7–13 ni Noveba

Osea 1–6; 10–14; Joeli

“Au na Lomani Ira Wale Ga”

Ni vuli ka vakavakarau ena macawa oqo, vakasamataka na itukutuku totoka ka veilaveti mai na iVola i Osea kei na Joeli e rawa ni vukea na sotavi ni nodra gagadre o ira o vakavulica.

Vola na Veika o Vakauqeti Kina

Sureta na Veiwasei

Me vukei ira na lewe ni kalasi mera wasea na veika era sa vulica ena macawa oqo, sa rawa mo sureti ira mera vola ena papa ni volavola e dua na vosa se malanivosa era vakauqeti kina ena nodra vuli. Mera qai wasea na vuna e vakaibalebale kina vei ira na vosa se malanivosa. Na veivosa kei na malanivosa oqo ena rawa ni veivuke ena veidusimaki ki na vo ni nomu veivosaki.

Vakavulica na iVunau

Osea 1–3; 14

Sa dau sureti keda tiko na Turaga meda lesu tale ki Vua.

• E rawa ni o tekivuna e dua na veivosaki ni Osea 1–3 ena nomu vola vakamau ena papa ni volavola ka kerei ira na lewe ni kalasi me ra vola na vosa eso era sema kei na vakamau. E tautauvata vakacava na veiyalayalati kei na Turaga vata kei na curu ki na dua na vakamau? E rawa vakacava ni vaka na voroki ni veiyalayalati oya na tawadina vua e dua na watina? (raica na Osea 2:5–7, 13). Sa na qai rawa ki na kalasi me ra veivosakitaka na vakatakilakilataki ni isema nei Osea kei Komera ki na isema vua na Turaga kei ira na Nona tamata. Na cava e vakavulica vei keda na Osea 2:14–23 kei na Osea14 me baleta na loloma kei na loloma veivueti ni Turaga? Eda vakaraitaka vakacava vua na Turaga na noda loloma kei na yalodina vua?

• Osea14 e vakamacalataka e vuqa na yalayala totoka e a cakava na Turaga vei ira na mataqali i Isireli kevaka era lesu tale Vua. Sa rawa beka mera vakasaqara na lewe ni kalasi na wase oqo mera raica kina na yalayala eso oqo. Na cava e a kaya na Turaga ni na cakava? Na cava beka na ibalebale ni malanivosa “lomani ira ena galala”? (tikina e 4). Na cava e vakavulica vei keda na vosa vakaibalebale ni itei ena tikina e 5–8 me baleta na veivakalougatataki ni Turaga vei keda, oka kina na veivakalougatataki ni veivutuni?

  

  Ko Komera na ivalavala ca, ka matataki Isireli, e a dulaki vua na veivakabulai mai vua na Turaga. Droini mai vei Deb Minnard, vakalaiseni mai na goodsalt.com

Osea 6:6; Joeli 2:12–13

Na yalodina vua na Kalou e dodonu me vakilai e loma, sega walega ni vakaraitaki e taudaku.

• Osea 6:6 kei na Joeli 2:12–13 e gole ki na isoro ni manumanu kei na dresulaki ni isulu me ivakatakilakila ni veivutuni. E dina ni na sega soti ni kilai na ivakarau oqori nikua, na veitikina oqo e rawa ni veimuataki ki na dua na veivosaki me baleta na ka e bibi duadua vua na Turaga. Sa rawa mo ni wilika vata na Osea 6:6 ka veivosakitaka na cava e rawa ni ibalebale ni tikina oqo. Sureta eso na lewe ni kalasi mera wilika na Maciu 9:10–13 kei na so tale mera wilika na Maciu 12:1–8. Me ra qai veivakavulici na lewe ni kalasi ena sala e vukei keda kina na veika oqo ena veiqaravi ni iVakabula me da kila na ivakavuvuli e vakavulici ena Osea 6:6. E rawa vakacava ni da bulataka na ivakavuvuli oqo ena noda gauna?

  E rawa talega ni o ni wilika vata na Joeli 2:12–13 ka veivosakitaka na kena ibalebale me dresuka na yaloda ka sega ni noda isulu walega. Na cava eda vulica mai na veitikina oqo me baleta na ibalebale ni noda tisaipeli dina i Jisu Karisito?

Joeli2

“Au na sovaraka na yaloqu ki na veika bula kecega.”

• Me tekivu na veivosaki ni Joeli2, sa rawa mo wasea ki na kalasi na veika e a tukuna o Moronai baleta na parofisai oqo ena nona sikovi Josefa Simici ena 1823 (raica na Josefa Simici—Ai Tukutuku 1:41). E rawa ni ra wasea na lewe ni kalasi na veika era vakila me baleta na parofisai ena Joeli 2:28 – 32 sa yaco tiko ena noda gauna oqo. Sa rawa talega mo ni veivosakitaka e sema vakacava na vosa i Elder DavidA. Bednar ena “iKuri ni iVurevure” kei na parofisai nei Joeli. Sa rawa mera veivosakitaka na lewe ni kalasi na cava e kena ibalebale vei ira mera vakila na sovaraki mai ni Yalo Tabu ena nodra bula ni veisiga. Na cava eda rawa ni cakava kevaka eda vakila ni da sega ni ciqoma tiko na sovasovaraki oya? E rawa vakacava ni da vukei ira na “[noda] gonetagane kei ira na [noda] goneyalewa” mera ciqoma? (tikina e28).

iKuri ni iVurevure

“E rawa ni da nuitaka na Yalo Tabu me dusimaki keda.”

Elder DavidA. Bednar:

“E vakawasoma ni da dau vakadredretaka tale vei keda vakai keda meda ciqoma na ivakatakila yadua. Vei au e kena ibalebale na yalayala ni veiyalayalati o ya, ni da dau doka na noda veiyalayalati, ena rawa me tiko ga kei keda na Yalo Tabu me noda itokani tiko. Ia eda dau tukuna ka raica, ni ka dau yaco vakavudua noda rogoca na domo ni Turaga mai vua na Yalona. … [Na Yalotabu] e dodonu me tiko ga kei keda ena veigauna kece. Sega ena veitiki ni sekodi lalai kece, ia kevaka e cakava tiko na nona vinaka duadua e dua na tamata—e sega ni gadrevi mo vinaka sara—ia kevaka o iko kei au daru sa cakava tiko na nodaru vinaka duadua ka daru sega ni cakava e dua na ivalavala ca bibi, sa na rawa kina vei kedaru me daru nuitaka na Yalo Tabu me na dusimaki kedaru tiko.…

“…E vaka me da vakabauta ni Yalo Tabu e cecere ka levu tu ga ka vakasauri, ia e dau lailai ka vinaka ka vakaikuritaki e veigauna. E sega ni dodonu mo kila ni o sa ciqoma tiko na ivakatakila ena gauna o sa ciqoma tiko kina na ivakatakila” (“Elder DavidA. Bednar na Veivosaki“[yakavi kei na Vakaitutu Raraba, 7 ni Fepe, 2020], kakaburaki. ChurchofJesusChrist.org).

Vakatorocaketaki ni Noda Veivakavulici

Dau veikidavaki. E dodonu mera kila na vuli ni o kauwaitaki ira kei na nodra tubu vakayalo. E dua na sala vinaka mo vakaraitaka kina na ka oqo vei ira oya ena nomu kidavaki ira ena yalololoma ni ra yaco ki na kalasi. (Raica na Veivakavulici ena iVakarau ni iVakabula, 15.)