“Nobembwa 7–13. Otea 1–6; 10–14; Ioera: ‘N na Tangiria ni Boni Kan Tangiria,’” Nakomai, Iriirai—Ibukin te Reirei n Tabati: O Tetemanti 2022 (2021)
“Nobembwa 7–13. Otea 1–6; 10–14; Ioera,” Nakomai, Iriirai—Ibukin te Reirei n Tabati: 2022
Nobembwa 7–13
Otea 1–6; 10–14; Ioera
“N na Tangiria ni Boni Kan Tangiria”
Ngkai ko kamatebwai ao ni katauraoi n te wiki aei, iangoia bwa tera rongorongo aika tamaroa man kakaunga man ana boki Otea are e na tobwai kainnanoia nake ko reireinia.
Korei Am Namakin
Kaunga te Tibwatibwa
Kaungakia kaain te kiraati bwa a na tibwaa are a reiakinna n te wiki aei, ko kona kaoiia bwa a korea teuana te taeka ke raka riki are teke iai nanoia i nanon aia tai ni kamatebwai. Ngkanne a kona n tibwatibwa bwa bukin tera e teke iai nanoia. Taka aikai a kona n riki bwa kaira te marooro ni kabanea.
Reirei te Reirei
N tainako ao E kaoira te Uea bwa ti na nako Ina.
-
Ko kona ni waakina maroroakinan Otea 1–3 man korean te taeka ae mare iaon te burakiboti ao tuangiia kaain te kiraati bwa a karekei taeka ake a irekereke ma te mare. N te aro raa ae a titebo karaoan te berita ae tabu ma te Atua ao karaoan te mare? Bukin tera uruan te berita ae tabu kanga te aki kakaonimaki nakon te kainnaba? (tara Otea 2:5–7,13). Ngkanne a kona kaain te kiraati ni maroro iaon ana reitaki Otea ao Koma are e kabotaua te reitaki imarenan te Uea ao Ana aomata. Tera kanoan Otea 2:14–23 ao Otea14 ae reireira aron ana tangira te Uea ao ana nanoanga? Ti kanga ni kaota ara tangira ao ara kakaonimaki nakon te Uea?
-
Otea14 e kabwarabwarai tabeua berita aika tamaroa ake e karaoi te Uea nakon te bata ae Iteraera ngkana a okiria. Tao a kona kaain te kiraati ni kakaei kabwarabwara aikai i nanon te mwakoro aei. Tera ae taekinna te Uea bwa E na karaoia? Tao e na tera nanon taeka aika “ni bon kan tangiria? (kibu4). Tera ae e reirei kabotau aika aroka i nanon kibus 5–8 iaon ana kakabwaia te Uea nakoira, n reitaki ma te kakabwaia ae te rairannano?
Koma ae korakora iai te bure, are e tei ibukin Iteraera, e anganaki kamaiuana iroun te Uea. Korobanna iroun Deb Minnard, e kariaiakaki mairoun goodsalt.com
Te kakaonimaki nakon te Atua e riai n riki n te nano, ao n aki tii noraki n te mwakuri.
-
Otea 6:6 ao Ioera 2:12–13 a katerea tiringaia maan ao raeuakan kunnikai bwa kanikinaean te rawawata. E ngae ngke a aki rangi n ataaki waaki aikai, a kona kiiu aikai ni karekea te maroro bwa tera te kabanea ni kakaawaki iroun te Uea. Kam kona ni wareka Otea 6:6 ao maroro bwa tera ae nanonaki n te kibu aei. Kaoiia tabeman kaain te kiraati bwa a wareka Mataio 9:10–13 ao tekorakina bwa a wareka Mataio 12:1–8. Then class members could teach each other how these events in the Savior’s ministry help us understand the principle taught in Otea 6:6. Ti na kanga ni karaoa nanon te reirei aei ni boong aikai?
Kam kona naba ni wareka Ioera 2:12–13 ao marorokinna bwa tao tera nanon raeuaka nanora ao tiaki tii kunikaira. Tera ae ti reiakinna man kiibu aikai iaon aron te riki bwa ana reirei ni koaua Iesu Kristo?
“N na nurakina tamneiu I aoia aomata ni kabaneia.”
-
Waakinan te maroro iaon Ioera2, ko kona n tibwaa te bwai are e taekinna Moronaai ibukin te taetae ni burabeti aei ngke e kawara Iotebwa Timiti n 1823 (tara Iotebwa—Rongorongo 1:41). A kona kaain te kiraati n tibwa aia namakin iaon taetae ni burabeti aika n Ioera 2:28–32 ao koron bukiia ni bong aikai. Ko kona naba n maroroakina aron ana taeka DavidA. Bednar’s n “Bwaai ni Ibuobuoki riki Tabeua” irekereke ma ana taetae ni burabeti Ioera. A kona kaain te kiraati ni maroro bwa tera nanon namakinan bwaronakon te Tamnei ae Raoiroi n aia bong koraki. Tera ae ti kona ni karaoia ngkana ti aikoa karekea bwaronakona? Ti na kanga ni buokiia “[aman] natira mmwaane ao [aman] naati aine n” karekea? (kibu28).
Bwaai n Ibuobuoki Riki Tabeua
“Ti kona ni onimakina te Tamnei ae Raoiroi bwa e na kairiira.”
Unimwaane DavidA. Bednar e reirei:
“Bon ngaira ae ti taraia bwa e matoatoa aron karekean te kaotioti ibon iroura. Man anne, te berita bwa ngkai ti karinei ara berita aika tabu, e na kona n reke iroura raonakira iroun te Tamnei ae Raoiroi bwa raora n tainako. Ao ti marorokinna ao ti taraia bwa bwanaan te Uea rinanoia te Tamnei ae Raoiroi n tai ae karako aei .… E riai te [Te Tamnei] ni memena iroura n tainako. Tiaki n teekan nako, ma ngkana e karaoa ana kabanea n tamaroa teuanne ke neienne—e aki kainnanoa te kororaoi—ngkana ngkoe ma ngai ti karaoa ara kabanea n tamaroa ao ti aki urui tuua aika rawawata, ngkana ti kona n onimakina te Tamnei ae Raoiroi bwa e na kairiira.…
“…Taraan ae ti kakoaua bwa te Tamnei ae Raoiroi e bati arona, ao e bubura ao ngkainaba, ma ngkana e maraara man uarereke ao rikirake teutana imwin teutana. Ko aki kainnanoia bwa ko na kinaa ae ko karekei kaotioti n te tai are a roko iai iroum kaotioti” (“Unimwaane DavidA. Bednar” [te tairiki ma te Mataniwi ni Kabuta, Beberuare.7, 2020], broadcasts.ChurchofJesusChrist.org).
Kanakoraoan Ara Anga reirei
Bwaina te bubutimwaei. A kainnanoia naake ko reiakinia bwa a na ataia ae ko tabe ibukiia ao rikirakeia n te maiu n tamnei. Teuana te kawai ae tamaroa bon man kamaurakiia n ae mwaitoro n te tai are a roko iai n te kiraati. (Taraa Teaching in the Savior’s Way, 15.)