“Nakonakona Ai Aron Ake Ngkoangkoa” (Abakuka 3:6). N te Moan bon te Rokou, iroun Eva Timothy

Nobembwa 28–Ritembwa4

Naum; Abakuka; Tebania

“Nakonakona Ai Aron Ake Ngkoangkoa”

Bannam ni kamatebwai n te euangkerio e kona ni kakabwaiaia kaain am kiraati. Tibwaia nakoia bwa e kanga te Tamnei ae Raoiroi ni buokiko ni mataata ni koroboki aika tabu, ao kaota te aki nanokokoraki bwa E na buokiia naba.

Korei Am Namakin

Kaunga te Tibwatibwa

Anganakia kaain am kiraati te tai n tibwai nonori man aia kamatebwai ni koroboki aika a tabu, ko kona ni korea Naum, Abakuka, ao Tebania bwa atuu n iango iaon te burakibooti . Ngkanne a kona ni korea teuana ke raka riki te taeka are e teke nanoia iai ao te mwakoro ma te kibu are a kunea iai. Angania aia tai bwa a na kabwarabwara oin bukina ngkai a teke nanoia n taeka aikai ao tera ae a reiakiniia te Tamnei ae Raoiroi.

Reirei te Reirei

Naum1

E korakora te Uea ao e nanoanga naba.

• Te kamataata n te wiiki aei i nanon Nakomai, Iriirai—Ibukin Aomata n Tatabemaniia ao Utu e kaunga ukoran Naum1 ibukin kiibu are e kabwabwara aron te Uea. Ko kona ni tuangiia kaain te kiraati bwa tera ae a reiakinna iaon te Uea man oin aia kamatebwai. N aron te katoto, tera ae ti reirei n taekana man kiibu 1–9? Ko kona ni katerea bwa ana taetae ni burabeti Naum bon te motikitaeka nakon Ninewe, atuun kawan Atiria, ao bwa Atiria e karawawataia tibun Iteraera inanon ririki aika mwaiti. Bukin tera e kakawaki irouia kaain Iteraera bwa a na ongo ana rongorongo Naum ibukin te Atua? Bukin tera e kakawaki naba ibukira ni bong aikai?

  

  “E raoiroi te Uea, te nangoa ae matoa n tain te kiriwe” (Naum 1:7).

Abakuka 1:1–4; 2:1–4;3

Ti kona n onimakina nanon te Uea ma Ana tai.

• E na ibuobuoki nakoia kaain te kiraati ataakin ae, n aron ae riki irouia ae mwaiti, E kakiriweaki Abakuka n te bwai are e noria n te aonaba. Tao a kona kaain te kiraati ni wareka Abakuka 1:1–4 ao ni kakimototoa ana raraoma Abakuka. A kona naba ni kabotaua ana titiraki ma tabeua titiraki ni koroboki aika tabu, n aron ake a kuneaki i nanon Mareko 4:37–38 ao Reirei ao Berita aika Tabu 121:1–6. Tera naba titiraki n aron ake i eta ae a titiraki aomata ibukin te Atua? What counsel did the Lord give in Abakuka 2:1–4 that helps you trust His will and timing? (see also Mareko 4:39–40; Reirei ao Berita aika Tabu 121:7–8). A kona kaain te kiraati ni karekei nonoori i nanon “Bwaai ni Ibuobuoki riki Tabeua.” A kona naba n tibwa aron te Tia Kamaiu ni buokiia n “maiu n [aia] onimaki” e ngae ngke iai aia titiraki aika tuai reke kaekaaia.

• Moanan te maroro n Abakuka3, ko kona ni kaoiia kaain te kiraati bwa a manga wareka te mwakoro ao n tibwai takea n nebonebo ao n onimaki. Buokakiia n kauaei taeka aikai ni maiuia, ko kona ni kaoiia ni kabane kaain te kiraati bwa a korei kakabwaia ake a tia n anganaki iroun te Atua. Kaoiia bwa a iangoia bwa tera ae na riki ngkana e bua tabeua aia kakabwaia n te maiu n rabwata. Bootaki wareka Abakuka 3:17–19, ao maroro bwa bukin tera e matoa te “kimwareirei inanon te Uea” (kibu18) inanon kangaanga n aron ake a oti n kibu17. Ti na kanga ni karekea te onimaki n ai aron Abakuka?

Tebania 3:14–20

E na kukurei te Uea ma Ana aomata i Tion.

• Buokakiia kaain te kiraati ni karekea te kaantaninga ibukin taai aika a na roko i nanon Tebania 3:14–20, ko kona ni korea aei n te burakibooti “Kukurei ao kimwaireirei ma nanomi ni kabanea” ibukina bwa… Ngkanne a kona kaain te kiraati ni ukori kiibu aikai ngkana iai kakabwaia are kona ni buoka kukureia n te tai aei. E na kanga te Uea ni buokiira berita aikai inanon taai ni kangaanga?

Bwaai n Ibuobuoki Riki Tabeua

Te onimaki on onimakinan wanawanan, ana tangira, ao ana tai te Atua.

Unimwaane JeffreyR. Holland e taku:

“Maanra riki ara tataninga imwain ae ti kainaomataaki man kanganga ake a roko iaora? Tera ae tina karaoia n teimatoa inanon kataakira ngkai ti tataninga man tataninga, ao te ibuobuoki e tara n rang n iremwe n roko? Bukin tera ngkai iai te waeremwe ngkai uotara a tara n rang ni mwaiti riki nakon are ti kona n uoti?…

“…E na iai te tai inanon maiura are ara kekeiaki ni maiura n tamnei ae moan te tamaroa, ao ara bubuti n tataro mai inanora a aki karekea te tokanikai are ti a tia ni bubuti ibukina, bwa tao bwaai ake a kaineti ma te bwai ae riki n te aonaaba ke ake a uarereke ake a onoti ibukim. Ngaia are ngkai ti ikotaki ni mwakuri ao n tataningai kaeka nakon ara tataro tabeua, I angani ngkami au berita n abotoro bwa a bane n ongoraeaki ao a bane ni kaekaaki, e ngae ngke tao e aki riki n taina ke n aron are ti tangiria. Ma n tainako a kaekaaki n te tai ao n te kawai are ara karo aika ataibwai ao n reitinako aia nanoanga e kaekai iai.…

… Te onimaki nanona onimakinan te Atua n tai aika raraoi ao aika a bubuaka, riki ngkana e raonaki ma teutana te korakai ni karokoa ti noora Baina ni kaoti ibukira.” (“Waiting on the Lord,” Riaona, Nobembwa 2020, 115–16).

Kanakoraoan Ara Anga reirei

Tabeki titiraki ake karioa te iango. Ngkana ko titirakinia kaain aia kiraati aia waaki ma koroboki aika tabu, “Taraia bwa a ataia ae ko aki kakaea te reke ae tii teuana ao bwa ko rangi ni kan ataa are a tia n reiakinna” (Teaching in the Savior’s Way, 29). Ibukin katoton titiraki aika a karioa te iango Teaching in the Savior’s Way, 31–32.