Ritembwa 12–18

Maraki

“I Tangiringkami, E taku te Uea”

Te ara ae Maraki nanona “au tia uarongorongo” (Rikitinari n te Baibara, “Malachi”). Ngkai ko kamatebwaia ana rongorongon Maraki nakoia Iteraera, tera rongorongo aika ko kunei ibukin maium? E kanga ana taeka Maraki n irekereke ma ara bong?

Korei Am Namakin

“I tangiringkami,” te Uea e tuangiia Ana aomata rinanon te burabeti ae Maraki. Ma kaain Iteraera, n rooro ake a rootaki n te karawawataki ao n te tautoronaki, e titiraki te Uea, “Tera are ko tangirira iai?” (Maraki 1:2). Imwiin bwaai nako ake e rinanona Iteraera, a bae ni miimi ngkana tao rongorongon Iteraera n taai ake ngkoa bon karakinan raoi Ana tangira te Atua ibukiia Ana aomata ni berita.

Ngkana ko iangoi baike ko a tia ni wareki n Te O Tetemanti n te ririki aei, tera kakoaua ake ko kunei n ana tangira te Atua? E bebete n taraa mwaitin aia katooto aomata ni mamaaraia ao aia kakaitara. Ma rinanon bwaai nako akanne, te Atua e aki motirawa ni karoko iroura ibukin ana tangira. Ngke natin Iakobwa mwaane a bwanikirina tariia ae Iotebwa, e bon teimatoa te Uea ni katauraoa tekawai ni kamanoia man te rongo (taraa Karikani Bwai 45:4–8). Ngke e ngurengure Iteraera n te rereua, e kamwarakeia te Atua ma te manna (taraa Te Otinako 16:1–4). E ngae ngke e kitanaki iroun Iteraera, n rairaki nakoia atua riki tabeman, ao a uamaenako, e bon aki kitania te Atua ma e berita bwa ngkana a rairinanoia, E na bootia ao ni kamaiuia “n te atataiaomata ae bati” (taraa Itaia 54:7).

Taraa te kawai aei, te O Tetemanti bon karakinan ana taotaonakinnano te Atua, ana tangira ae akea tokina. Ao te karaki aei e reitinako n te bong aei. Ma [e na] oti Tain te Raoiroi ma te kamaiu ni baina ni kiba,” e taetae ni burabeti Maraki (Maraki 4:2). E roko Iesu Kristo, e uota te kamaiu n te tamnei nakoia ni kabane ake a nakomai nako Ina. Boni ngaia te bwai ni kakoaua ae moan te korakora ibukin ana tangira te Atua ao ibukin Iteraera n taai ake ngkoa ao bon ibukira ni kabane.

Ibukin rongorongon riki ana boki Maraki tara “Maraki” n te Rikitinari n te Baibara.

Iango ibukin te Kamatebwai i bon Iroum ni Koroboki aika Tabu

Maraki 1–4

“Kam na oki nako Iu, ao N na oki nako imi.”

N ana bong Maraki, a tia Iteraera ni manga katea te tembora i Ierutare, ma ngkai bon aomata ngaiia a riai ni manga katea aia reitaki ma te Uea. Ngkai ko kamatebwaia Maraki, kakaei titiraki are te Uea e titirakiniia iai Iteraera ke ake a titirakinna iai. Iangoia n titirakiniko titiraki aika ti te arona (tabeua katooto a baireaki inano) ni buokiko n tuo am reitaki ma te Uea ao ni kaaniko riki ma Ngaia.

• N na kanga n namakina ana tangira te Uea ibukiu? (taraa Maraki 1:2).

• Au angabwai ake nakon te Uea a karinea raoi? (taraa Maraki 1:6–11).

• Tera kawai ake I kainnanoi n “rairaki nakon te Uea? (taraa Maraki 3:7).

• I kuribwaia te Atua n anga nako? (taraa Maraki 3:8–11).

• E kanga anuau inanon taai ni kangaanga ni kaota au namakin nakon te Uea? (taraa Maraki 3:13–15; taraa naba 2:17).

Taraa naba D.Todd Christofferson, “As Many as I Love, I Rebuke and Chasten,” Riaona, Meei 2011, 97–100.

Maraki 1:6–14

Te Uea e bubuti ibukin “te angabwai ae itiaki.”

Ana taeka te Uea ni Maraki1 e kaotia bwa ana ibonga Iteraera a anga aia angabwai ae bareka ma maan aika aoraki bwa aia karea inanon te tembora, are e bon katabua te Uea (taraa Nakoaia Ibonga 22:17–25). Tera kaoti iango iaon karea aikai ibukin aia namakin ibonga nakon te Uea? (taraa Maraki 1:13). Bukin tera ngkai e tuangiira te Uea bwa ti na anganna ara angabwai ae te kabanea n tamaroa? Iangoi karea are e tuangko te Uea bwa ko na karaoi. Tera ae ko kona ni karaoia n anganna “te angabwai ae itiaki”? (Maraki 1:11; taraa naba 3:3).

