pangasaw-onon ug pamanhonon diha sa nataran sa templo

Nobyembre 7–13

Oseas 1–6; 10–14; Joel

“Higugmaon Ko Sila nga Walay Bayad”

Samtang ikaw magtuon ug mangandam niining semanaha, ikonsiderar kon hain sa matahom ug makapabayaw nga mga mensahe gikan sa mga basahon ni Oseas ug Joel ang lagmit makatabang nga matubag ang mga panginahanglan niadtong imong gitudloan.

Irekord ang Imong mga Impresyon

pagpaambit nga icon

Dapita ang Pagpaambit

Aron matabangan ang mga sakop sa klase nga mopaambit sa unsay ilang nakat-onan niining semanaha, mahimo nimo silang dapiton sa pagsulat diha sa pisara og usa ka pulong o mga pulong nga nakapadasig kanila atol sa ilang nga pagtuon. Dayon makapaambit sila kon nganong ang mga pulong makahuloganon ngadto kanila. Kini nga mga pulong mahimong makagiya sa tanan ninyong panaghisgotan.

icon sa pagtudlo

Itudlo ang Doktrina

Oseas 1–3; 14

Ang Ginoo kanunay nga nagdapit kanato sa pagbalik ngadto Kaniya.

• Mahimo nimong sugdan ang usa ka panaghisgotan sa Oseas 1–3 pinaagi sa pagsulat og kaminyoon diha sa pisara ug mohangyo sa mga sakop sa klase sa paglista sa mga pulong nga ilang mahunahunaan kabahin sa kaminyoon. Sa unsang paagi ang paghimo og usa ka pakigsaad sa Ginoo nahisama sa pagsulod sa kaminyoon? Sa unsang paagi ang paglapas niana nga pakigsaad nahisama sa pagkadili matinud-anon ngadto sa kapikas? (tan-awa sa Oseas 2:5–7,13). Dayon ang klase makahisgot mahitungod kon sa unsang paagi ang pakigrelasyon tali ni Oseas ug ni Gomer nagsimbolo sa pakigrelasyon sa Ginoo ug sa Iyang katawhan. Unsa ang gitudlo sa Oseas 2:14–23 ug Oseas 14 mahitungod sa gugma ug kalooy sa Ginoo? Sa unsang paagi nga kita makapakita sa Ginoo sa atong gugma ug kamaunungon ngadto Kaniya?

• Ang Oseas 14 naghulagway sa daghang matahom nga mga saad nga gihimo sa Ginoo ngadto sa balay ni Israel kon sila mobalik ngadto Kaniya. Tingali ang mga sakop sa klase makapangita niining kapitulo nga mangita niining mga saad. Unsa ang gisulti sa Ginoo nga Iyang buhaton? Unsa kaha ang gipasabot sa hugpong sa mga pulong nga “higugmaon ko sila sa walay bayad”? (bersikulo 4). Unsa ang gitudlo ngari kanato sa sambingay nga tanom diha sa mga bersikulo 5–8 mahitungod sa mga panalangin sa Ginoo, lakip sa mga panalangin sa paghinulsol?

  babaye nga naglingkod sa yuta uban sa tawo nga nagpandong sa iyang kamot diha sa ulo

  Ang makasasala nga si Gomer, kinsa nagrepresentar sa Israel, gitanyagan og katubsanan sa Ginoo. Paghulagway ni Deb Minnard, lisensyado gikan sa goodsalt.com

Oseas 6:6; Joel 2:12–13

Ang debosyon ngadto sa Dios kinahanglan gayod mabati sa galamhan, dili lang basta makita nga gipadayag.

• Ang Oseas 6:6 ug Joel 2:12–13 nagpasabot ngadto sa pagsakripisyo sa hayop ug paggisi sa sapot isip mga timailhan sa pagbasol. Samtang ang maong mga buhat mahimong dili na pamilyar karon, kining mga bersikulo mosangpot ngadto sa usa ka panaghisgotan mahitungod kon unsa ang labing importante ngadto sa Ginoo. Tingali magdungan kamo sa pagbasa sa Oseas 6:6 ug maghisgot kon unsa ang gipasabot niini nga bersikulo. Pagdapit og pipila ka mga sakop sa klase sa pagbasa sa Mateo 9:10–13 ug ang uban mobasa sa Mateo 12:1-8. Dayon ang mga sakop sa klase makatudlo sa usag usa kon sa unsang paagi kining mga panghitabo sa pagpangalagad sa Manluluwas makatabang kanato nga makasabot sa baroganan nga gitudlo diha sa Oseas 6:6. Unsaon nato pagsunod kini nga baroganan sa atong panahon?

  Makabasa usab kamo og dungan sa Joel 2:12–13 ug hisgoti kon unsa kaha ang gipasabot sa paggisi sa atong mga kasingkasing ug dili lang sa atong mga sapot. Unsa ang atong makat-onan gikan niining mga bersikulo mahitungod sa unsay pasabot sa pagkahimong tinuod nga disipulo ni Jesukristo?

Joel 2

“Ibubo ko ang akong espiritu sa tanang katawhan.”

• Sa pagsugod og panaghisgotan sa Joel 2, Makapaambit ka sa klase kon unsa ang gisulti ni Moroni mahitungod niining panagna sa dihang siya mibisita ni Joseph Smith niadtong 1823 (tan-awa sa Joseph Smith—Kasaysayan 1:41). Ang mga sakop sa klase makapaambit kon unsa ang iyang gibati sa mga panagna diha sa Joel 2:28–32 nga nahitabo sa atong panahon. Mahimo usab nimong hisgotan kon sa unsang paagi ang pulong ni Elder David A. Bednar diha sa “Dugang nga mga Kapanguhaan” may kalabotan sa panagna ni Joel. Ang mga sakop sa klase tingali makahisgot kon unsa ang kahulogan niini ngadto kanila aron mabati ang kabuhong sa Espiritu Santo diha sa ilang inadlaw adlaw nga kinabuhi. Unsa ang atong mahimo kon kita mobati nga nakadawat og kabuhong? Sa unsang paagi kita makatabang sa “[atong] mga anak nga lalaki ug sa [atong] mga anak nga babaye” nga makadawat niini? (bersikulo 28).

icon sa dugang nga mga kapanguhaan

Dugang nga mga Kapanguhaan

“Kita makasalig sa Espiritu Santo sa paggiya kanato.”

Elder David A. Bednar mitudlo:

“Gihimo natong lisud ang pagdawat og personal nga pagpadayag. Akong pasab[o]t niana, mao ang saad sa pakigsaad, kon kita motuman sa atong mga pakigsaad, kita kanunay nga makabaton sa Espiritu Santo nga mahimo natong kanunay nga kauban. Apan naghisgot kita niini ug giisip nato nga ang pagkadungog sa tingog sa Ginoo pinaagi sa Iyang Espiritu usa ka talagsa ra nga mahitabo. … [Ang Espiritu] Kinahanglang nag-uban kini nato sa tanang higayon. Dili matag nanosecond, apan kon ang usa ka tawo naghimo sa iyang labing maayo—dili mo kinahanglan nga perpekto—Apan kon kamo ug ako naghimo sa atong labing maayo, ug wala ta makahimo og seryoso nga kalapasan, nan kita makalaom sa Espiritu Santo nga maggiya kanato.…

“…Kita daw nagtuo nga ang Espiritu Santo mahinuklugon ug dako ug kalit, nga kini ligdong man ug hinagawhaw ug magkadugang. Kasagaran kamo dili makamatikod nga kamo nakadawat og pagpadayag sa higayon nga kamo nagdawat og pagpadayag” (“Elder David A. Bednar Discussion” [gabii uban sa General Authority, Peb.7, 2020], broadcasts.ChurchofJesusChrist.org).

Pagpalambo sa Atong Pagtudlo

Pagmaabi-abihon. Ang mga tigkat-on kinahanglang masayod nga ikaw nagpakabana mahitungod kanila ug sa ilang espirituhanong paglambo. Usa sa maayong paagi sa pagpakita kanila niini ang mainiton nga pagtimbaya kanila samtang sila mangabot sa klase. (Tan-awa sa Pagtudlo sumala sa Pamaagi sa Manluluwas, 15.)