Mga Kanunayng Ipangutana mahitungod sa Pag-apil sa Simbahan

Boy in wheelchair with others at the temple

• Makahimo ba ang akong anak o ang usa ka indibidwal nga akong giamumahan sa pagpabunyag? Kon ang usa ka indibidwal adunay tinguha sa pagpabunyag, isulti ang mga pangandoy sa imong bata ngadto sa inyong bishop o branch president. Sa kinatibuk-an, ang mga ordinansa dili ihikaw kon ang mga indibidwal takus, adunay tinguha sa pagdawat niini, ug makapakita og igo nga responsibilidad ug kaakohan (tan-awa sa Kinatibuk-ang Tamdanan nga Basahon: Pagserbisyo diha sa Simbahan ni Jesukristo sa mga Santos sa Ulahing mga Adlaw, 38.2.1.8; Katie E. Steed, “Andam ba nga Magpabunyag ang Akong Anak nga Adunay Kakulian sa Panglawas?” Liahona, Hunyo 2020, 18–21).

• Makahimo ba ang akong anak o ang usa ka indibidwal nga akong giamumahan sa pag-apil sa mga ordinansa sa templo? Ang mga indibidwal nga adunay usa ka tinguha sa pag-adto sa templo kinahanglan nga mosulti niana nga tinguha ngadto sa ilang bishop o branch president. Siya makatabang kanila sa paghimo sa labing maayo nga desisyon mahitungod sa pagdawat sa mga ordinansa sa templo ug sa pagtabang kanila sa pagpangandam sa pagdawat niini nga mga ordinansa sa angay nga panahon. Sa kinatibuk-an, ang mga ordinansa dili ihikaw kon ang tawo takus, adunay tinguha sa pagdawat niini, ug makapakita og igo nga responsibilidad ug pagkamay tulubagon. Sila kinahanglan usab nga makasabut sa mga katuyoan ug mahangturong kahulugan sa mga templo.

• Makahimo ba ang akong anak o ang usa ka indibidwal nga akong giamumahan sa pagdawat sa pagkapari? Ang tanang takus nga mga lalaki nga nag-edad sa pagkapari giawhag sa pagdawat sa pagkapari. Kon ang tawo adunay tinguha sa pagdawat sa pagkapari, siya kinahanglan nga makighisgot sa iyang mga tinguha ngadto sa ilang bishop o branch president. Sa kinatibuk-an, ang pagkapari dili ihikaw kon sila takus, adunay tinguha sa pagdawat niini, ug makapakita og igo nga responsibilidad ug pagkamay tulubagon (tan-awa sa Kinatibuk-ang Tamdanan nga Basahon, 38.2.5.4).

• Makahimo ba ang akong anak o ang usa ka tawo nga akong giamumahan sa pagserbisyo og misyon? Adunay daghang misyon nga mga oportunidad alang sa mga miyembro nga may mga kakulangan kinsa adunay usa ka tinguha sa pagserbisyo og misyon. Aron makahibalo mahitungod sa misyonaryo nga mga oportunidad alang sa mga miyembro nga may mga kakulangan, tan-awa sa ChurchofJesusChrist.org/service-missionary or seniormissionary.ChurchofJesusChrist.org.

Makatabang nga mga Kapanguhaan

• Claudio D. Zivic, “Ang Molahutay Hangtud sa Katapusan Maluwas,” Liahona, Mayo 2018, 83–85.

• Evan A. Schmutz, “Ang Dios Mopahid sa Tanang mga Luha,” Liahona, Nob. 2016, 116–18.