tawo nga nagkamang diha sa baybayon uban sa balyena sa dagat diha sa iyang luyo

Jonah on the Beach [Si Jonas diha sa Baybayon sa Ninive], ni Daniel A. Lewis

Nobyembre 21–27

Jonas; Miqueas

“Kay Siya Nahamuot sa Mahigugmaong-kalolot”

Ang malungtarong pagkakabig nagkinahanglan og labaw pa kay sa makapadasig nga leksiyon sa Sunday School sa matag duha ka semana. Awhaga ang mga sakop sa klase sa pagtinguha og personal nga espirituhanong kasinatian sa tibuok nilang kinabuhi.

Irekord ang Imong mga Impresyon

pagpaambit nga icon

Dapita ang Pagpaambit

Ikonsiderar ang pagsulat sa mga pulong sama sa mosunod diha sa pisara: Usa ka kamatuoran nga ako gipahinumdoman, Butang nga bag-o nakong nakat-onan, ug Butang nga gusto nakong matun-an pa. Hatagi ang mga sakop sa klase og panahon sa pagrebyo kon unsa ang ilang natun-an diha sa Jonas ug Miqueas nga may kalabotan sa usa ka hugpong sa mga pulong diha sa pisara.

icon sa pagtudlo

Itudlo ang Doktrina

Jonas 1–4; Miqueas 7:18–19

Ang Ginoo maloloy-on sa tanan kinsa mobalik ngadto kaniya.

Pahinumdomi ang imong klase sa kalooy sa Ginoo nga makatabang kanila nga mobati sa Iyang gugma alang kanila ug modasig kanila sa paghinulsol. Mahimo nimong dapiton ang klase sa pagbasa sa Miqueas 7:18–19 ug ilista diha sa pisara ang pipila ka mga panghitabo gikan sa Jonas 1–4 nga nagpakita nga ang Ginoo nahimuot sa kalooy. Unsa pa nga mga kasinatian sa kalooy sa Dios ang atong mapaambit—gikan sa mga kasulatan o sa atong kaugalingong kinabuhi?

Ang pagsinati sa kalooy sa Ginoo makapadasig kanato aron mahimong mas maloloy-on. Ania ang usa ka ideya nga makatabang sa mga sakop sa imong klase mahitungod sa kalooy gikan sa basahon ni Jonas. Mahimo ka nga mosulat og usa ka pangutana sama niini diha sa pisara: Unsa ang matudlo sa kalooy sa Dios ngari kanako, sama sa gipakita diha sa Jonas 1–4, mahitungod sa pagkahimong mas maloloy-on? Ang matag sakop sa klase makapili og usa ka kapitulo aron marebyo ug mangita sa mga tubag sa pangutana. Hatagi ang mga sakop sa klase og panahon sa pagpamalandong kabahin sa mga oportunidad nga ilang naangkon sa pagpuli sa pagkamahukmanon nga kinaiya ngadto sa pagkamaloloy-on sa ilang kaugalingon o sa uban.

duha ka tawo nag-istorya diha sa tampi sa sapa

Kita makapaambit sa ebanghelyo uban sa mga anak sa Dios.

Jonas 1; 3–4

Ang tanang mga anak sa Dios kinahanglan nga makadungog sa ebanghelyo.

• Usa ka paagi nga makakuha og mga leksiyon gikan sa istorya ni Jonas mao ang pagtandi niini sa mga istorya sa mga misyonaryo diha sa Basahon ni Mormon. Ikonsiderar ang paghimo og duha ka mga kolum diha sa pisara Jonas ug Alma ug ang mga Anak nga mga lalaki ni Mosiah. Dapita ang klase sa pagtandi sa kinaiya ni Jonas mahitungod sa pagtudlo sa mga tawo sa Ninebe (tan-awa sa Jonas 1; 3–4) ngadto sa kinaiya sa mga anak nga mga lalaki ni Mosiah mahitungod sa pagtudlo sa mga Lamanite (tan-awa sa Mosiah 28:1–5; Alma 17:23–25). Unsa ang atong makat-onan gikan niining kalihokan mahitungod sa pagpaambit sa ebanghelyo ngadto sa tanang anak sa Dios?

