Սեմինարիա
Դաս 8. Ջոզեֆ Սմիթ—Պատմություն 1․1-26․ «Ես տեսա երկու Անձնավորություն, որոնց պայծառությունն ու փառքն ամեն նկարագրությունից վեր էր»։

«Դաս 8. Ջոզեֆ Սմիթ—Պատմություն 1․1-26. «Ես տեսա երկու Անձնավորություն, որոնց պայծառությունն ու փառքն ամեն նկարագրությունից վեր էր» Վարդապետություն և Ուխտեր․ Սեմինարիայի ուսուցչի ձեռնարկ (2025)

«Ջոզեֆ Սմիթ—Պատմություն 1․1–26», Վարդապետություն և Ուխտեր․ Սեմինարիայի ուսուցչի ձեռնարկ

Դաս 8․ Ջոզեֆ Սմիթ-Պատմություն 1․1-26

Ջոզեֆ Սմիթ—Պատմություն 1․15–20

«Ես տեսա երկու Անձնավորություն, որոնց պայծառությունն ու փառքն ամեն նկարագրությունից վեր էր»

Առաջին-տեսիլք-հայր-և-որդի

Ի հավելումն Ջոզեֆ Սմիթի հարցի պատասխանի, թե որ եկեղեցուն նա պետք է միանա, Երկնային Հոր և Հիսուս Քրիստոսի հայտնվելը մեզ ուսուցանում է այնպիսի ճշմարտություններ, ինչպիսիք են Աստվածագլխի էությունը և նրանց հետ մեր հարաբերությունները: Այս դասը կօգնի ուսանողներին հասկանալ կարևոր ճշմարտություններ Երկնային Հոր և Հիսուս Քրիստոսի մասին՝ բացահայտված Ջոզեֆ Սմիթի Առաջին Տեսիլքից։

Հնարավոր ուսումնական վարժություններ

Բառեր, որոնք փոխեցին աշխարհը

Գրատախտակին դասից առաջ կարող եք գրել Յոթ բառ Ջոզեֆ Սմիթ—Պատմություն 1․15–20 հատվածներից, որ փոխեցին ամբողջ աշխարհը։ Երբ ուսանողները մտնեն դասասենյակ, դասի մեկնարկին առաջարկեք նրանց փորձել այս հատվածներից նշել բառեր, որոնք համապատասխանում են այս նկարագրությանը:

Նախագահ Ռասսել Մ. Նելսոնը մի անգամ մի խումբ երեխաների ուսուցանել է այդ «յոթ բառը, որ փոխեցին ամբողջ աշխարհը» (տես «Յոթ բառ, որոնք փոխեցին աշխարհը» [տեսանյութ], ChurchofJesusChrist.org)։

2:12

  • Ի՞նչ եք կարծում, ո՞ր բառերն էին դրանք:

Նախագահ Նելսոնը նկատի ուներ Ջոզեֆ Սմիթ—Պատմություն 1․17 հատվածի վերջին յոթ բառերը։ Կարդացեք այդ յոթ բառը և կարող եք ձեր սուրբ գրություններում՝ հատվածի վերջում գրեք նախագահ Նելսոնի խոսքերը:

վարդապետության սերտման հատվածի պատկերակ Ջոզեֆ Սմիթ—Պատմություն 1․15–20 սուրբ գրությունների սերտման հատված է։ Առաջարկեք ուսանողներին նշել սուրբ գրությունների սերտման հատվածները տարբերակիչ ձևով, որպեսզի կարողանան հեշտությամբ գտնել:

Մի կամավորի առաջարկեք ասել դասարանին, թե ով է ասել այդ յոթ բառերը, ում նա նկատի ուներ և ում էր նա ասում այդ բառերը:

Ուսանողներին ժամանակ տվեք հանգամանորեն մտածելու և կիսվելու հետևյալ հարցերի վերաբերյալ իրենց պատասխաններով:

  • Ի՞նչ եք կարծում, այդ յոթ բառերն ինչպե՞ս փոխեցին աշխարհը: Ինչպե՞ս են դրանք ազդել ձեր կյանքի վրա:

Ճշմարտություններ, որոնք մենք կարող ենք սովորել Առաջին Տեսիլքից

Հետևյալ բաժինը կարող է օգնել ուսանողներին բացահայտել և հասկանալ բազմաթիվ ճշմարտություններ Առաջին Տեսիլքի պատմությունից, հատկապես ճշմարտություններ Երկնային Հոր, Հիսուս Քրիստոսի և Նրանց Եկեղեցու մասին:

