“12–18 Disemba. Malakae: ‘Hae God I Talem long Yumi Se: Oltaem Mi Mi Lavem Yufala,’” Kam Folem Mi—Blong Sandei Skul: OlTesteman 2022 (2021)
“12–18 Disemba. Malakae,” Kam Folem Mi—Blong Sandei Skul: 2022
12–18 Disemba
Malakae
“Hae God I Talem long Yumi Se: Oltaem Mi Mi Lavem Yufala.”
I gat sam mesej i stap long Malakae we i impoten speseli blong klas blong yu i lanem. Taem yu stadi, prea blong save faenemaot wanem hem i ol mesej ia. Taem yu mekem olsem, bae i save helpem yu tu blong save filim lav ia we Lod i gat long olgeta ia we yu stap tijim.
Raetemdaon Ol Filing mo Tingting blong Yu
Invaetem Ol Memba blong Serem Wanem Oli Gat
Yu save raetem toktok ia Mesej long bod blong statem wan storian abaot buk blong Malakae. Leftemap tingting blong ol memba blong klas blong serem ol impoten mesej we oli faenem long wanwan japta blong Malakae. Yu save raetem ol mesej ia long bod, blong helpem ol memba blong klas blong oli tingbaot mo tingting hevi long wanem we oli serem.
Stap Tijim Doktrin
Lod i askem “wan ofring we klin gud.”
-
Leftemap tingting blong ol memba blong klas blong serem wanem oli bin lanem abaot ofring long Malakae 1:6–14, yu save invaetem olgeta blong oli lukluk bak long ol ves ia olgetawan nomo mo tokbaot wetem nara klas memba wanem we ol pris blong Isrel oli no bin andastanem abaot ofring. ?From wanem Lod i askem yumi blong yumi mas mekem i gud moa? Ol klas memba oli save mekem wan lis blong ol ofring, o sakrifaes, we yumi stap mekem i go long Lod tudei. Long wanwan aetem long lis ia, oli save tokbaot wanem nao i save mekem ofring ia i “no klin” ofring o wan we i “klin” ofring (Malakae 1:7,11).
Ol profesi blong Malakae oli stap fulfil long ol las dei ia.
-
Yu save statem wan tok storian abaot Malakae 3–4 taem yu poenemaot se Moronae i serem ol ves blong ol japta ia taem hem i kam kamaot long Josef Smit (luk long Josef Smit—Histri 1:36–39). ?Wanem trutok we i stap long ol japta ia we ol memba blong klas oli filim se i maet impoten speseli blong Josef—mo yumi—blong save? Ol memba blong klas oli save go tugeta long smol grup mo listim plante moa trutok we oli save fanemaot. Leftemap tingting blong ol grup blong save serem lis blong olgeta mo toktok raon long olsem wanem ol trutok ia oli impoten long ol las dei ia.
Lod i openem ol windo blong heven taem yumi pem taeting blong yumi.
-
Blong leftemap tingting blong ol memba blong klas blong serem testemoni blong olgeta abaot loa blong taeting, yu save invaetem olgeta blong lukaotem ol prinsipol insaed long Malakae 3:8–12 mo blong serem olsem wanem oli kam blong save se ol prinsipol ia oli tru. Oli save tokbaot olsem wanem Lod i bin blesem olgeta—long saed blong spirit mo bodi—from oli stap pem taeting. O oli save tokbaot ol lesen we Elda DavidA. Bednar i bin serem long mesej ia “The Windows of Heaven” (Liahona, Nov. 2013, 17–20) mo serem wanem oli lanem taem oli stap traehad blong laef folem loa ia.
-
Askem ol memba blong klas blong rid long Malakae 3:8–12 oli rid blong olgeta nomo, mo semtaem oli stap tingting hevi long olsem wanem oli save tijim wan man o woman se from wanem Lod i askem yumi blong pem taeting. Oli save ridim tu toktok ia we i kam long Presiden GordonB. Hinckley insaed long “Sam Moa Risos.” Wanem nao yumi wantem ol narawan blong oli mas save abaot taeting? Eksampol,?wanem i minim blong pem taeting? ?From wanem Lod i wantem yumi blong pem taeting? ?Olsem wanem ol “windo blong heven” (ves10) oli open taem yumi pem taeting? ?Wanem wari nao wan i save gat abaot pem taeting, mo olsem wanem nao yumi save ansarem wari ia? Askem ol memba blong klas blong serem olsem wanem taem oli stap kipim komanmen ia i mekem fet blong olgeta long Papa long Heven mo Jisas Kraes i kam moa strong.
Penting blong Elaeja i kam kamaot long Josef Smit mo Oliva Kaodri long Ketlan Tempol i kam long RobertT. Barrett
“Bae Mi Sendem Profet Elaeja I Kam long Yu.”
-
Ol memba blong klas oli maet kasem wan klia andastaning abaot Malakae 4:5–6 taem oli komperem ol ves ia long wanem Moronae i kwotem olgeta long Josef Smit long Josef Smit—Histri 1:38–39. (Maet bae i help blong gat wan i raetem ol ves ia wan long saed blong narawan antap long bod.) ?Wanem toktok blong Moronae nao i givim andastaning long yumi long ol ves ia long Malakae? Yu maet wantem tu blong tokbaot ol kwestin olsem: ?Huia i ol “papa”? (luk long Dutronome 29:13). ?Olsem wanem nao hat blong yumi i tanem i go long ol papa blong yumi, mo olsem wanem hat blong olgeta i tanem i kam long yumi? Blong helpem ol memba blong klas blong yu blong andastanem olsem wanem profesi blong Malakae i bin fulfil, oli ridim abaot taem Elaeja i komitim ol ki blong siling long Josef Smit (luk long Doktrin mo Ol kavenan 110:13–16). ?From wanem ol memba blong klas oli glad mo talem tank yu from ol ki ia oli bin kambak?
-
Malakae 4:5–6 i givim wan bigfala janis blong tokbaot tempol mo wok blong famli histri. Maet ol memba blong klas bae oli serem ol eksperiens we oli gat taem oli stap mekem wok ia mo olsem wanem ol eksperiens ia i helpem olgeta blong oli tanem hat blong olgeta i go long papa blong olgeta. ?Wanem yumi save mekem blong helpem ol fiuja jeneresen blong tanem hat blong olgeta i kam long yumi?
Sam Moa Risos
Taeting i wok wetem fet.
Presiden GordonB. Hinckley i talem, “Yumi save pem taeting blong yumi. Hemia i no minim se yumi gat plante mane be i minim se yumi gat fet. Mi no harem yet wan man o woman we i fetful blong pem taeting blong hem blong i no testifae long wan gudfala wei se ol windo blong heven oli open mo ol blesing oli kapkapsaed long hem” (“Let Us Move This Work Forward,” Ensign, Nov. 1985,85).
Kam Antap long Fasin blong Yumi blong Stap Tij
Serem ol hadwok mo fet blong yufala. Samtaem olgeta we oli stap fesem hadtaem oli filim se olgetawan nomo oli stap fesem hadtaem olsem. Maet i gud blong wanwan taem yumi serem ol eksperiens abaot wan taem we yu fesem wan hadtaem mo olsem wanem Sevya i bin helpem yu.