Taraa naba Moronaai 7:5–14.

Maraki 3–4

A kakoroaki nanon ana taetae ni burabeti Maraki ni boong aika kaitira.

Ngke e nako te Tia Kamaiu ni kawara aban Amerika, e taekina Maraki 3–4 nakoia Nibwaite (taraa 3Nibwaai 24–25). N 1823, te anera Moronaai e tibwauai iteran taian mwakoro aika ti te arona aikaii ma Iotebwa Timti (taraa Iotebwa Timiti—Rongorongo 1:36–39; taraa naba Reirei ao Berita aika Tabu2). Bukin tera n am iango ngkai a kaokiokaki ana taeka Maraki n taainako inanon koroboki aika tabu? (taraa naba Reirei ao Berita aika Tabu 27:9; 110:13–16; 128:17–18). N am iango, tera rongorongo man Maraki 3–4 ae a taraa ni kakawaki ibukin ara bong?

Ngke Moronaai e taekina Maraki 4:5–6 nakon Iotebwa Timiti, e bon karaoia “ma iai teutana te kaokoro ma aron warekana” n te Baibara (Iotebwa Timiti—Rongorongo 1:36). Tera te kaokoro are e reitia Moronaai nakon otara n te taetae ni burabeti aei? N reiakina riki taekan okin Eria ao kakoroan nanon te taetae ni burabeti aei n te bong aei, taraa Reirei ao Berita aika Tabu 110:13–16. ao Unimwaane DavidA. Ana rongorongo Bednar “The Hearts of the Children Shall Turn” (Riaona, Nobembwa 2011, 24–27). Bukin tera ngkai ko kakaitau ibukin Eria?

Te kamataata n te tamnei ni kaotin Eria nakon Iotebwa Timiti ao Oliver Cowdery n te Kirtland Tembora, iroun RobertT. Barrett

Maraki 3:8–12

Kabwakaan te kabwianibwai e kauka wintoon karawa.

Ngkai ko wareka Maraki 3:8–12, iangoa oin am taneiai n kabwakaan te kabwianibwai. Tera te mwakoro n taeka ae “kauki mataroan nako karawa nako imi” (te kibu10) ae nanonaki iroum?

Iango ibukin Kamatebwai ni Koroboki aika Tabu n te Utu ao te Bootaki n te Tairiki

Maraki 1:2.A na kanga am utu ni kaeka te titiraki ae kuneaki n Maraki 1:2—“Tera [te Uea] ae ko tangirira iai?” Tera tabeua kakoaua ibukin ana tangira te Uea ibukira?

Maraki 3:8–12.Ngkai ko wareka Maraki 3:8–12, kaoia kaain am utu bwa a na tibwauai aia iango ke aia namakin ibukin te kabwianibwai. Tera kakabwaia n rabwata ao kakabwaia n tamnei ake ti noori man kabwakaan te kabwianibwai? (taraa DavidA. Bednar, “The Windows of Heaven,” Riaona, Nobembwa 2013, 17–20). A na bon kukurei nanoia kaain te utu ni koroi tamnei ake a tei ibukin kakabwaia aikai ao ni katinei tamnei iaon te winto.

Maraki 3:13–18.Tera nanon aei nakoira n riki bwa ana aomata te Uea ao n riki bwa temanna Ana “bwai aika kakawaki”?

Maraki 4:5–6.Imwiin warekan kiibu aikai, a kona am utu ni kunei kaekaan te titiraki ane imwiina ibukin ana taetae ni burabeti Maraki: Antai? Tera? Ningai? Ia? Bukin tera? (taraa naba Reirei ao Berita aika Tabu2).

Ti na kanga n rairi nanora nakoia ara karo? Ti kanga ni kakabwaiaaki ngkana ti karaoia? Ko na bae n iangoi raoi titiraki aikai inanon matakum n te witeo “The Promised Blessings of Family History” (ChurchofJesusChrist.org). Tera ae ti kona ni karaoia n te utu ni karekei kakabwaia aikai?

Ibukin iango aika a mwaiti riki ibukin reireinakiia ataei, taraaa te kamataata n te wiiki aei n Nakomai, Iriirai—Ibukin te Moanrinan.

Te anene ae katauaki: “Family History—I Am Doing It,” Aia Boki n Anene Ataei,94.

Kanakoraoan Am Kamatebwai

Titiraki titiraki ngkana ko kamatebwai. Ngkana ko kamatebwai koroboki aika tabu, a na kona n roko titiraki n am iango. Iangoi raoi titiraki aikai, ao kakaei kaekaaia.

Mourning ngke e atonga Otanna, iroun Rose Datoc Dall. Te aine ae arana Mourning e tei n te aonaaba n tamnei, ni katobibiaki irouia ana bakatibu. E bukamarua kainaomatakiia man te tautoronaki n tamnei.