Կարող եք գրատախտակին նկարել չորս մարդուկի գծապատկեր՝ յուրաքանչյուրի մոտ նկարելով մտքերի պղպջակ, որը պարունակում է հետևյալ հարցերից մեկը: (Օգտագործեք տարբեր հարցեր, որոնք կարող են ունենալ ձեր դասարանի ուսանողները Աստծո կամ Նրա Եկեղեցու վերաբերյալ:) Ուսանողներին բաժանեք խմբերի, որոնցից յուրաքանչյուրը պետք է ուսումնասիրի 15–20 հատվածները՝ հարցերից մեկի պատասխանը գտնելու համար։ Խնդրեք, որ յուրաքանչյուր խմբի ներկայացուցիչ գրատախտակին նկարված մտքերի պղպջակի կողքին գրի իրենց գտած հատվածների համարները, որոնք օգնում են պատասխանել իրենց հարցին։

Կարդացեք Ջոզեֆ Սմիթ—Պատմություն 1․15–20 հատվածները՝ փնտրելով, թե ինչպես կարող եք պատասխանել որևէ մեկի ունեցած հետևյալ հարցերին՝ օգտագործելով այս պատմությունը.

  • Արդյո՞ք Աստված տեղյակ է մեր մասին։

  • Արդյո՞ք Աստված խոսում է մարդկանց հետ մեր օրերում։

  • Արդյո՞ք կարևոր է, թե մենք որ եկեղեցուն ենք պատկանում: Ինչո՞ւ։

  • Արդյո՞ք հնարավոր է իմանալ, թե որն է ճշմարիտը։ Ինչպե՞ս։

Առաջարկեք խմբերին կիսվել դասարանի հետ, թե ինչու են ընտրել այդ հատվածները՝ իրենց հարցին պատասխանելու համար:

Երբ ուսանողները կիսվեն, կարող եք լրացուցիչ հարցեր տալ․ օրինակ՝ «Ուրիշ ի՞նչ նկատեցիք այս հատվածում, որ այսօր կարևոր է, որ մարդիկ հասկանան»: «Աստծո մասին ուրիշ ի՞նչ սխալ պատկերացումներ է օգնում պարզաբանել Առաջին Տեսիլքը»: «Ի՞նչ եք կարծում, ինչո՞ւ Հայր Աստված անձամբ հայտնվեց՝ ավետարանի Վերականգնումը նախաձեռնելու համար»: «Ի՞նչ կարող ենք սովորել այն բանից, թե ինչպես Երկնային Հայրը Հիսուս Քրիստոսին ներկայացրեց Ջոզեֆին հատված 17-ում»

Կարող եք կիսվել «Օժանդակ նյութեր» բաժնի նյութերով՝ հաստատելով այն ճշմարտությունները, որոնցով կիսվում են ուսանողները կամ օգնելով նրանց տեսնել այն ճշմարտությունները, որոնք իրենք ինքնուրույն չեն հայտնաբերել:

Առաջին Տեսիլքի բազմաթիվ պատմությունները

Որոշ մարդիկ մտահոգություն են հայտնում, երբ իմանում են, որ Ջոզեֆ Սմիթը՝ իր փորձառությունը նկարագրելիս տարբեր առիթներով կիսվել է եզակի մանրամասներով Առաջին Տեսիլքի մասին: Օգնեք ուսանողներին հասկանալ, որ օրհնություն է այն փաստը, որ մենք ունենք այս փառահեղ տեսիլքի բազմաթիվ պատմություններ։ Կարող է օգտակար լինել հետևյալ պարբերության բովանդակության բացատրությունը:

«Օժանդակ ուսումնական վարժություններ» բաժնում ևս կա մի գաղափար, որը կարող է օգտակար լինել:

