“Ngaahi Maʻuʻanga Tokoni Lahi Ange,” Haʻu, ʻo Muimui ʻIate Au—Maʻá e Lautohi Faka-Sāpaté: Fuakava Motuʻá 2022 (2021)
“Ngaahi Maʻuʻanga Tokoni Lahi Ange,” Haʻu, ʻo Muimui ʻIate Au—Maʻá e Lautohi Faka-Sāpaté: 2022
Ngaahi Maʻuʻanga Tokoni Lahi Ange
ʻE ala maʻu ʻa e ngaahi maʻuʻanga tokoni ko ʻení ʻi he polokalama Gospel Library mo e ChurchofJesusChrist.org.
Ngaahi Himí mo e Tohi Hiva ʻa e Fānaú
ʻOku fakaafeʻi ʻe he hiva toputapú ʻa e Laumālié mo akoʻi e tokāteliné ʻi ha founga fakangalongataʻa. Makehe mei he ngaahi tatau kuo paaki ʻo e Ngaahi Himí mo e Tohi Hiva ʻa e Fānaú, te ke lava ʻo maʻu e hiki tatau ʻo e ngaahi fasi mo e ngaahi vitiō ʻo ha ngaahi himi lahi mo ha ngaahi hiva maʻá e fānaú ʻi he music.ChurchofJesusChrist.org mo e ongo polokalama Sacred Music mo e Gospel Media.
Ngaahi Tohi Lēsoni ʻa e Seminelí mo e ʻInisititiutí
ʻOku ʻomi ʻe hengaahi tohi lēsoni ʻa e seminelí mo e ʻinisititiutí ha puipuituʻa fakahisitōlia mo ha fakamatala fakatokāteline ki he ngaahi tefitoʻi moʻoni ʻoku maʻu ʻi he ngaahi folofolá. Te nau ala fakatupu foki ha ngaahi fakakaukau fakafaiako maʻá e ngaahi kalasi Lautohi Faka-Sāpaté.
Ngaahi Makasini ʻa e Siasí
ʻOku ʻomi ʻi he ongo makasini Liahoná mo e Ki Hono Fakamālohia ʻo e Toʻu Tupú ha ngaahi talanoa mo ha ngaahi meʻa kehe ʻe lava ke ne tānaki ki he ngaahi tefitoʻi moʻoni ʻokú ke akoʻi mei he Haʻu, ʻo Muimui ʻIate Au—Maʻá e Lautohi Faka-Sāpaté.
Ngaahi Tefito ʻo e Ongoongoleleí
Te ke lava ʻo maʻu ʻi he Ngaahi Tefito ʻo e Ongoongoleleí (topics.ChurchofJesusChrist.org) ha fakamatala tefito fekauʻaki mo ha ngaahi tefito kehekehe ʻo e ongoongoleleí, fakataha mo ha ngaahi fehokotakiʻanga ki ha ngaahi maʻuʻanga tokoni ʻaonga, hangē ko ha ngaahi lea ʻoku kaunga ki he konifelenisi lahí, ngaahi fakamatala, potufolofola, mo ha ngaahi vitiō.
Malanga ʻAki ʻEku Ongoongoleleí
ʻOku ʻomi ʻe he fakahinohino ko ʻeni maʻá e kau faifekaú ha vakai fakalūkufua ki he ngaahi tefitoʻi moʻoni ʻo e ongoongoleleí.
Ki Hono Fakamālohia ʻo e Toʻu Tupú (tohitufa)
ʻOku fakamatalaʻi ʻe he maʻuʻanga tokoni ko ʻení ʻa e ngaahi tuʻunga moʻui ʻo e Siasí ʻa ia ʻe ala tokoni ke tau moʻui ʻaki e ongoongoleleí pea fiefia ʻi he takaua ʻo e Laumālié. Fakakaukau ke faʻa fakaʻaongaʻi maʻu pē ia, tautautefito kapau ʻokú ke akoʻi ʻa e toʻu tupú.
Ngaahi Vitioó mo e Tā Valivalí
ʻE lava ʻe he ʻū fakatātaá mo e ngaahi vitioó ʻo tokoni ke mahino kiate kinautolu ʻokú ke akoʻí ʻa e tokāteliné pea sioloto ki he ngaahi talanoa ʻoku felāveʻi mo e ngaahi folofolá. Ko ha konga lahi ʻo e ʻū fakatātā ʻe lava ke ke fakaʻaongaʻi ʻi he kalasí ʻoku maʻu ia ʻi he Tohi Fakatātā ʻo e Ongoongoleleí.
Ko e Faiako ʻi he Founga ʻa e Fakamoʻuí
ʻE lava ke tokoni atu ʻa eKo e Faiako ʻi he Founga ʻa e Fakamoʻuí ke ke ako mo ngāue ʻaki ʻa e ngaahi tefitoʻi moʻoni ʻo e faiako faka-Kalaisí. ʻOku aleaʻi mo akoako fakahoko ʻa e ngaahi tefitoʻi moʻoni ko ʻení ʻi he ngaahi fakataha alēlea fakafaiakó.