Ritembwa 12–18

Maraki

“E Taku te Uea, I Tangiri Ngkami”

E tangiriia ataei te Uea aika ko reireiniia. Ko na kanga ni buokiia ataei n namakina Ana tangira ngkana ko reireiniia te reirei ae kuneaki n ana boki Maraki?

Korei Am Namakin

Kaunga te Tibwatibwa

Wareki mwakoro n taeka aikai man Maraki 1:2: “E Taku te Uea, I Tangiri Ngkami.” Kaoia ataei n tabemaniia nako n tibwaua teuana te kawai a ataia ae te Uea e tangiriia. Imwin aia tibwatibwa ataei n tatabemaniia nako, karabwa teuanne ke neienne, ao tibwa am koaua n ana tangira te Uea ibukin te ataei anne.

Reirei te Reirei: Ataei aika a Uarereke

Maraki 3:10–12

Tamara are i Karawa e na kakabwaiaai ngkana I kabwaka au kabwianibwai.

E ngae ngkana ataei ake ko reiakiniia akea aia karekemwane, a bon kona naba n reiakini kakabwaia man kakabwakaan te kabwianibwai.

Waaki ni Kakukurei aika a Kona ni Karaoaki

• Buokiia ataei ni wareki 10bwaai aika uarereke, n aron te mwane inanon te iteraniba ni waaki n te wiiki aei. Kaoia bwa a na kaokoroa teuana mai ibuakon bwaai, ao kabwarabwara ae aio bon aekakin te kabwianibwai ae ti angan te Uea. Ti anganiia kabwian are ti karekea. Tibwaua am koaua bwa e kanga te Uea ni kakabwaiaira ngkana ti kabwaka ara kabwianibwai. Aneneia ma ataei te kuna iaon taekan te kabwianibwai, n aron “I Want to Give the Lord My Tenth” (Aia Boki n Anene Ataei,150).

• Korea tamnein te winto iaon te burakibooti. ao wareka Maraki 3:10 nakoia ataei. Kaoia bwa a na korea te winto ngkana ko wareka te mwakro n taeka “kamama i karawa.” Kabwarabwara ae e nanonaki ikai bwa Tamara are i Karawa e anganiira kakabwaia ngkana ti kabwaka ara kabwianibwai. Ngke a karana te iteraniba ibukin waaki ni kakukurei n te wiiki aei ataei, taekin tabeua bukina ngkai ti kabwaka ara kabwianibwai.

• Tibwaua te karaki man te Rao maekatiin ke man ni maium iaon kabwakaan te kabwianibwai. Kaoia ataei bwa a na kakauongo ibukin kakabwaia ake a roko man kabwakaan te kabwianibwai.

Maraki 4:5–6

Ti kabwaeaki bwa uti n te tembora.

Ibukin kiing n te nakoanibonga n te kabaebae are e anga Eria nakon Iotebwa Timiti n te Kirtland Temvoe, a kona utu ni katiteuanaaki n akea tokina. Ngakana ko anga reirei iaon koaua aikai, ko na rangi n taraia ataei ake a tuai ni kabaeaki aia utu n te tembora.

Waaki ni Kakukurei aika a Kona ni Karaoaki

• Wareka Maraki 4:5 nakoia ataei. Ngkanne tuangiia bwa e kakoroaki nanon te berita aei ngke e kaoti Eria nakon Iotebwa Timiti inanon te Kirtland Tembora (taraa “Chapter40: Visions in the Kirtland Temple,” inanon Karaki n Reirei ao Berita aika Tabu,157). Kaota tamnein te bwai aei (taraa Gospel Art Book, nambwa.95), ao kaoia ataei bwa a na kotea Eria ao Iotebwa Timiti. Kabwarabwara bwa bukina ngkai e roko Eria, ti kona ni kabaeaki bwa utu inanon te tembora. Tibwaua am koaua ni kakawakin te kabaeaki bwa utu.

• Tuangiia ataei taekan am tangira ibukiia am utu; kaota te tamnei ngkana e kona. Kaoia tabeman ataei bwa a na tibwauai aia namakin ibukin aia utu. Botaki n anenea te kuna ibukiia utu, n aron “Families Can Be Together Forever” (Boki n anene, nambwa.300), ao ni kakoaua bwa Tamara are i Karawa e tangiriia utu bwa a na bane ni kabaeaki ao anne bukina teuana ngkai iai ara tembora. Buokiia ataei n ataia bwa ibukin Iesu Kristo, ti kona ni kabaeaki nakoia kaain ara utu ake aki reke aia tai n nakon te taembora n te maiu aei. Kaoia ataei bwa a na korea tamneia kaain aia utu ni kabane i karawa.

Reirei te Reirei: Ataei aika a Ikawai Riki

Maraki 3:8–12

Tamara are i Karawa e na kakabwaiaai ngkana I kabwaka au kabwianibwai.

Kabwakaan te kabwianibwai e raka riki nakon karekean te onimaki iroun Tamara are i Karawa ao Iesu Kristo nakon ae ti taekan te mwane. Tera ae ataia ataei aika ko reireiniia ibukin te kabwianibwai? Ko na kanga ni buokiia ni karekea te onimaki ni kabwaka aia kabwianibwai?