Ջոզեֆ Սմիթը 1838թ-ին գրել է Առաջին Տեսիլքի պատմությունը «Ջոզեֆ Սմիթ—Պատմությունում»՝ որպես Եկեղեցու պաշտոնական պատմություն, ամբողջ աշխարհում հրապարակելու համար։ Մենք նաև օրհնված ենք՝ ունենալով Առաջին Տեսիլքի այլ պատմություններ, որոնցից երեքը գրվել կամ թելադրվել են Ջոզեֆի կողմից: Յուրաքանչյուր պատմություն գրվել է տարբեր ժամանակ, տարբեր մարդկանց համար և, հետևաբար, դրանցում ընդգծվել են նրա փորձառության տարբեր կողմերը: Օրինակ՝ Ջոզեֆի 1835 թվականի պատմությունից մենք իմանում ենք, որ նա նաև հրեշտակներ է տեսել, մինչդեռ 1832 թվականի իր պատմության մեջ՝ Աստծո ներկայության մեջ լինելու արդյունքը նկարագրելու համար նա ասել է հետևյալը. «Իմ հոգին լցվեց սիրով, և երկար ժամանակ ես շատ ուրախ էի» («Ջոզեֆ Սմիթի պատմությունները Առաջին Տեսիլքի մասին», josephsmithpapers.org, տես նաև Gospel Library հավելվածը)։

  • Երկնային Հոր և Հիսուս Քրիստոսի այցելությունը Ջոզեֆին ի՞նչ է ձեզ ուսուցանում Նրանց մասին:

Յուրաքանչյուր պատմություն օրհնում է մեզ եզակի մանրամասներով, բայց բոլորն էլ պարունակում են նույն հիմնարար ճշմարտությունը, որ երկինքը բացվեց Ջոզեֆ Սմիթի առաջ և նա տեսավ աստվածային սուրհանդակներին, այդ թվում՝ Հայր Աստծուն և Հիսուս Քրիստոսին:

Ուսանողներին մի քանի րոպե տրամադրեք՝ որոնելու համար «Ջոզեֆ Սմիթի առաջին տեսիլքի պատմությունները» բաժինը Gospel Library հավելվածում: Նրանք կարող են գտնել այն՝ ընտրելով «Գրադարան»», ապա «Եկեղեցու պատմություն», ապա «Առաջին տեսիլք»։ Ուսանողները կարող են խմբեր կազմել, որոնցում յուրաքանչյուր ուսանող տարբեր պատմություններում կփնտրի լրացուցիչ ճշմարտություններ Երկնային Հոր և Հիսուս Քրիստոսի մասին։

Ուսանողները կարող են նաև լրացուցիչ ճշմարտություններ փնտրել «Խնդրեք Աստծուց. Ջոզեֆ Սմիթի Առաջին Տեսիլքը» տեսանյութում (6:35), որը հասանելի ChurchofJesusChrist.org կայքում: Այս տեսանյութում ներառված են մանրամասներ Ջոզեֆ Սմիթի յուրաքանչյուր պատմությունից:

դասընթացի պետկերակԿենտրոնացեք Երկնային Հոր և Հիսուս Քրիստոսի վրա. Լրացուցիչ ուսուցում ստանալու համար այն հարցերի վերաբերյալ, որոնք ուղղորդում են ուսանողներին մտածել, թե ինչ են սովորել Երկնային Հոր և Հիսուս Քրիստոսի մասին, տես «Օգնեք սովորողներին ճանաչել Տիրոջ սերը, զորությունը և ողորմությունը իրենց կյանքում» վերնագրով դասընթացը՝ Ուսուցչի կատարելագործման հմտություններ ուսուցողական նյութում։

6:35

  • Ուրիշ ի՞նչ են ուսուցանում այս պատմությունները Երկնային Հոր, Հիսուս Քրիստոսի և Նրանց Եկեղեցու մասին, որը իմանալու համար դուք երախտապարտ եք:

Կարող եք առաջարկել ուսանողներին ավարտել դասը՝ իրենց օրագրերում գրելով մեկ ճշմարտություն, որը նրանք սովորել են Ջոզեֆ Սմիթի Առաջին Տեսիլքից և որը կարևոր է իրենց համար, և բացատրել, թե ինչու: Մի քանի կամավորների առաջարկեք դասարանի հետ կիսվել իրենց գրածով:

Անգիր սովորեք

Կարող եք օգնել ուսանողներին անգիր սովորել Ջոզեֆ Սմիթ—Պատմություն 1․15–20 հատվածների սուրբգրային հղումը և հիմնական արտահայտությունը, ապա վերանայել դրանք հետագա դասերի ժամանակ: Սուրբգրային հիմնական արտահայտությունը հետևյալն է․ «Ջոզեֆ Սմիթը «տեսավ երկու Անձնավորություն, որոնց պայծառությունն ու փառքն ամեն նկարագրությունից վեր էր»: Անգիր սովորելու համար նախատեսված վարժությունների վերաբերյալ գաղափարները ներկայացված են հավելվածի նյութերում՝ «Վարդապետության սերտման կրկնության վարժություններ» բաժնում: