“Ritembwa 5–11. Akai; Tekaria 1–3; 7–14: “E tabu ba Ana bai Iehova’” Nakomai, Iriirai–Ibukiia Aomata n Tatabemaniia ao Utu: Te O Tetemanti 2022 (2021)
“Ritembwa 5–11. Akai; Tekaria 1–3; 7–14,” Nakomai, Iriirai–Ibukiia Aomata n Tatabemaniia ao Utu: 2022
Laie Hawaii Tembora
Ritembwa 5–11
Akai; Tekaria 1–3; 7–14
“E tabu ba Ana bai Iehova”
Warekan booki aika tabu e kaoa te kaotioti. Tatauraoi ni butimwai rongorongo ake e kaoti nakoim te Tamnei ae Raoiroi ngkai ko wareka Akai ao Tekaria.
Korei Am Namakin
Imwiin irabwi n ririki n tautaekanaki, kurubu mai Iteraera, tao n ikotaki ma te burabeti are Akai ao Tekaria, a kariaiakakai bwa a na okira Ierutarem. Tabeman man te kurubu aei a uringnga aron taraan Ierutarem imwain are e urubekeaki. Iangoa aia namakin ngke a nora barietaatan mwiin uruaki are bon aia auti ngkoa, aia tabo n taromauri, ao aia tembora. Irouia naake a titiraki bwa e na kona ni manga katea ana auti te Uea “auti ni moan mimitongina” (Akai 2:3), te burabeti Akai e taetae n ana taeka te Uea ni kaunganano: “Kam na bane ni korakora, ngkami aika aomatan aon te aba ni kabaneingkami, bon ana taeka Iehova, ao kam na mwakuri bwa I memena iroumi … kam na tai maaku.” “E na mwaiti riki mimitongin te mwaneaba aei, … ao N na anga te rau nakon te tabo aei.” (Akai 2:4–5, 7,9.)
Ma tiaki tii te tembora ae mimitong are e kainnanoa manga kateana. N aro aika a bati, ana aomata te Atua a uruaki maiun tamneia. Ao manga kateaia aomata aika tabu e tangira riki iaon ae tii katokaan taian atibu ao kaboraoakiia ni katean oon te tembora. Ni bong aikai, tembora a kaota te kabwarabwara “E tabu ba Ana bai Iehova,” ao taeka akanne a aki tii kaineti nakon kateitei ma nakon aron te maiu. Korean taeka aikai iaon “beero iaon te aoti” ao “ni kabane bwaata i Ierutarem” (Tekaria 14:20–21) e ibuobuoki ti ngkana a koreaki naba iaon naano ni kabane. Te mimitong ni koaua e kainnanoia bwa ana taeka te Uea ao ana tua “a na taui” (Tekaria 1:6) inanora, ni kariaia Mwaakana bwa e na biti arora bwa ti aonga ni kona n riki ni mimitong n ai Arona. (taraa Nakoaia Ibonga 19:2).
Ibukin rinanoan aia boki Akai ao Tekaria, taraa “Akai” ao “Tekaria” n te Rikitinari n te Baibara.
Iango ibukin te Kamatebwai i bon Iroum ni Koroboki aika Tabu
“Kam na iangoi aroaromi.”
A rang ni mwaiti bwaai aika a kakaawaki aika a na karaoaki ibukin manga katean Ierutarem. Ma tao imwiin 15 te ririki n nako imwin okiia kain Iteraera, te Uea e nanokawaki bwa manga katean te tembora e aki rangi ni moanibwaiaki (taraa Akai 1:2–5; taraa naba Etira 4:24). Ngkai ko wareka Akai1; 2:1–9, iangoi titiraki n aron aikai: Tera ae e reke nakoia kain Iteraera are a kaitaraa ibukin ae aki katia te tembora? Tera kakabwaia ae e berita iai te Uea nakoia ngkana a katia katean Ana auti? Ko kona n ana te tai aei bwa “kam na iangoi aroaromi”—n iangoa am moanibwai ao kona kanga ni katitebooi ma are iroun te Uea.
Taraa naba Reirei ao Berita aika Tabu95; TerenceM. Vinson, “True Disciples of the Savior,” Ensign ke Riaona, Nobembwa. 2019, 9–11.
Te Uea e kona ni kamimitongai.
Titita CarolF. E reirei McConkie: “Ae mimitong bon karaon te rinerine are e na kawakina te Tamnei ae Raoiroi bwa te tia kairiira. Ae mimitong bon katukan te aro n aomata ao n riki bwa ‘te aomata ae itiaki rinanon ana mwakuri ni kamaiu Kristo ae te Uea’ [Motiaea 3:19]. … Ara kantaninga ibukin te mimitong e boboto iaon Kristo, n Ana atataiaomata ao Ana akoi” (“The Beauty of Holiness,” Ensign ke Riaona, Meei 2017, 9–10). Kawakin reirei aikai n am iango ngkai ko wareka ana taeka te Uea, ake e anga rinanon te burabeti Tekaria, ni butiia Iteraera bwa a na riki n tabu: Tekaria 1:1–6; 3:1–7; 7:8–10; 8:16–17. Tarai bwaai ake e tua te Uea nakoia Iteraera bwa a na karaoi bwa E aonga ni karikiia bwa ana tabu. E kanga ni buokiko bwa kona mimitong riki?
