Jona ena Matasawa e Ninive, mai vei Daniel A. Lewis. Lewis

21–27 ni Noveba

Jona; Maika

“Sa Taleitaka o Koya na Yalololoma”

Na saumaki tudei ena gadrevi vakalevu cake mai na lesoni katakata ni Vuli ni Sigatabu ena veimacawa tu yadua. Vakayaloqaqataka na kalasi mera vakasaqara mera sotava na veika vakayalo yadua ena loma ni macawa ena nodra bula taucoko.

Vola na Veika o Vakauqeti Kina

Sureta na Veiwasei

Vakasamataka mo vola na vosa oqo ena papa ni volavola: E dua na dina au a vakananumi kina, E dua na ka vou au vulica, kei na Dua na ka au via vulica rawa. Solia vei ira na lewe ni kalasi na gauna me ra railesuva kina na veika era vulica mai Jona kei Maika ka veiwekani kei na vosa ena papa ni volavola.

Vakavulica na iVunau

Jona 1–4; Maika 7:18–19

Sa yalololoma na Turaga vei ira era gole Vua.

Ni ra vakananumi na nomu kalasi ena yalololoma ni Turaga e rawa ni vukei ira me ra vakila na nona loloma ena vukudra ka vakauqeti ira me ra veivutuni. Sa rawa mo sureta na kalasi mera wilika na Maika 7:18–19 ka vola ena papa ni volavola eso na veika e yaco mai na Jona 1–4 e vakaraitaka ni taleitaka na Turaga na yalololoma. Na cava eso na ka o sotava me baleta na yalololoma ni Kalou eda na rawa ni wasea—mai na ivolanikalou se na noda bula?

Na sotavi ni yalololoma ni Turaga ena rawa ni vakauqeti keda meda dau yalololoma vakalevu cake. Oqo e dua na vakasama ena rawa ni vukei ira na lewe ni kalasi me ra vulica me baleta na yalololoma mai na ivola i Jona. E rawa ni o vola e dua na taro vakaoqo ena papa ni volavola: Na cava e rawa ni cakava na loloma cecere ni Kalou, me vaka e vakaraitaki ena Jona 1–4, me vakavulica vei au meu yalololoma vakalevu cake? Sa rawa ki na lewe ni kalasi yadua me digitaka e dua na iwase me railesuva ka vaqara kina na isau ni taro. Solia vei ira na lewe ni kalasi na gauna me ra raica kina na madigi eso me ra vakaisosomitaka kina na ivakarau ni veivakalewai ena yalololoma vei ira vakai ira se so tani tale.

E rawa ni da wasea na kosipeli vei ira na luve ni Kalou.

Jona1; 3–4

Era gadreva kece na luve ni Kalou me ra rogoca na kosipeli.

• E dua na sala me tauri kina na lesoni mai na italanoa kei Jona o ya me vakatauvatana kei na nodra itukutuku na daukaulotu ena iVola i Momani. Vakasamataka mo bulia e rua na kolomu ena papa ni volavola vata kei na ulutaga oqo Jona kei na Alama kei iratou na luvei Mosaia. Sureta na kalasi mera veidutaitaka na ivakarau nei Jona me baleta na nodra vakavulici na kai Ninive (raica na Jona1; 3–4) ena nodra ivakarau na luvei Mosaia me baleta na nodra vakavulici na Leimanaiti (raica na Mosaia 28:1–5; Alama 17:23–25). Na cava eda vulica mai na cakacaka oqo baleta na wasei ni kosipeli vei ira kece na luve ni Kalou?

• Me vakataki Jona, e vuqa vei keda ena vakila beka na lomalomarua me sureti ira na tani me ra gole vua na Turaga. Na cava beka na vuna e dro tani kina o Jona mai na nona veikacivi me vunauci ira na kai Ninive? Na cava eda dau rerevaka kina na wasea na kosipeli? Sa rawa mera wasea na lewe ni kalasi na sala eso a vukei ira kina na Turaga mera vorata rawa na nodra lomalomarua. Na ivakasala nei Peresitedi HenryB. Eyring ena “iKuri ni iVurevure” ena rawa ni vukei ira na lewe ni kalasi mera kila na ivakavuvuli e rawa ni soli kaukauwa ena noda sasaga me wasea na kosipeli.

Maika 6:6–8

“Ka cava tale e gadreva vei iko na Turaga?”

• Maika 6:6 – 7 e tukuni kina e vica na tiki ni ivakarau vaka Jiu makawa. Ia eso na ka e bibi cake vua na Kalou mai na ivalavala vakalotu e taudaku. Sureta na lewe ni kalasi mera raica na veika bibi oya era tiko ena tikina8. Sa rawa mera raica na lewe ni kalasi na vosa bibi ena tikina oqo ka veivosakitaka na ibalebale ni vosa yadua. Sa rawa mera qai digitaka na nodra vosa taleitaki, raica na ivolanikalou veisemati ena iDusidusi ki na iVolanikalou se dua na serenilotu veisemati ena Serenilotu, ka wasea na veika era sa vulica. Na cava era bibi kina na ivakavuvuli eso oqo vua na Turaga?

iKuri ni iVurevure

Loloma, ivakaraitaki, kei na ivakadinadina.

Ni oti na veivosakitaki ni ivakaro nei Jona vei ira na kai Ninive, o Peresitedi HenryB. Eyring e a wasea na gauna e a solia kina o tinana e dua na ivakaro:

“Au se nanuma tiko ga oqo na nona a vosa vakamalua vei au o tinaqu ena dua na yakavi ni Vakarauwai, niu se gonetagane lailai, au kerea vua meu laki cakava e dua na ka au nanuma ni rawarawa wale tu ga, ia e kila tu o koya ni rerevaki sara. Au se qoroya tu ga qo na kaukauwa a soli vua, kau vakabauta ni mai vua na Turaga, me vukici au ena vica wale sara na vosa. Au se nanuma tikoga ni vaka-koto oqo: ‘Oi, Au vakabauta ni o rawa ni cakava o ya. Ia na digidigi sa nomu.’ Na veivunauci e vakabibitaki sara toka ga ena vosa sa rawa kei na digidigi. Ia sa rauti au sara ga oya.

“Na nona kaukauwa me veivunauci ena vica walega na vosa e basika mai na tolu na ka au kila me baleti koya. iMatai, au kila ni o koya e lomani au. iKarua, au kila ni sa cakava oti o koya na ka e vinakata meu cakava ka vakalougatataki kina. Kena ikatolu, sa vakadewataka mai vei au o koya ni sa nona ivakadinadina na bibi ni noqu digidigi ena tukuna mai vei au na Turaga na ka meu na cakava, kevaka meu kerea Vua. Loloma, ivakaraitaki, kei na ivakadinadina: oqori na idola ena siga oya“ (”E Dua na Domo ni Veivakaroti,“ Ensign, Nove. 1998, 32).

Vakatorocaketaki ni Noda Veivakavulici

Vakarautaki iko. Na veivakavulici kaukauwa ni kosipeli e tekivu ena noda vakarautaki keda. Ni bera ni o vakarautaka na nomu lesoni, vakanamata ena nomu vakasinaita na yalomu ena Yalo Tabu ena vuli kei na masu vakaibalebale. (Raica na Veivakavulici ena iVakarau ni iVakabula, 12.)