“19–25 Disemba. Krismes: “Mifala I Bin Stap Wet long Hem, mo Hem Bae I Givhan long Mifala,’” Kam Folem Mi—Blong Sandei Skul: OlTesteman 2022 (2021)
“19–25 Disemba. Krismes,” Kam Folem Mi—Blong Sandei Skul: 2022
Long Yumi, Wan Pikinini I Bon I Kam long Wol Ia., i kam long Simon Dewey
19–25 Disemba
Krismes
“Mifala I Bin Stap Wet long Hem, mo Hem Bae I Givhan long Mifala”
Long taem blong rere mo stadi blong yuwan blong tij, tingting long olsem wanem blong helpem ol memba blong klas blong oli filim bigfala glad ia blong taem we Sevya i bon long hem. Invaetem Spirit blong i testifae long olgeta abaot lav blong Jisas Kraes blong pemaot man.
Raetemdaon Ol Filing mo Tingting blong Yu
Invaetem Ol Memba blong Serem Wanem Oli Gat
Krismes taem maet bae i wan gud janis blong invaetem ol memba blong klas blong serem olsem wanem stadi blong OlTesteman i bin mekem fet blong olgeta long Jisas Kraes i kam strong.
Stap Tijim Doktrin
Mifala i stap glad long Ridima blong mifala.
-
Nomata yumi save se Krismes i wan sisen blong stap glad, i gat plante we situesen long laef i mekem i had blong faenem glad, iven long taem ia blong yia. Wan impoten mesej blong Krismes i we Sevya i save givim spel long yumi mo helpem yumi faenem pis mo glad. Blong serem mesej ia yu save raetem ol skripja refrens ia long blak bod o waet bod: Ol Sam 35:9; Aesea 25:8–9; 44:21–24; 51:11; Sefanaea 3:14–20; Moses 5:5–11. Afta yu save raetem long bod wan kwestin blong ol memba blong klas blong oli tingting hevi long hem taem oli stap ridim ol skripja we i stap, kwestin olsem Wanem risen nao we ol toktok blong skripja ia oli givim blong stap glad long hem? Invaetem olgeta blong serem wanem oli faenem. Maet bae yu save givim taem tu long ol memba blong klas blong oli raetemdaon glad blong olgetawan long Sevya. Maet bae oli save kasem moa infomesen long mesej blong Presiden RussellM. Nelson we i stap long “Sam Moa Risos.”
-
Krismes i givim janis blong save seremaot glad blong Kraes tru long fasin blong givim seves long narawan. Bifo long taem blong klas, yu maet wantem blong invaetem wan memba blong klas blong lukluk bak long mesej blong Elda Ulisses Soares’s “A Modern Angelic Host” (First Presidency Christmas devotional, Dec.8, 2019, broadcasts.ChurchofJesusChrist.org) mo i kam rere blong serem olsem wanem givim seves i bin helpem Elda Soares mo famli blong hem oli filim lav mo glad blong Krismes. Yu save serem sam pat blong mesej blong hem long klas. Ol memba blong klas oli save serem ol eksperiens blong olgeta blong givim mo risivim seves long Krismes. ?Folem invitesen blong Elda Soares, wanem yumi save mekem blong folem “stret eksampol mo gudfala fasin blong Sevya long ol man”?
Ol simbol i save helpem yumi tingbaot Jisas Kraes.
-
Aotlaen blong wik ia, insaed long Kam Folem Mi—Blong Wanwan Man, Woman mo Famli i tekem wan lis blong sam simbol long OlTesteman we i tij abaot Jisas Kraes. Ol memba blong klas oli save serem wanem we oli bin lanem abaot Sevya long ol simbol ia mo ol nara simbol we oli faenem tru long stadi blong olgeta. ?Wanem nao yumi lanem abaot faenem Sevya aot long ol skripja ia? ?Wanem eksperiens i bin tijim yumi se “evri samting we oli krietem mo mekem i blong givim wan rekod abaot [Hem]”? (Moses 6:63).
God i givim long yumi presen ia we i Pikinini blong Hem.
-
Givim presen i wan tradisen blong Krismes long plante kalja. Yu save lidim ol memba blong klas long wan toktok raon abaot presen ia we God i bin givim long yumi, speseli presen ia we i Pikinini blong Hem, Jisas Kraes. Blong mekem hemia, yu save serem vidio ia “He Is the Gift” (ChurchofJesusChrist.org) mo invaetem ol memba blong klas blong serem wanem nao presen ia we hem i Sevya i minim long olgeta? ?Olsem wanem yumi soem tangkyu blong yumi from ol presen blong Papa blong yumi long Heven?
“Bambae oli singaot hem se, Nambawan Man blong Givhan long Man.”
-
Profet Aesea i yusum plante nem mo taetel blong tokbaot Mesaea, we bae i bon long Betlehem (luk eksampol long, Aesea 7:14; 9:6). Ating ol memba blong klas oli save lanem moa abaot Sevya mo misin blong Hem, taem oli lanem abaot ol taetel ia. Oli save jusum wan taetel mo oli save faenem ol narafala ves blong skripja we i helpem olgeta blong andastanem mining blong hem. Eksampol, oli save lanem moa abaot taetel ia “Prins blong Pis” (Aesea 9:6) taem oli rid long Ol Sam 85:8; Aesea 52:7; Luk 2:14; o Jon 16:33. Blong helpem ol memba blong faenem ol nara skripja, oli save luk long Guide to the Scriptures (scriptures.ChurchofJesusChrist.org). ?Wanem nao ol taetel ia oli talem abaot Sevya mo wanem Hem i bin mekem from yumi?
Sam Moa Risos
Jisas Kraes i givim pis mo glad.
Presiden RussellM. Nelson i bin tijim:
“Taem we, long laef blong yumi, yumi stap lukluk nomo long plan blong God blong fasin blong sevem man, mo Jisas Kraes mo gospel blong Hem, yumi save filim glad nomata wanem i stap hapen—o i no stap hapen—long laef blong yumi. Glad i kam long Hem mo from Hem. Hem i stamba blong evri glad. Yumi filim long taem blong Krismes taem yumi singim, ‘Joy to the world, the Lord is come’ [Hymns, no.201]. Mo yumi save filim hemia long evri yia. Long ol Ol Lata-dei Sent, !Jisas Kraes i glad ia!”
“Sevya i no givim nomo, pis ia we i ‘bitim evri andastaning blong yumi’ [Filipae 4:7], Hem i givim tu, glad ia we i bigwan tumas, i dip, mo man long wol ia i no save andastanem” (“Joy and Spiritual Survival,” Liahona, Nov. 2016,82).
Stap Kam Antap long Fasin blong Yumi blong Stap Tij
Yu rere wetem ol pipol i stap long maen blong yu. “Letem andastaning blong yu blong ol pipol we yu stap tijim, i stap olsem wan gaed blong rere long plan blong yu blong tij . … Ol tija we oli olsem Kraes, oli no stap putum olgeta blong stap folem wan sem kaen stael o fasin blong tij; oli putum tingting blong olgeta blong helpem ol pipol blong bildimap fet long Jisas Kraes” (Teaching in the Savior’s Way,7