Tekaria 2:10–11; 8:1–8; 14:9–11, 20–21 e kabwarabwara bwa aekakira aron te maiu ni boong aika a na roko ngkana ti bane ni maeka ma te Uea n te tabo ae mimitong. Tera nanon kabwarabwara aikai nakoia naake a manga katea Ierutarem n ana tai Tekaria? Tera ae nanonaki iai aikai nakoim?
“Nooria, e nakoim am Uea: e raoiroi, ao iai irouna te kamaiu, e nimamannei ao e toka iaon te ati” (Tekaria 9:9). Te Rin n Tokanikai, iroun Harry Anderson
Tekaria 9:9–11; 11:12–13; 12:10; 13:6–7; 14:1–9
Iesu Kristo bon te Metia are e a kaman taekinaki n te berita.
Tabeua man ana koroboki Tekaria e katerea ana mwakuri iaon te aba Iesu Kristo ao ana Tai naba ni Manga Oki. Kabotaua taetae ni burabeti aika mai iroun Tekaria ma kibu man booki tabeua man koroboki aika a tabu:
-
Tekaria 9:9–11 (taraa Mataio 21:1–11; 1Betero 3:18–19)
-
Tekaria 11:12–13 (taraa Mataio 26:14–16; 27:1–7)
-
Tekaria 12:10 (taraa Ioane 19:37; Kaotioti 1:7)
-
Tekaria 13:6–7; 14:1–9 (taraa Mataio 26:31; Reirei ao Berita aika Tabu 45:47–53)
Tera ae ko reiakinna n taekan te Tia Kamaiu ngkai ko kamatebwai kibuntake aikai? Bukin tera e kakaawaki iroum bwa kona matata ni kibu aikai?
Taraa naba Kairi nakon Koroboki aika Tabu, “Messiah” (scriptures.ChurchofJesusChrist.org).
Iango ibukin Kamatebwai ni Koroboki aika Tabu n te Utu ao te Bootaki n te Tairiki
-
Akai 1:2–7.Kibu aikai a kona ni kaungaia am utu bwa “kam na iangoi aroaromi.” Tao kain te utu a kona ni karaoi kaotioti ni kiibuntaeka inanon kibu6. Tera ae a reireiniko kibu aikai n taekan mataiakinan bwain aon te aba nakon riki ana bwai te Atua? Kona bae n maroro n ikotaki ibukin bwaai aika moanibwai n am utu. Anenean kuna n aron “I’m Trying to Be like Jesus” (Aia Boki n Anene Ataei, 78–79) e kona n ibuobuoki nakon am utu n ukenano n te bwai are a karaoia ae nakoraoi ao ni bwaai ake ko kona ni kamatamaroa riki.
-
Akai 2:1–9.Ni kabwarabwarakin kiibu aikai, ko kona n tibwa karakinan te Provo City Tienta Tembora, are e a manga kateaki imwiin te taebenako ae tangiraki are e bue (taraa te witeo “Provo City Center Temple Completed,” ChurchofJesusChrist.org). Ngkai a wareware am utu n Akai 2:1–9, ko kona n tuangiia bwa a na iangoa te bwai inanon maiuia are e kona n riki n aron te mwakukri ni manga kateitei n te tembora are e a tia n uruaki. E kanga te Uea ni manga kateira imwiin te kangaanga ke te kakaitara?
-
Tekaria 3:1–7.Ngkai ko wareki kibu aikai, ko kona ni kaoti nakoia am utu tabeua kunnikai aika a bareka. E na kanga aron ana namakin Iotua ngke e tei imatan te anera ma kunnikai aika bareka? E kanga te bure n riki n ai aron kunnikai aika bareka? Tera ae e reireiniira Tekaria 3:1–7 iaon te kabwarabure? Ko kona ngkanne ni kaitiaki kunnikai n ikotaki ao ni maroro iaon mwaakan te Tia Kamaiu n a na Mwakuri ni Kamaiu ni kaitiaki.
-
Tekaria 8:1–8.Tera ae e ringii nanora iaon miin Tekaria ni burabeti ibukin Ierutarem n taai aika a na roko? Tera ae ti kunei ikekei are ti tangiria ni kan nooria n ara komiuniti? Tina kanga ni kaoa te Tia Kamaiu bwa e na “maeka i nano [ra]”? (taraa GaryE. Stevenson, “Sacred Homes, Sacred Temples,” Ensign ke Riaona, Meei 2009, 101–3).
Ibukin iango aika a mwaiti riki ibukin reireinakiia ataei, taraa te kamataata n te wiiki aei n Nakomai, Iriirai—Ibukin te Moanrinan.
Te kuna are e rineaki: “I’m Trying to Be like Jesus,” Aia Boki n Anene Ataei, 78–79.
Kanakoraoan Am Kamatebwai I Bon Iroum
Karekea am tai ni bon taubwiia arom. Ngkai ko kamatebwaia koroboki aika tabu, kona bae n tainako ni kaungaki bwa kona iangoa oin kabaeakim nakon Tamara are i Karawa ao Iesu Kristo. Mwakuri iaon am namakin ake ko karekei.