“Pasiuna,” Mga Serbisyong Pangkakulangan: Mga Ginikanan ug mga Tig-amuma (2020)
“Pasiuna,” Mga Serbisyong Pangkakulangan: Mga Ginikanan ug mga Tig-amuma
Pasiuna
Ang mahibaloan nga ang usa ka gihigugma adunay hagit sa kakulangan o dugay na nga sakit makahimo og daghang mga pagbati. Mga pagbati sama sa kalibug, kasuko, kasagmuyo, kapakyas, ug kaguol ngadto sa Dios o sa uban sagad ug mahimong kabahin sa proseso sa pagsabut sa unsay nanghitabo. Mahimong matan-aw nimo ang imong kaugalingon nga emosyonal nga naluya ingon man sa pisikal nga paagi. Bisan tuod og ang Dios wala magpadayag sa tanang mga butang ngari kanato karon, ikaw makasalig nga Siya usa ka mahigugmaon nga Dios ug nagbantay kanimo ug sa imong gihigugma nga tawo. Paduol ngadto sa Langitnong Amahan ug tuguti ang Iyang Espiritu sa paghupay ug pagtudlo kanimo.
Ang Dios adunay usa ka plano alang sa kalipay sa imong pamilya dinhi ingon man didto sa mga kahangturan. Bisan tuod og ang atong Amahan sa Langit mahimong dili mokuha sa tanan nimong mga hagit karon, Siya makapagaan sa imong mga palas-anon ug makahatag kanimo sa kalig-on sa pagpas-an niini, sama lamang sa Iyang gihimo sa mga tawo ni Alma (tan-awa sa Mosiah 24:10–15).