Laie Hawaii Tembora

Ritembwa 5–11

Akai; Tekaria 1–3; 7–14

“E tabu bwa Ana bwai Iehova”

Ngkai ko kamatebwaia Akai ao Tekaria, iangoia bwa ko na kanga ni buokiia kaain te kiraati ni kauaei taetae ni burabeti aikai.

Korei Am Namakin

Kaunga te Tibwatibwa

A kona kaain te kiraati n tibwai kibu man Akai ao Tekaria ake a iangoi ke a maroroakini ma tekorakina n te wiki aei ao marorokina aron aia ibuobuoki kibu aikai bwa a na kaan riki nakon te Uea.

Reirei te Reirei

Akai1; 2:1–9

“Kam na iangoi aroaromi.”

• Te reirei i nanon Akai1 e kona ni buokiia kaain te kiraati n tarai baika a moanibwai irouia. Ko kona ni kaoiia bwa a na wareka Akai 1:1–7 ao ni katebenakoi aroia aomata i Ierutarem n aki moanibwaia baike e tangiria te Uea bwa a na karaoi. Tera tabeua bwaai ae tua nakoira te Uea bwa ti na moanibwaii i nanon maiura? Tera ae kona ni kamabubua ara taratara iroun Tamara are i karawa ao te Tia Kamaiu ma Nanoia? Tao a kona kaain te kiraati n tibwai rongorongo ake e a tia ni buokiia n “iangoi aroaro[ia]” ao baika a moanibwaii irouia.

• Ni buokiia kaain te kiraati ni iangoa aroia ni kakorakora aia iango iaon nanon te Uea, ko kona n tuangia bwa a wareka Akai 2:1–9. Tera ana taeka te Uea ae e a tia n anga ae kona ni buokiira ni karaoa Ana mwakuri? A kona kaain te kiraati n tibwa aroia ni moanibwaia nanon te Uea i nanon maiuia i nanon karaoan tibwangaia aika bati aika a kakaawaki naba. Tera ae reirei Akai 2:1–9 n aron ana kakabwaia te Uea nakoira ngkana ti moanibwaia i nanon maiura? (tara naba “Additional Resources”). Anga te tai nakoia kaain te kiraati bwa a na korei baike a tei irouia bwa a na karaoi man te maroro aei.

Tekaria 1–3; 7–8;14

E kona te Uea ni katabuira.

• Moana te maroro iaon te taeka ae tabu, kam kona ni wareka Tekaria 14:20–21. A kona kaain te kiraati n tibwai aia iango iaon te kibuntaeka ae “E tabu bwa Ana bwai Iehova”. Tera ae na riki irouia aomata ngkana a nora te kibuntakea ae “E tabu wa Ana bwai Iehova” bwa e koreaki iaon bwaai ni kabane? Tera are ae e riki iroura ngkana ti nora aei iaon taian tembora? Ngkanne a kona kaain te kiraati ni wareka Tekaria 1:1–6; 3:1–7; 7:8–10; 8:16–17 ao ni marorokina are a reiakinna iaon te taeka ae tabu. Bukin tera e kakaawaki aron tabura iroun te Uea? E kanga ni buokiira bwa ti na katabuaki?

• A kona kaain te kiraati n taraa Tekaria 2:10–11; 8:1–8; 14:9–11, 20–21 ao n tibwai aia iango bwa e na tera aron te maiu ma te Tia Kamaiu n te aro ae tabu. E kanga ni katauraoira te Uea ni maiu inanon te aeka ni waaki are e kabwarabwara Tekaria? Ti na kanaga ni kareka Mwaakana are e na buokiira bwa ti na tabu riki?

“Noria, E nako im am Uea: e raoiroi, ao iai i Rouna te kamaiu; E nimamanei, ao E toka i aon te aati” (Tekaria 9:9). Triumphal Entry, [Rin n Tokanikai], iroun Harry Anderson

Tekaria 9:9–11; 11:12–13; 12:10; 13:6–7

Iesu Kristo bon te Mesia are e taetae ni burabetiaki.

• Buokaia kaain te kiraati n nora reitakin ana taeka Tekaria ma maiun te Tia Kamaiu, n aroia aomata ngke e maiu Iesu, ko kona ni bwenaua te kiraati nakon uoua te kurubu. Angania kaain te moan kurubu teuana man kibu aikai: Tekaria 9:9–11; 11:12–13; 12:10; 13:6–7. Angania kaain te kurubu are teuana teuana man kibu aikai: Mataio 21:1–11; 26:14–16; 26:31; Ioane 19:37. A kona kaain te kiraati ni kakaea temanna man te kurubu are teuana ae e titebo aia kibu ma are irouia. Tera ae ti reiakinna n rongorongon te Tia Kamaiu man kiibu aikai?

• Buokaia kaain te kiraati n iangoa Tekaria 9:9–11, ko kona ni kaota tamnein rinnakon Iesu n tokanikai i Ierutarem (tara this week’s outline i nanon Nakomai, Iriirai—Ibukiia Aomata n Tatabemaniia ao Utu). Ke kaota te tamnei ae “The Lord’s Triumphal Entry into Jerusalem” (ChurchofJesusChrist.org). A kona kaain te kiraati ni maroro bwa tera te namakin ngke arona bwa tao ko raonia aomata ake a butimwaea Iesu nakon aia kaawa. Ti na kanga ni butimwaeia nakon maiura, mwengara, ao ara kaawa?

Bwaai n Ibuobuoki Riki Tabeua

“Kam na iangoi aroaromi.”

Imwin warekan Akai 1:4–7, Unimwaane TerenceM. Vinson e reirei:

Ti kona n namakina te kimwareirei ae reitinako ngkana ti karika ara tia Kamaiu ao Ana euangkerio bwa aan maiura are ti kateitei iaona. E ngae n anne, e bon bebete bitakin te kateitei anne nakon bwain te aonaaba, ike te euangkerio e a riki bwa ai te kauoua ni bwai, ke n ti kaeakin te taromauri ibukin uoua te aoa n te Tabati. Ao ngkana ngaia aei, e rianako kakaawakina bwa ti na karina ara bwakabwai inanon ‘te baeki ae bwangabwanga.’

“E tuangira Akai bwa ti na karaoa te motinnano.…

“Bon akea te kaubwai, ke mamaten te nano, ke te kinaaki, ke tabo n reitaki n te intanete, ke takakaro n te witeo, ke te takakaro teuana, ke te reitaki ma te aomata ae rang kinaaki, ke te bwai teuana iaon te aonaba ae kakawaki riki nakon te maiu ae akea tokina. Ngaia are ana taeka n reirei te Uea nakoia aomata n tatabemaniia ‘tarai kawaim nako’” (“True Disciples of the Savior,” Riaona, Nobembwa 2019, 9,11).

Kanakoraoan Ara Anga reirei

Kakauongo. Te kakauongo bon te mwakuri n tangira. Teuana te kawai ni kaota te nano n ongora bon taraakin ane e taetae. Aio e anganiko te kona n nori reitaki ake a oti n taraan te aomata. (Taraa Teaching in the Savior’s Way, 34.)