Tinapay ti Biag, ni Chris Young

Nobiembre 14–20.

Amos; Abdias

“Sapulenyo ni Jehova, ket Agbiagkayto”

Bayat ti panagadalmo iti Amos ken Abdias, agsaganaka kadagiti impresion maipapan iti no ania ti nasken nga isurom kadagiti miembro ti klase. Isuratmo dagitoy a pampanunot, ket sapulem dagiti gundaway a pangibinglayam kadagitoy iti klasem iti Domingo.

Isuratmo dagiti Impresionmo

Yawis ti Panagbibinninglay

Kas kada Amos ken Abdias a nangted kadagiti ballaag kadagiti tao iti panawenda, nangted pay dagiti balikasda kadagiti ballaag kadatayo iti agdama. Mabalinmo nga awisen dagiti miembro ti klase a mangibinglay kadagiti pannursuro manipud kada Amos ken Abdias a mayaplikar kadatayo.

Isuro ti Doktrina

Amos 3:7–8; 7:10–15

Ipalgak ti Apo ti kinapudno babaen kadagiti propetana.

• Awisem dagiti miembro ti klase a mangibinglay kadagiti kinapudno maipapan kadagiti propeta a nasarakanda iti bukod wenno sangapamiliaan a panagadalda iti Amos 3 ken Amos 7. Mabalin nga agaramidka iti listaan dagiti sungbatda iti pisarra. Ania dagiti dadduma pay a kinapudno maipapan kadagiti propeta nga ammotayo? (Para iti sumagmamano a kapanunotan, kitaen iti artikulo ti Gospel Topics a “Prophets” [topicsChurchofJesusChrist.org].) Allukoyem ti sumagmamano a miembro ti klase a mangibinglay no kasano a nagun-odda dagiti pammaneknekda maipapan iti napateg nga akem nga aramiden dagiti propeta iti plano ti Dios.

• Kasano a maibinglaytayo iti maysa a gayyem no apay a napateg ti maaddaan iti maysa a propeta iti panawentayo? Mabalinmo nga ilista iti pisarra dagiti saludsod a damagen ti maysa a tao a saan a miembro ti Simbaan maipapan kadagiti propeta. Kasano a masungbatantayo ti sumagmamano kadagitoy a saludsod nga ar-aramatentayo ti Amos 3:7–8 ken 7:10–15?

• Kas paset ti panaglilinnawagyo maipapan kadagiti propeta, mabalinmo nga ibinglay ti maysa kadagiti sumaganad a video: “We Need Living Prophets” wenno “Words of the Prophets” (ChurchofJesusChrist.org). Kasano a nakatulong dagiti propeta kadatayo nga umas-asideg ken ni Jesucristo?

Amos5; 8:11–12

Maipada ti ikakalilis iti kinapudno iti maysa a panagbisin iti panagdengngeg kadagiti balikas ti Apo.

• Tapno mangirugi iti pagsasaritaan maipapan iti bisin nga inladawan ni Amos iti Amos 8:11–12, mabalin a makitam a makatulong nga irebyu biit ti naespirituan a kasasaad dagiti tao a kinaskasabaanna. Kasano nga immadayo dagiti Israelita manipud iti Apo? (kitaen, kas pagarigan, iti Amos 2:6–8; 5:11–12). Apay a makatulong a maammuan ti maipapan iti pannakatnagda? Kalpasanna mabalin a basaen dagiti miembro ti klase ti Amos 8:11–12 ken pagsasaritaan ti maipapan no apay a ti “bisin” ken “waw” dagiti nasayaat a balikas a mangiladawan iti kasasaad dagiti umadayo iti Apo. Mabalin met a sukisoken dagiti miembro ti klase ti Amos 5 para kadagiti bersikulo a makatulong kadatayo a mangliklik iti ikakalilis iti kinapudno iti biagtayo (kitaen, kas pagarigan, kadagiti bersikulo 4, 11–12, 14–15, 25–26).