• Sama ni Jonas, daghan kanato mahimong mobati nga magpanuko sa pagdapit sa uban sa pagbalik ngadto sa Ginoo. Unsa ang pipila ka posibling mga rason nga si Jonas miikyas gikan sa iyang calling sa pagpasidaan sa mga tawo sa Ninebe? Ngano kaha nga kita usahay magpanuko sa pagpaambit sa ebanghelyo? Ang mga sakop sa klase mahimong mopaambit og mga paagi nga ang Ginoo mitabang kanila nga mabuntog ang ilang pagpanuko. Ang tambag ni Presidente Henry B. Eyring sa “Dugang nga mga Kapanguhaan” tingali makatabang sa mga sakop sa klase nga matino ang mga baroganan nga makapalig-on sa atong mga paningkamot sa pagpaambit sa ebanghelyo.

Miqueas 6:6–8

“Unsa ba ang gikinahanglan ni Jehova diha kanimo?”

• Ang Miqueas 6:6–7 naghisgot og pipila ka mga elemento sa karaang mga ritwal sa Hudeo. Apan ang uban nga mga butang mas importante ngadto sa Dios kay sa mga makita nga tulumanon. Dapita ang mga sakop sa klase sa pagpangita niadtong importanting mga butang sa bersikulo 8. Tingali ang mga sakop sa klase makaila sa importanting mga pulong niining mga bersikulo ug hisgotan unsa ang kahulogan sa matag hugpong sa mga pulong. Dayon makapili sila sa ilang paborito nga hugpong sa mga pulong, pangitaa ang may kalabotan nga mga kasulatan diha sa Ang Giya ngadto sa mga Kasulatan o usa ka may kalabotan nga himno sa basahon sa himno, ug ipaambit kon unsa ang ilang nakat-onan. Ngano nga kining mga baroganan importante ngadto sa Ginoo?

icon sa dugang nga mga kapanguhaan

Dugang nga mga Kapanguhaan

Gugma, ehemplo, ug pagpamatuod.

Human sa paghisgot sa pasidaan ni Jonas ngadto sa mga tawo sa Ninebe, si Presidente Henry B. Eyring mipaambit og usa ka kasinatian diin ang iyang mama mihatag kaniya og pasidaan:

“Ako makahinumdom gihapon sa akong inahan nga hinay nga misulti ngari kanako usa ka Sabado sa hapon sa dihang, isip usa ka batang lalaki, ako nananghid kaniya nga mobuhat og usa ka butang nga akong gituhoan nga makatarunganon sa hingpit ug nga siya nasay[o]d nga makuyaw. Ako sa gihapon nahingangha sa gahom nga gihatag kaniya, ako nagtuo nga gikan sa Ginoo, sa pagliso kanako sa diyutay kaayo nga mga pulong. Sa akong nahinumduman, mao kini: ‘Uy, ako nagtuo nimong makahimo niana. Apan ang pagpili anaa kanimo.’ Ang pasidaan lamang mao ang gibug-aton nga iyang gibutang sa mga pulong nga makahimo ug pagpili. Gani kadto igo na alang kanako.

“Ang iyang gahom sa pagpasidaan uban sa diyutay nga mga pulong nagagikan sa tulo ka mga butang nga ako nasayud kabahin niya. Una, ako nasayud nga siya nahigugma kanako. Ikaduha, ako nasayud nga siya miatubang og susama nga mga sitwasyon ug panalanginan pinaagi sa paghimo og husto nga pagpili. Ug ikatulo, siya nagpahayag ngari kanako sa iyang siguradong pagpamatuod nga ang pagpili nga akong pagahimoon importante kaayo nga ang Ginoo mosulti kanako unsa ang buhaton kon ako mangutana Kaniya. Gugma, ehemplo, ug pagpamatuod: kadto mao ang importanteng mga butang nianang adlawa” (“A Voice of Warning,” Ensign, Nov. 1998, 32).

Pagpalambo sa Atong Pagtudlo

Pag-andam sa Inyong Kaugalingon. Ang gamhanang pagtulon-an sa ebanghelyo magsugod sa pag-andam sa atong kaugalingon. Sa dili pa nimo andamon ang imong leksiyon tutoki ang pagpuno sa imong kasingkasing sa Espiritu Santo pinaagi sa makahuluganon nga pagtuon ug pag-ampo. (Tan-awa sa Pagtudlo sumala sa Pamaagi sa Manluluwas, 12.)