“Ritembwa 19–25. Te Kiritimati: ‘Ti Kantaningaia, ao E na Kamaiuira,’” Nakomai, Iriirai—Ibukiia Aomata n Tatabemaniia ao Utu: Te O Tetemanti 2022 (2021)

“Ritembwa 19–25. Te Kiritimati,” Nakomai, Iriirai—Ibukiia Aomata n Tatabemaniia ao Utu: 2022

Tamnei

Iesu te Merimeri e niniraki n te kunnikai ae mainaina ao ni wene ni kain te uita

Bwa Ibukira e Bungiaki te Merimeri, iroun Simon Dewey

Ritembwa 19–25

Te Kiritimati

“Ti Kantaningaia, ao E na Kamaiuira”

Inanon te Kiritimati aei, iangoia bwa e kanga te Kiritimati n tia ni kakorakora am koaua iroun Iesu Kristo ni karokoa banen te ririki.

Korei Am Namakin

Te O Tetemanti e uota tamnein te ingainga n nano ao te kantaninga. N te kawai anne, kanga titebo tarana ma tain te Kiritimati. Ni moa mairoun Atam ao Ewa, tamanuea n Te O Tetemanti, taan otooto, ao aomata a kakantaningai boong aika a tamaroa, ni kaonaki n te kantaninga ao ibukin te kaboouaki ao te kamaiuaki iroun te Tia Kamaiu. Ao kaain Iteraera n angiin te tai a riai ni karekea te kantaninga anne—ngkana a mena inanon te tautoronaki i Aikubita ke i Bwaburon ke ni kabaeaki n tautoronaki bon man oin aia bure ke man aia kaaitara. Rinanon bwaai ni kabane, burabeti a kauringiia bwa te Meetia, te tia Kamaiuia, e na roko “n tutuangia taenikai te kanakoaki” (Itaia 61:1).

Te kantaninga anne e a moanna n ataaki ngke e bungiaki Iesu Kristo i Betereem. Te Tia Kamaiuia Iteraera ae moan te mwaaka e bungiaki n aia tabo maan n amwarake ao ni wene ni nneni kanaia maan (taraa Ruka 2:7). Ma tiaki tii te Tia Kamaiuia Iteraera n taai ake ngkoa. E roko bwa e na kamaiuko—n uota rawawatam, n uota nanaokawakim, ni kaikoakaki ibukin am bure, bwa n te aro are babangaakin rabwatana ko na kamaiuaki mai iai (taraa Itaia 53:4–5). Ao aei bukina ngkai te Kiritimati e kaonaki n te kimwareirei ao n te kantaninga n te bong naba aei. E roko te Meetia 2,000 te ririki n nako, ao E teimatoa n roko inanon maiura ngkana ti ukoria.

Tamnei

te aikaon ibukin te kamatebwai i bon iroum

Iango ibukin te Kamatebwai i bon Iroum ni Koroboki aika Tabu

I kimwareirei iroun au Tia Kabooa Maiu.

E ataaki te Kiritimat bwa te tai ae kakimwareirei ibukin te kimwareirei are e uotia Iesu nakon te aonaaba. Aomata naba ake aki taromauria Iesu ngkai Natin te Atua n angiin te tai a kona naba n namakina kakukurein te Kiritimati. Iangoa raoi te kimwareirei are ko namakinna ibukina bwa Tamara are i Karawa e kanakomaia Natina.

Bubua n ririki imwaan bungiakin te Tia Kamaiu, burabeti n Te O Tetemanti a namakina naba te kimwareirei ngke a taekina rokon te Meetia. Read some of the following passages, and think about why they would have been precious to those who looked forward to the Savior’s mission: Taian Areru 35:9; Itaia 25:8–9; 44:21–24; 51:11; Tebania 3:14–20; Mote 5:5–11. Bukin tera ngkai ikota ni kibuntaeka aikai a kakawaki iroum?

Taraa naba RussellM. Nelson, “Joy and Spiritual Survival,” Ensign ke Riaona, Nobembwa 2016, 81–84.

Katooto a kona ni buokai ni ururringa Iesu Kristo.

Mwaitin taian katei aika a rekereke ma Kiritimati a kona ni iai nanoia aika a kairiira nakon Kristo. Bwai ni katamaroa aika a tei ni itoi a oneamwin te itoi ae e ranenanea are e oti n te tairiki are e bungiaki iai Iesu (taraa Mataio 2:2). Koraki ake a anene iaan auti n te Kiritimati a kauringiira taekaia anera ake a kaoti nakoia taan kaawakin tiibu (taraa Ruka 2:13–14). Ngkai ko kamatebwaia Te Otetemanti n te ririko aio, ko kona n atai kanikina aika mwaiti ibukin te Tia Kamaiu. Tabeua a karinanaki i nano. Iangoa kamatebwaian aikai ao rekootin baike a reireiniko taekana.

Te Tiibu te tei (Karikani Bwaai 22:8; Te Otinako 12:5; 1Betero 1:18–20).

Te Manna (Te Otinako 16:4, 12–21,31; Te Tua Kaua 8:3; Ioane 6:30–40).

Te Ran (Te Otinako 17:1–6; Ieremia 2:13; Etekiera 47:1–12; Ioane 4:7–14).