• Ti pannakaawat iti naespirituan a bisin a naikadua iti ikakalilis iti kinapudno ket makatulong kadatayo a makaawat iti naespirituan a pannakabussog a gustuentayo gapu iti Pannakaisubli. Mabalinmo nga isurat iti pisarra ti sumagmamano a saludsod maipapan iti Ikakalilis iti Kinapudno ken ti Pannakaisubli, a kas iti Apay nga adda maysa nga Ikakalilis iti Kinapudno? Ania ti epekto ti ikakalilis iti Kinapudno kadagiti annak ti Dios? Ania ti epekto nga adda idi iti Pannakaisubli? Allukoyem dagiti miembro ti klase a mangsarak kadagiti sungbat kadagitoy ken dadduma pay a saludsod nga us-usaren dagiti resources kas iti sumaganad: “The Message of the Restoration of the Gospel of Jesus Christ” iti bersikulo 3 ti Preach My Gospel ([2019], 36–39); ti artikulo ti Gospel Topics “Apostasy” (topics.ChurchofJesusChrist.org); ti video a “The Great Apostasy” (ChurchofJesusChrist.org); ken ti adaw iti “Dagiti Nainayon a Resources.” Awisem dagiti miembro ti klase a mangisarita maipapan kadagiti naisubli a kinapudno iti aldawtayo a nangnangruna a napnuan kaipapanan kadakuada.

Makapagbalintayo a mangisalakan iti Bantay Sion babaen ti panangitrabaho iti aramid iti templo ken family history.

Abdias 1:21

“Dagiti manangispal sumang-atdanto idiay Bantay Sion.”

• Apay a ti ragup ti balikas a ”dagiti manangispal … idiay bantay Sion ”(Abdias 1:21) ti maysa a nasayaat a panangiladawan para kadatayo no trabahuentayo ti aramid iti templo ken family history? Kasano a ti aramid a trabahuentayo iti uneg ti templo para kadagiti kapuonantayo ket matulongannatayo a makarikna nga as-asidegtayo iti Mangisalakan a ni Jesucristo? Mabalin nga ibinglay dagiti miembro ti klase ti kaudian a padasda nga agtartrabaho iti aramid ti templo ken family history.

Dagiti Nainayon a Resources

Dagiti adalen manipud iti napalabas.

Insuro ni Presidente M. Russell Ballard:

“Iti ababa unay a rukod dagiti tawen a nasakupan ti Baro a Tulag, …kimmalilis dagiti tao ken ni Cristo ken dagiti Apostolna. Nakaro unay ti pannakatnag a maam-ammotayo a kas Dakkel nga Ikakalilis iti Kinapudno [Grat Apostasy], a nangitunda iti sinigsiglo a panagsardeng iti panagdur-as ken kinaawan ammo iti kinaespirituan a naaw-awagan iti Dagiti Nasipnget a Panawen [Dark Ages].

“… Ay-ayaten ti Nailangitan nga Ama ti amin nga annakna, ket kayatna amin ida a maaddaan kadagiti bendision ti ebanghelio iti biagda. Saan a napukaw ti naespirituan a lawag gapu ta tumallikud ti Dios kadagiti annakna. Ketdi, agbanag ti naespirituan a kinasipnget no sangkamaysa a tumallikud Kenkuana dagiti annakna. Daytoy ti gagangay nga ibunga dagiti dakes a pili nga inaramid dagiti tao, komunidad, pagilian, ken dagiti intero a sibilisasion. Napaneknekan manen ken manen daytoy iti unos ti turong ti panawen. Ti maysa kadagiti naindaklan a leksion iti daytoy pagtuladan a mainaig iti pakasaritaan ket isu dagiti pilitayo, agpada a tunggal maysa ken kada grupo, ket agbanag kadagiti naespirituan a bunga a para iti bagbagitayo ken para iti kaputotantayo” (” tiLearning the Lessons of the Past”,” Liahona, Mayo 2009,32).

Panangpadur-as iti Panangisurotayo

Tulongam dagiti agad-adal a mangilasin ti Espiritu Santo. “Kas iparikna ti Espiritu Santo, saludsodem kadagiti agad-adal no ania ti mariknada ken no ania ti maiparikna kadakuada nga aramidenda. Tulongam ida a manginaig kadagiti naespirituan a riknada iti impluensia ti Espiritu Santo” (Panangisuro iti Wagas ti Mangisalakan, 11).