Iona iaon Biken Ninewe, iroun DanielA. Lewis

Nobembwa 21–27

Iona; Mika

“E Kukurei ni kan Atataiaomata”

Te rairaki ae teimaan e kainnanoa ae raka riki nakon te Reirei n Tabati ae tamaroa are tao wiki. Kaungaia kaain te kiraati bwa a na ukori waaki aika tabu i nanon maiuia.

Korei Am Namakin

Kaunga te Tibwatibwa

Iangoa korean taeka n aron aikai iaon te burakibooti: Te koaua ae e roko n au ururing, Te bwai ae boou ae I reiakinna, ao Te bwai ae I tangiria riki ni kamatebwaia. Angania aia tai kaain te kiraati bwa a na manga tarai baike a reiakin n Iona ao Mika are e irekereke nakon taeka ake iaon te burakibooti.

Reirei te Reirei

Iona 1–4; Mika 7:18–19

E nanoanga te Uea nakoia aomata ni kabane ake a nako Ina.

Kauringakiia kaain am kiraati ana nanoanga te Uea e kona ni buokiia n namakina Ana tangira ibukiia ao ni kaungaia nakon te raira n nano. Ko kona ni kaoiia kaain te kiraati bwa a wareka Mika 7:18–19 ao korei tabeua rongorongo man Iona 1–4 are kaota kukurein te Uea n te nanoanga. Tera riki rongorongo ake a oti iai ana nanoanga te Uea—man koroboki aika a tabu ao oin maiura?

Karekean ana nanoanga te Uea e kona n kaungaira bwa ti na bwaina te nanoanga. Aio teuana te iango ae kona ni buoka kaain am kiraati n reiakina te nanoanga man ana boki Iona. Ko kona ni korei titiraki n aron aikai iaon te burakibooti: Tera ae reireiai ana nanoanga te Atua Iona 1–4, ibukin bwainakin te nanoanga? A kona kaain te kiraati n tatabemaniia n rinea te mwakoro ae a na warekia ao n tarai kaeka nakon te titiraki aei. Anga te tai nakoia kaain te kiraati bwa a na tarai taai inanon maiuia are a onea iai mwin anua ni motikitaeka nakon aaro n nanoanga bon nakoia ao tabeman.

Ti kona n tibwaua te euangkerio ma natin te Atua.

Iona1; 3–4

Ni kabane natin te Atua a kainnanoia n ongora te euangkerio.

• Teuana te kawai ni karekei reirei man karakinan Iona bon kabotauana ma rongorongoia mitinare n ana Boki Moomon. Iangoa karaoan uoua atuu iaon te burakibooti ma atuu aika Iona ao Aramwa ao Natin Motiaea. Kaoia kaain te kiraati bwa a na tara okoron ana taratara iaon reireiaia aomatan Ninewe (tara Iona1; 3–4) ao aia taratara natin Motiaea iaon reireiaia Reimwanaite (tara Motiaea 28:1–5; Aramwa 17:23–25). Tera ae ti reiakinna man te mwakuri ni kauring aei iaon tibwaan te euangkerio man natin te Atua ni kabane?

• N aron Iona, e mwaiti iroura ae taua baina man kaoakiia tabeman bwa a na rairaki nakon te Uea. Tera tabeua bukina ngkai e birinako Iona man weteana ni kauringiia aomatan Ninewe? Tao tera bukina ngkai ti taua baira man tibwauan te euangkerio? A kona kaain te kiraati n tibwauai kawai are e buokiia iai te Uea n tokanikai iaon tauan baia. Ana taeka n reirei Beretitenti HenryB. Eyring inanon “Bwaai ni Ibuobuoki riki Tabeua” e kona ni buokiia kaain te kiraati ni katebenakoi reirei ake a kakorakora ara waaki n tibwaua te euangkerio.

Mika 6:6–8

“Tera ae kainnanoia te Uea mai iroum?”

• Mika 6:6–7 e mwanewei tabeua aron aia waaki Iutaia ngkoa. Ma tabeua bwaai a kakaawaki riki nakon te Atua nakon aron waakinan mwakuri aika mimitong. Kaoiia kaain te kiraati bwa a na kakaei bwaai aika kakaawaki i nanon kibu8. Tao a kona kaain te kiraati ni katebenakoi oi n taeka n te kibu aei ao ni maroroakinna bwa tera nanoia. A kona n rinea aia taeka ae a nano iai, a ukorii kiibu ake a irekereke i nanon Kairi nakon Koroboki aika a tabu ke te anene n taromauri ae irekereke n te hymnbook, ao n tibwaa are a reiakinna. Bukin tera a kakaawaki reirei aikai nakon te Uea?

Bwaai n Ibuobuoki Riki Tabeua

Te tangira, te banna ni katoto, ao te koaua.

Imwin maroroakinan ana kauring Iona nakoia aomatan Ninewe, Beretitenti HenryB. Eyring e tibwa te tai are e anganaki iai te kauring iroun tinana:

“I teimatoa ni kona n uringa ana taeka tinau ae amarau nakoiu ni bwakantaain te Kaonobong ngke, te ataeinimwaane ngai, I bubuti ana kariaia bwa n na karaoa te bwai ae I iangoia bwa e tamaroa ao are e ataia bwa e kakamaaku. I bon miimi n te mwaaka are i rouna, I kakoaua bwa mairoun te Uea, ni kaokai n taeka aika uarereke. N aron au ururing, a kangai: ‘Eng, Irou ngai ko kona ni karaoa anne. Ma te rinerine bon inaomatam.’ E mena te kauring ni katuruan taeka aika kona ao rinerine. Ma anne e bon tau ibukiu.

“Korakorana n anga te kauring n taeka aika uarereke e roko man teniua bwaai ae I noria irouna. Te moan, I ataia e tangirai. Te kauoua, I ataia bwa E a tia ni karaoi baike e tangirai bwa n na karaoi ao e tia ni kakabwaiaaki iai. Ao te kateniua, e a tia ni katerea nakoiu ana koaua ae nene bwa te rinerine are N na karaoia e bon rangi ni kakaawaki n te aro are te Uea e na tuangai arou ngkana I butiia. Te tangira, te banna ni katoto, ao te koaua: aikai bon taian kiing n te bong arei” (“A Voice of Warning,” Ensign, Nov. 1998,32).

Kanakoraoan Ara Anga reirei

Katauraoiko. Te anga reirei te euangkerio ae tamaroa e moanaki man katauraoara. Imwain kataraoan am reirei, kabanea am iango ni kaonakain nanom n te Tamnei ae Raoiroi rinanon te kamatebwai ao te tataro. (Tara Teaching in the Savior’s Way, 12.)