Te naeta te buraati (Warekaia Iteraera 21:4–9; Ioane 3:14–15).

Te Atiibu (1Tamuera 2:2; 2Tamuera 22:2–3; Taian Areru 118:22–23; Itaia 28:16; I-Ebeto 2:20).

Mwaanga (Itaia 11:1–2; Ieremia 23:5; 33:15).

Te Oota (Taian Areru 27:1; Itaia 9:2; 60:19; Mika 7:8; Ioane 8:12).

Baikara kanikina, ikota ni kibuntaeka, ao rongorongo, ae ko a tia ni kunei ni koroboki aika tabu ae a kaota Iesu Kristo?

Taraa naba 2Nibwaai 11:4; Motiaea 3:14–15; Mote 6:63; “Types or Symbols of Christ,” in Guide to the Scriptures, “Jesus Christ,” scriptures.ChurchofJesusChrist.org.

“E na atongaki arana bwa te Tia Reirei ae Kamimi.”

E kaotaki Iesu Kristo n ara aika a kakaokoro ao mwioko. Tera mwioko aika ko kunei ni kiibu aika imwiina? Taian Areru 23:1; 83:18; Itaia 7:14; 9:6; 12:2; 63:16; Amota 4:13; Tekaria 14:16; Mote 7:53. Tera mwioko aika ko kona n iangoi? Ko na kona ni kukurei ni karinani nako mwioko ibukin Iesu Kristo ae ko kona ni ni kunei n anene n taromauri ibukin te Kiritimati. E na kanga te mwioko teuana n anaa nanom n arom ni iangoia?

Tamnei

te aikaon ibukin te kamatebwai n te utu

Iango ibukin Kamatebwai ni Koroboki aika Tabu n te Utu ao te Bootaki n te Tairiki

Katei ni Kiritimati a kona ni kotea Iesu Kristo.Iai aroaron aia katei n ikawai utun Iteraera, n aron te Te Toa are te Riao ao toa tabeua, aika a nanonaki ni kaineta nanoia ma aia iango nakon te Uea (taraa Te Otinako12). Baikara aroaron katei ni kawai ae iai irouia am utu n tain t kiritimati ae buokiko ni kabotoa am iango iaon Iesu Kristo? Baikara katei ni kawai ae ko atai man rongorongon am utu? Ko kona ni iangoa te maroro n te utu tabeua katei ni kawai ko nai waakinna moa mai iai. Tabeua iango a kona n karina te beku ibukin temanna ae kainnanoa buokana (ibukin iango, taraa ComeuntoChrist.org/light-the-world), kaoa te rao bwa e na mataku n aia taromauri ni Kakiritimati te Moan Beretitenti ma ngkoe (broadcasts.ChurchofJesusChrist.org),korea oin kunam ni KIritimati, kakaean anga ni karikibwai n tibwa te rongorongo ni bungiakin Kristo.

““Te Kristo te Teei: Karakinan te Bungiaki.”Ko na kanga ni buokiia kaain te utu nf namakina karinean ao kakukurein bungiakin Kristo? Ko kona ni mataku n te tamnei “Te Kriato te Teei: Karakinan te Bungiaki” (ChurchofJesusChrist.org) ke kaai ni wareka Mataio 1:18–25; 2:1–12; Ruka 1:26–38; 2:1–20. Te utu teuana nako a kona n rinea te aomata man te tamnei ke karakin koroboki aika tabu ao n tibwaia bwa e kanga aron ana namakin te aomata anne ibukin Tia Kamaiu. A kona kaain te utu n tibwa aia namakin Ibukina.

Kunean te Tia Kamaiu n Te O Tetemanti.Ngkai ko katauraoi ni kamatebwaia maiun Iesu Kristo n te Nu Tetemanti n te ririki ae na roko, iangoia manga rinanoia ma am utu baike a tia n reiakinna taekana n te ririki aei n Te O Tetemanti. Ko na kona n rinanoi kairan iango n te bwai n reirei aei ni bon oin am kamatebwai ni buokiko n uringnga te bwai ae ko a tia n reireinaki . Ataei aika a uarereke a kona n reke aroia man taraan Karaki man Te O Tetemanti ke tamnei inanon te bwai n reirei aei. Tera taetae ni burabeti ke karaki aika a teretere nakoira? Tera ae ti a tia n reireinaki n taekan te Tia Kamaiu?

Ibukin iango aika a mwaiti riki ibukin reireinakiia ataei, taraa te kamataata n te wiiki aei n Nakomai, Iriirai—Ibukin te Moanrinan.

Te kuna ae rineaki: “OLittle Town of Bethlehem,” Boki n Anene nambwa.208.

Kanakoraoan Ara Anga reirei

Ongora irouia am utu. “Te ongora bon te mwakuri ni kaota te tangira. E tangiria bwa ti na tabe riki n taekan are e mena nanon te aomata nakon are e toka imwiina n ara akenta ke n ara waaki. … Ngkana ko kakauongo raoi nakoia [kaain am utu] n aia rongorongo aika a taekinaki ao aika aki taekinaki, ko na kona n atai raoi riki kainnanoia, tabeaiangaia, ao bwaai ake a tangiri. E na buokiko te Tamnei n ataia bwa ko na kanga n reireiniia” (Reirei n ana Kawai te Tia Kamaiu, 34).