Bwa E a Bungiaki te Tei Ibukira, iroun Simon Dewey

Ritembwa 19–25

Kiritimati

“Ti Kantaningaia, ao E na Kamaiuira”

N tain am kamatebwai ibon iroum ao am katauraoi n anga reirei, iangoia bwa ko na kanga ni buokiia kaain te kiraati n namakina manga taekinan te kimwareirei ni bungiakin te Tia Kamaiu. Kaoa te Tamnei bwa e na kakoaua nakoia iaon ana tangira ni kamaiu Iesu Kristo.

Korei Am Namakin

Kaunga te Tibwatibwa

Tain te Kiritimati e kona n riki bwa te tai ae tamaroa ni kaoiia kaain te kiraati bwa a na tibwauaia bwa a kanga kamatebwaian te O Tetemanti ni kakorakora aia onimaki iroun Iesu Kristo.

Reirei te Reirei

Ti kimwareirei iroun ara Tia Kabooi Maiura.

• E ngae ngke e ataaki te Kiritimati bwa te tai ni kimwareirei, a mwaiti ake rinanon baike a rinanoi e a karika kangaangan kunean te kimwareirei, inanon tain te bong aei n te ririki. Te rongorongo ae kakawaki n te Kiritimati bwa e kona te Tia Kamaiu ni kabebetei rawawatara ao ni buokiira ni kunea te rau ao te kimwareirei naba. N tibwaa te rongorongo aei, ko kona ni korei iaon te burakibooti kiibu man booki aika tabu aikai: Taian Areru 35:9; Itaia 25:8–9; 44:21–24; 51:11; Tebania 3:14–20; Mote 5:5–11. Ngkanne ko kona ni korea iaon te burakibooti te titiraki ibukiia kaain te kiraati bwa a na iangoia raoi ngkai a wareka mwakoron te kibu, n aron Tera bukina ae kiibu aikai are e anga bwa ti na rangi ni kimwareirei? Kaoiia bwa a na tibwauai baike a kunei. Tao ko kona naba n anganiia aia tai kaain te kiraati ni korea aron kimwareireia iroun te Tia Kamaiu. A kona ni kunei nonori riki tabeua man ana rongorongo Beretitenti Russell M. Ana rongorongo Nelson inanon “Bwaai n Ibuobuoki Riki Tabeua.”

• Te Kiritimati e karekea te tai ni karababa nako te kimwareirei iroun Kristo man buokaia tabeman. Imwaain te kiraati, ko kona ni kaoa temanna kaain te kiraati bwa e rinanon ana rongorongo Unimwaane Ulisses Soares “A Modern Angelic Host” (First Presidency Christmas devotional, Ritembwa 8. 2019, broadcasts.ChurchofJesusChrist.org) ao n tauraoi n roko ao n tibwaia bwa e kanga te mwakuri ni ibuobuoki ni buoka Unimwaane Soares ao ana utu n namakin te kimwareirei n te Kiritimati. Ko kona naba n tibwauai mwakoron ana marooro n te kiraati. Kaain te kiraati a kona n tibwauaa oin aia taneiai ngke aanga ke ni karekea te mwakuri ni ibuobuoki n tain te Kiritimati. Ti na kanga ni karaoa nanon ana kakao Unimwaane Soares n iira te Tia Kamaiu “n ana bana ni katooto n te tangira ae kororaoi ao te akoi nakoia aomata”?

Taian kanikinaa a kona ni buokira ni uringa Iesu Kristo.

• Te kamataata n te wiiki aei n Nakomai Iriirai—Ibukiia Aomata n Tatabemaniia ao Utu e karinanii tabeua kanikinaa inanon te O Tetemanti ake a reirei iaon Iesu Kristo. A kona kaain te kiraati n tibwauai bwaai ake a reiakin iaon te Tia Kamaiu man taian kanikinaa aikai ke tabeua riki kanikinaa ake a kunei inanon aia kamatebwai. Tera ae ti reiakinna iaon kakaean te Tia Kamaiu man koroboki aika a tabu? Baikara taneiai ake a tia n reireiniira ae “bwaai ni kabane a karikaki ao a karaoaki bwa a na kaota [Taekana]”? (Mote 6:63).

