពេលផ្គួបផ្សំជាមួយនឹងសេចក្ដីជំនឿ នោះការប្រែចិត្តបើកច្រកទ្វារទៅកាន់ព្រះចេស្ដានៃដង្វាយធួនរបស់ព្រះយេស៊ូវគ្រីស្ទ ។ …

នៅពេលយើងជ្រើសរើសប្រែចិត្ត នោះយើងជ្រើសរើសដើម្បីផ្លាស់ប្ដូរ ! យើងទុកឲ្យព្រះអង្គសង្គ្រោះផ្លាស់ប្រែយើងទៅ ជាកំណែថ្មីដ៏ល្អបំផុតនៃខ្លួនរបស់យើង ។ យើងជ្រើសរើសរីកចម្រើនខាងវិញ្ញាណ ហើយទទួលបានអំណរ—ជាអំណរនៃការប្រោសលោះនៅក្នុងទ្រង់ ។ នៅពេលយើងជ្រើសរើសដើម្បីប្រែចិត្ត នោះយើងជ្រើសរើសដើម្បីប្រែក្លាយដូចជាព្រះយេស៊ូវគ្រីស្ទ ! » ( « We Can Do Better and Be Better, » Liahona, ខែឧសភា ឆ្នាំ២០១៩ ទំព័រ ៦៧ ) ។

ការកែលម្អការបង្រៀនរបស់យើង

សួរសំណួរដែលប៉ះដល់ដួងចិត្តនិងគំនិត ។ « សុំឲ្យអ្នករៀនចែកចាយអំពីអារម្មណ៍របស់ពួកគេអំពីវគ្គបទគម្ពីរមួយ ដែលមនុស្សនៅក្នុងបទគម្ពីរមាន ឬរបៀបដែលសេចក្ដីពិតនៅក្នុងបទគម្ពីរទាក់ទងនឹងជីវិតរបស់យើង » ( ការបង្រៀនតាមរបៀបរបស់ព្រះអង្គសង្គ្រោះទំព័រ ៣១ ) ។