Waaki ni Kakukurei aika a Kona ni Karaoaki

• Koroia iaon te burakibooti titiraki iaon te kabwianibwai n aron aikai: Tera te kabwianibwai? N na kanga ni kabwaka te kabwianibwai? Tera bukin te kabwianibwai? Baikara kakabwaia aika reke man kabwakaan te kabwianibwai? Kaoia ataei bwa a na ukoukora Maraki 3:8–12 ao “Tithes, Tithing” inanon Kairi nakon Booki aika Tabu (scriptures.ChurchofIesuChrist.org) ao koroi kaeka aika a kunei. Tuangiia bwa a na tibwaua aia reke ma kain te kiraati. Aekan aomata ra ngaira man kabwakaan te kabwianibwai?

• Kaota te witeo “Iesu Teaches about the Widow’s Mite” (ChurchofIesuChrist.org), ke botaki ni wareka Mareko 12:41–44. Tera ae reireiniira te karaki aei bwa e kanga te Uea n namakina ara karea?

• Korea tamnein te winto iaon te burakibooti, ao kaoia ataei bwa a na koroia inanon te winto kakabwaia ae na kona ni karekea temanna ibukin kabwakaan te kabwianibwai (ibukin iango, taraa Maraki 3:10–12). Kaoia ataei bwa a na tibwaua aia katooto bwa a na kanga ke aia utu n tia ni kakabwaiaaki man aia kakaonimaki ni kabwaka aia kabwianibwai. Ke ko kona n tibwaua te katooto man maium bwa e kanga kabwakaan te kabwianibwai ni karikirakea am onimaki iroun Tamara are i Karawa ao Iesu Kristo.

Tamnein Eria ngke e kaoti nakon Iotebwa Timiti ao Oliver Cowdery n te Kirtland Tembora, iroun RobertT. Barrett

Maraki 4:5–6

“N na kanakoa nakoim Eria te burabeti.”

Ana taeka ni burabeti Maraki ibukin Eria te Burabeti e korobukina ngke e kaoti Eria nakon Iotebwa Timiti inanon te Kirtland Tembora ao n anganna kingin te nakoanibonga are e kariaia utu bwa a na kabaeaki ni kabane n akea tokina. Ko na bae n iangoia ni kaoa temanna n te uoote are e tabe ma te mwakuri n te tembora ao n rongorongon te utu (n aroia kaain te beretitentii n te kooram irouia unimaane ke te beretitentii n te Bootaki n Aine) ni buokiko n reirei te reirei nakoia ataei. Uringa n rangi n taraia ataei ake a tuai ni kabaeaki akw tuai kabaeaki aia utu.

Waaki ni Kakukurei aika a Kona ni Karaoaki

• Koroi mwakoro n taeka n tatabeua nako man Maraki 4:5–6 iaon te mwakoro ni beeba ae okoro. Anganiia ataei te mwakoro ni beeba, ao tuangiia bwa a na katikui mwakoro n taeka nakon etin rinaniia. Botaki ni wareki kiibu, ao maroroakin titiraki n aron aikai: Antai ae berita nakoina te Uea bwa e na kanakoa? Ningai ae E taekinna bwa e na roko te aomata aei? Tera te bwai ae taekinna te Uea bwa e na karaoia te aomata aei? Bukin tera e kainnanoaki te aomata aei n roko? E koro ia bukin te taetae ni burabeti aei? (taraa Reirei ao Berita aika Tabu 110:13–16).

• Koroia iaon te burakibooti te titiraki n aron Tera ae nanonaki ibukin nanoia naati bwa a na rairaki nakoia taama? (taraa Maraki 4:6). Kaoia ataei bwa a na iangoa te titiraki aei ngkai a mataku n te witeo “Their Hearts Are Bound to You” (ChurchofIesuChrist.org). Ngkanne kaoia ataei bwa a na tibwauai aia iango iaon te tiriraki iaon te burakibooti. Bootaki ni maroroakin taneiai ae ngkoe ke ataei ae a tia n reirei taekan rongorongon te utu.

• Kaota tamnein Eria man kamataata n te wiiki aei n Nakomai, Iriirai—Ibukiia Aomata n Tatabemaniia ao Utu. Kaoia ataei bwa a na tibwaua te bwai ae ataia n te bwai ae riki ae kuneaki n te tamnei aei (taraa naba Reirei ao Berita aika Tabu 110:13–16). Kakoaua bwa te mwaaka ni kabaebae ae kaokia Eria e kariaia utu bwa a na katiteuanaaki n akea tokina—n raonaki ma utu aika aki reke aia tai n te maiu ae mamate. Ngkana ko a tia n ira te kabebae, tao bon ibukim ke ibukin te aomata ae mate, taekina te bwai ae ko namakinna n tain te otenance anne. Tuangiia ataei bwa a na tibwaua aia namakin ibukin aia utu ao ana baire te Atua ni buokiia utu bwa a na ikotaki n akea tokina.

Kaungaa te Kamatebwai n te Mweenga

Kaoia ataei bwa a na iangoa te bwai ae a reiakinna n tain te kiraati n te bong aei, ao titirakiniia tabeman ataei bwa a na tibwauaia. Kaungaia ataei ni kabane bwa a na tibwauaia ma aia utu te bwai ae a reiakinna ibukin ana reirei Maraki.

Kanakoraoan Ara Anga Reirei

Kabaeia ataei ni maroroakinan te euangkerio. Ko na bae ni kainanoia n iangoi kawai aika a na kona iai ataei aika uarereke riki ni marooro iaon taekan te euangkerio. Ibukin te katooto, a kona ataei ni bwatina nako te booro ao n tibwa aia kaeka nakon te titiraki ngkana a taua te booro.