“Ang akong anak nga may kakulangan kinahanglan ba nga mahibalo mahitungod sa ebanghelyo?” Mga Serbisyong Pangkakulangan: Mga Ginikanan ug mga Tig-amuma (2020)
“Ang akong anak nga may kakulangan kinahanglan ba nga mahibalo mahitungod sa ebanghelyo?” Mga Serbisyong Pangkakulangan: Mga Ginikanan ug mga Tig-amuma
Ang akong anak nga may kakulangan kinahanglan ba nga mahibalo mahitungod sa ebanghelyo?
Gitudloan kita diha sa mga kasulatan nga “tanan ninyo nga mga anak pagatudloan mahitungod sa Ginoo” (3 Nephi 22:13). Gipasabut ni Propeta Joseph Smith nga ang “tanang mga salabutan ug mga espiritu nga sukad gipadala sa Dios nganhi sa kalibutan ang dali ra nga mapalambo” (Mga Pagtulun-an sa mga Presidente sa Simbahan: Joseph Smith [2007], 251). Pag-ampo aron mahibalo kon unsa ang imong mabuhat sa pagtabang sa imong mga anak o mga gihigugma nga may kakulangan nga makakat-on sa ebanghelyo. Kini mahimong nagkinahanglan og pagpahiangay sa pagtuon sa kasulatan ug panudlo sa panimalay sumala sa ilang mga panginahanglan. Hatagi sila og angay nga mga oportunidad nga motabang kanila nga mas mapaduol ngadto sa Ginoo. Sama pananglit, mahimo nimo silang hangyoon sa pagpangulo sa mga himno, pag-ampo, o pagbasa sa mga kasulatan. Dapita sila sa pagpakigbahin sa ilang mga pagpamatuod ug sa pagkat-on og dugang mahitungod sa ebanghelyo sa usa ka paagi nga sila makasabut. Tudloi sila mahitungod sa ilang balaang bili ug kahimoan.
Kon sila mosulti nganha kanimo og tinguha nga mopadayon sa unahan subay sa dalan sa pakigsaad, tabangi sila ingon nga gikinahanglan sa pagpadayon sa unahan. Hinumdumi, sila adunay ilang kabubut-on ug makapili kon unsa nga tahas ang sa ebanghelyo diha sa ilang kinabuhi. Hinoon, ang Ginoo nagtudlo nga ang “tanan nga mga tawo adunay kahigayunan ang usa sama ngadto sa uban, ug walay usa nga gidid-an” (2 Nephi 26:28).
Tan-awa ang usa ka lista sa mga kasulatan, kurikulum, mga magasin, ug ubang mga kapanguhaan diha sa Accessible Formats.