Te Atua e anganiira te bwai n tituaraoi ae Natina.

• Te anga te bwai n tangira bon katein te Kiritimati n angiin aba nako. Ko kona ni kaira te marooro ma kaain te kiraati iaon te bwai n tutuaraoi are e anganiira te Atua, iaon riki te bwai n tangira ae Natina, Iesu Kristo. Ni karaoan aei, ko kona n tibwa te witeo “He Is the Gift” (ChurchofJesusChrist.org) ao kaoiia kaain te kiraati bwa a na tibwauaia bwa tera nanon te bwai n tangira ae te Tia Kamaiu irouia. Ti na kanga ni kaota ara kakaitau nakon Tamara ae i Karawa ibukin te bwai n tangira aei?

Itaia7:14; 9:6

“E na atongaki arana bwa te Tia Reirei ae Kamimi.”

• Te burabeti Itaia e kabonganai aara ao taekan arona aika a mwaiti ni kabwarabwara te Metia, are e na bungiaki i Betereem (ibukin te katooto taraa, Itaia 7:14; 9:6). Tao kaain te kiraati a na kukurei n reiakina riki taekan te Tia Kamaiu ao Ana Mition man reiakinan taekan arona aikai. A kona n rinea taekan arona teuana ao ni kakaea te kibu man booki aika tabu are e na buokiia ni mataata bwa tera nanona. Te katooto, a na kona n reiakina ae mwaiti riki iaon taekan arona ae “Te Uea n Raoi” (Itaia 9:6) man warekan Taian Areru 85:8; Itaia 52:7; Ruka 2:14; ke Ioane 16:33. Ni buokiia kaain te kiraati ni kakaei kiibu riki tabeua, tuangiia bwa a na noria inanon Bwaai ni Kairi Nakon Koroboki aika Tabu (scriptures.ChurchofJesusChrist.org). Tera ae taekinaki iaon taekan aron te Tia Kamaiu aikai ao tera ae E karaoia ibukira?

Bwaai n Ibuobuoki Riki Tabeua

Iesu Kristo e anga te rau ao te kimwareirei.

Beretitenti Russell M. Nelson e reirei:

“Ngkana e kaineti maiura iaon ana babaire ni kamaiu te Atua … ao Iesu Kristo ao Ana Euangkerio, ti kona n namakina te kimwareirei n aki tabe ma bwai aika a riki—ke ake aaki riki—inanon maiura. Te kimwareirei e roko mai Irouna ao ibukina ngkai bon Ngaia. Bon Ngaia oin ni kabane te kimwareirei. Ti namakinna n tain te Kiritimati ngkana ti anenea, ‘Joy to the world, the Lord is come’ [Boki n Anene n Taromauri, nambwa 201]. Ao ti kona n namakinna ni katoa ririki. Ibukiia Aika Itiaki ni Boong Aika Kaitira, Iesu Kristo e karekea te kimwareirei!…

“N arona ngkai e anga te Tia Kamaiu te rau are e ‘aki konaaki n ataaki teutana’[I-Biribi 4:7], E anga naba te kimwareirei ae korakora, ae nano, ao n rababa nako are e riaon ana koaua te aomata ke ae kona ni iangoaki n te maiu ae mamate aei” (Joy and Spiritual Survival,” Riaona, Nobembwa 2016,82).

Kanakoraoan ara Anga reirei

Katauraoi ma aomata n am iango. “E na riki am atatai iaoia aomata ake ko reireiniia bwa kairan am babaire. … Taan reirei aika a katotonga Kristo a aki tiku iaon teuana te waaki ke te kawai n anga reirei; a motikia i nanoia bwa a na buokiia aomata ni karikirakei aia onimaki iroun Iesu Kristo” (Teaching in the Savior’s Way,7).